Números 30:12 - La'aqtaqa Ñim Lo'onatac 'Enauacna 2013

¹² Qalaxaye que'eca lhua da huo'otaq la'axaỹaxac nache da illapeguem, nache acamaye saishet da iuen da ipacchigui ca ỹan la'aqtac, cha'aye ca lhua mashe illapeguem da ỹo'ot. Qaq Ñim Nataxala' ishet da ichoxoren acamaye.

Números 30:12 Referans Kwoze

Números 30:8

Qaq que'eca lhua acamaye da huo'otaq la'axaỹaxac da nỹalaqtoc ca ỹan la'aqtac acamaye, nache da sa ỹaỹamaxaren, nache acamaye saishet da iuen da ipacchigui cam ỹan co'ollaxa la'aqtac. Qaq Ñim Nataxala' ishet da ichoxoren acamaye.

1 Corintios 11:3

Qaq nagui sauotaique da qauaỹachiñi de'era: So Cristo huo'o da 'enec da ilotalec ca ỹale, 'eeta'am ca ỹale da huo'o naq 'enec da ilotalec aca lhua. Qaq nache 'eetec Ñim Lo'onatac 'Enauacna da ilotalec So Cristo.

Números 30:5

Qaq ca lta'a da la'axaỹaxac que'eca ỹan la'aqtac acamaye, nache da illapeguem, nache acamaye saishet da ipacchigui que'eca ỹan la'aqtac. Nache Ñim Nataxala' ichoxoren acamaye, cha'aye ca lta'a illapeguem da ỹo'ot que'eca ỹan la'aqtac acamaye.

Números 15:28

Nache ca ntaxaỹaxanaxanec ỹo'ot de'era lataxac, da qaỹapalaxat ca lasouaxashet maye ilamaqalec que'eca shiỹaxaua, nache Ñim Nataxala' ỹapalaxat qome ca lasouaxashet camaye.

Números 15:25

Qaq da ime, nache ca ntaxaỹaxanaxanec ỹo'ot de'era lataxac da yaqto' qaỹapalaxat ca lasouaxashet na Israel le'ecpi. Huaña nache qaỹapalaxat ca lasouaxashet namayepi, cha'aye saq noma que'eca nasouaxashet, nache namayepi Aỹem ỹanot qome ca lachetaqtaxanaxat qaỹavigaxatta, qataq ca sa imauaq da qaỹavigaxat.

Números 30:11

nache ca lhua acamaye da huo'otaq la'axaỹaxac, nache da qaica ca la'aqtac, nache acamaye iuen da ipacchigui que'eca ỹan la'aqtac.

Números 30:13

Qaq que'eca lhua acamaye ishet da sa ipaigui naqa'en cam ỹan la'aqtac acamaye, huo'otaq da ipacchigui naqa'en.

Jeremías 44:17

Nacherata da nache qolaqto'ot da so'otaqtac dam mashe qarhuennataxac co'ollaxa da so'otaq. Nache qolaqto'ot da sanaqtacot na qarchenaxanaxat maye ama na laita, qataq na qarachetaqtaxanaxat lataxa añi atamnaxalate maye le'enaxat Nate'e na Piguem, dam ñanaguenaqto'ot da so'otaqtac choche ivitta'a nagui, qataq ỹo'ottac co'ollaxa nataqa'en so qarta'alpi, qataq so nta'alpi qataq so nataxala'pi, ye huaqta'a't nỹecpi maye ỹotta'a't naua nañalo ye Judá, qataq da huaña na nqa'aicpi ye Jerusalén. Cha'aye co'ollaq so'otaqtac de'era, nache qaica ca seuenaqtaique nam qonoq, qataq qaica camachaqca, qataq saishet da qomi' taleguete ca qauem,

1 Samuel 1:23

Nache so Elcana maye lhua asomaye, 'enapeco': «Aja', 'auo'ot cam ỹoqta ỹaỹamaqchiguiñi 'anqa'en. Nache 'ano'onañi nato' qom mashe ỹaxaañi da l-llepaxac na nogotolec. Qataq 'aupacchigui qome da 'ara'aqtac maye 'aỹa'anem co'ollaxa Ñim Nataxala'.» Nache aso Ana no'onañi da yaqto' ỹaqchet so llalec, choche ivitta'a co'ollaq ỹaxaañi da l-llepaxac somaye.

Jeremías 44:19

Qaq nataqa'en so 'alpi, 'eeta': Qomi' naxa da so'otaq ana qarauole 'ayiiña huetalec ñaqa'enaq so lqui'i añi Nate'e Na Piguem, qataq da sanaqot añimaye na qarchenaxanaxat maye ama na laita qataq na qarachetaqtaxanaxat lataxa, qaq 'enauac namayepi da ỹaỹamaxareeta na qarhuapi. Qaq damaye nache qolaqto'ot da so'otaqtac.