Números 3:41 - La'aqtaqa Ñim Lo'onatac 'Enauacna 2013

⁴¹ Ime, nache 'auỹotauga na leviitapi da yaqto' ỹalamaxat 'anqa'en, nmeneguet na la'auaxanec llalec na Israel le'ecpi. Qaq nache 'eeta'am na lalo shiguiỹacpi na leviitapi da 'auỹotauga da ỹalamaxat 'anqa'en, nmeneguet na la'auaxanec llalec, na lalopi shiguiỹacpi na Israel le'ecpi. Aỹem, maye Nachaỹem Nataxala'.»

Números 3:41 Referans Kwoze

Números 3:12

«Ne'ena Israel le'ecpi, Aỹem lleca'ateua'a na leviitapi da yaqto' nmeneguet ñaqa'en na na'auaxanec ñalec. Nache namayepi ỹalamaxatpi,

Números 3:45

«'Auỹotauga qome na leviitapi da yaqto' ỹalamaxat 'anqa'en, nmeneguet na la'auaxanec llalec na Israel le'ecpi. Qaq nache 'eetec nataqa'en na lalo shiguiỹacpi namayepi, da nmeneguet 'anqa'en na lalo shiguiỹacpi na Israel le'ecpi. Nache ne'ena leviitapi, namayepi ỹalamaxat. Aỹem, maye Nachaỹem Nataxala'.

1 Timoteo 2:6

So Jesús ỹan co'ollaxa da lalamaxat nachaalataxac da yaqto' nca'alaxatec 'enauac na shiỹaxauapi ana 'alhua. Qaq nache chegoqchiguiña, da Ñim Lo'onatac 'Enauacna qomi' ỹachaxanalo da huotaique da nca'alaxatec 'enauac na shiỹaxauapi.

Mateo 20:28

Aỹem Shiỹaxaua Llalec, nache ỹataxac de'era, sa ñanaỹa ana 'alhua da yaqto' Aỹem qanhualaxaueetapegue', nachaqrata da Aỹem ñeualaxaueetac qataq ñanac da sesoueeguesop na lasouaxashetpi na shiỹaxauapi qataq san da ñachaalataxac da lasheue damaye.»

Números 18:15

Qataq 'enauac na la'auaxanec llalec na Israel le'ecpi, qataq na la'auaxanec llalec na na'atetpi maye Aỹem ỹanot, nache 'am sanem qome da 'aralamaxat. Qalaxaye ca la'auaxanec llalec na shiỹaxauapi, qataq ca la'auaxanec llalec na shiguiỹacpi maye saishet da qanallec, 'auỹaxanaique qome aca lasheue da yaqto' nmeneguet 'anqa'en.

Números 8:16

Cha'aye namayepi qaỹachegoxottoigui na laỹepi Israel le'ecpi, da Aỹem qoỹanot da Aỹem do'onataxanot. Cha'aye Aỹem sacona namayepi da yaqto' naiguet ñaqa'en na la'auaxanec llalec na Israel le'ecpi.

Números 3:42

Nache so Moisés, ipacchigui da lamaxasoxonaxac Ñim Nataxala', nache ỹo'ot aso le'enaxat lmalate 'enauac na la'auaxanec llalec so Israel le'ecpi,

Números 3:13

cha'aye 'enauac na na'auaxanec ñalec, nache ỹalamaxat. Cha'aye co'ollaq ileu ñaqa'en 'enauac so la'auaxanec llalec so Egipto le'ecpi. Nache Aỹem seỹotauga co'ollaxa da sauo'o ỹalamaxat na la'auaxanec llalec na Israel le'ecpi, qataq na la'auaxanec llalec na shiguiỹacpi maye na'atetpi namayepi. Qaq ỹoqo'oye namayepi nache ỹalamaxat. Qaq 'era da ỹa'aqtac, Aỹem Nataxala'.»