Números 30:15 - La'aqtaqa Ñim Lo'onatac 'Enauacna 2013

¹⁵ Qalaxaye da mashe qaỹata'aguelo caua na'axa'te, nache da illapeguem da ỹo'ot cam ỹan la'aqtac acamaye. Nache camaye maiche pa'aiguet cam lasouaxashet acamaye.»

Números 30:15 Referans Kwoze

Levítico 5:1

Qaq da huo'o ca shiỹaxaua qaiỹaxana da yaqto' ỹa'axat cam nasouaxashet maye ỹauaachigui, huo'otaq hua'aqchigui co'ollaxa, qaq camaye da saishet da da'aqtaxan, nache camaye nque'etaxangui que'eca lasouaxashet.

Gálatas 3:28

Qaq ỹoqo'oye nagui saishet da huo'o ca ỹectega da judío le'ec huo'otaq saishet, huo'otaq ca nlatac, huo'otaq ca huesochiguiñi, huo'otaq da ỹale, huo'otaq aca 'alo. Cha'aye da mashe qana'ayeetaua'a So Jesucristo, nache 'enauac da qoñiita'a't.

Números 30:12

Qalaxaye que'eca lhua da huo'otaq la'axaỹaxac nache da illapeguem, nache acamaye saishet da iuen da ipacchigui ca ỹan la'aqtac, cha'aye ca lhua mashe illapeguem da ỹo'ot. Qaq Ñim Nataxala' ishet da ichoxoren acamaye.

Números 30:8

Qaq que'eca lhua acamaye da huo'otaq la'axaỹaxac da nỹalaqtoc ca ỹan la'aqtac acamaye, nache da sa ỹaỹamaxaren, nache acamaye saishet da iuen da ipacchigui cam ỹan co'ollaxa la'aqtac. Qaq Ñim Nataxala' ishet da ichoxoren acamaye.

Números 30:5

Qaq ca lta'a da la'axaỹaxac que'eca ỹan la'aqtac acamaye, nache da illapeguem, nache acamaye saishet da ipacchigui que'eca ỹan la'aqtac. Nache Ñim Nataxala' ichoxoren acamaye, cha'aye ca lta'a illapeguem da ỹo'ot que'eca ỹan la'aqtac acamaye.

Números 30:14

Qalaxaye da huo'otaq qaica ca la'aqtac ca lhua acamaye, nache acamaye iuen da ipacchigui que'eca ỹan la'aqtac. Cha'aye ca lhua qaica ca la'aqtac.

Números 30:16

Qaq 'ena nam lamaxasoxonaxacpi Ñim Nataxala' maye ỹanem co'ollaxa so Moisés, da yaqto' lataxac naqa'en da llecỹaxac ca ỹale qataq aca lhua. Nache 'ena'am ca nta'a qataq aca llale, da ñaq netaña ca lma' ca lta'a.