Números 3:40 - La'aqtaqa Ñim Lo'onatac 'Enauacna 2013

⁴⁰ Ñim Nataxala' 'enapega co'ollaxa so Moisés, 'eeta': «'Auo'ot qome aca le'enaxat lmalate 'enauac na la'auaxanec llalec na Israel le'ecpi, na ivi' qataq na mashe napacalec ye 'oonolec ca'agoxoic, nache 'iyiñi na le'enaxatpi namayepi.

Números 3:40 Referans Kwoze

Números 3:15

«'Auo'ot qome aca le'enaxat lmalate na llalaqpi na leviitapi, qataq na maiche nalamaxat nhuo' le'ecpi, ỹataqtac so chegoxoguet lta'alpi, nache 'ereuo na le'enaxat na llalec ỹale maye mashe ivi' qataq napacalec ñi 'oonolec ca'agoxoic.»

Apocalipsis 14:4

Qaq somayepi nacheso som saishet da ỹo'oxoreetac nam qanatameetacotpi maye choche ne'enaqtacpi qataq saq 'en qataq saishet da sa ỹalaxaguet Ñim Lo'onatac 'Enauacna; 'enauac somayepi ca'attague' ñi Qagueta Llalec cam dataigue, qataq qanca'alaxatec somayepi da yaqto' la'auaxanec nachetaqtaxanaxat da qoỹanot Ñim Lo'onatac 'Enauacna qataq ñi Qagueta Llalec,

Apocalipsis 3:5

Qaq nam saishet da iqallem na lqalaiguesat qataq saishet da ỹaxanec da lpi'iỹaxac Aỹem, nache sanaxanaxanguilo caua alogo lapagaxaiqa, qataq saishet da sapalaxat ca le'enaxat maye nanettalec aca nere maye naneraxalate na qanca'alaxatec. Qataq sa'axatem Ñim Ita'a qataq na lamaxashecpi maye do'onataxaatacot Ñimaye.

Hebreos 12:23

qaq nache hueta'a nataqa'en 'enauac nam ỹamata'ac da lalamaxat llalaqpi qataq nam ỹami' da ishet da hueta'a yemaye. Qami' mashe qanquiquiiua'a Ñim Lo'onatac 'Enauacna ñim nmit qome 'enauacna. Nataqa'en mashe qanquiquiiua'a da saqcha'a lca'alaxa so no'on shiỹaxauapi maye Ñim Lo'onatac 'Enauacna naloqchiichiguiñi naqa'en da lataxac.

2 Timoteo 2:19

Qalaxaye Ñim Lo'onatac 'Enauacna mashe lapaxañi so lo'oxonaxala' da lo'onataxanaxac maye qaica ca iraxanapec. Qaq somaye nanettalec so nerec, 'eeta': «Ñim Nataxala' ỹauatton ca mashe lalamaxat;» nataqa'en 'eeta': «'Enauac na ỹo'oxoren da le'enaxat Ñim Lo'onatac 'Enauacna, iuen da ỹaxaañi da ỹo'ottac na sa ỹaỹamaxañisat.»

Filipenses 4:3

Qataq 'am ỹo'onataxanaxaua maye saishet da aỹem 'aỹotec, 'am shenapega da 'autaua'n qome que'ecaua qarqaỹa't, cha'aye caamaye ỹataqta qalota da ltaunaxanaxa'c aỹem, da sa'axattac da nca'alaxa, nataqa'en ca Clemente qataq cam laỹepi ỹo'onataxanaxauapi de'era qaro'onataxanaxac. Qaq Ñim Lo'onatac 'Enauacna mashe ỹerelec aca naneraxalate na chochaq tatec da lca'alaxa, nam le'enaxatpi namayepi.

Lucas 10:20

Qalaxaye saishet da qantoñiitapeguec da mashe qami' ỹalaxagueta na saqcha'a na'añaxac leguemaxaicpi, nachaqrata qome da qantoñiitapeguec da mashe qoỹettauo da qare'enaxache da piguem.

Isaías 4:3

Qaq cam nca'alecpi qome ye Sión, qataq cam lca'alaxaicpi ye Jerusalén, cam taalec da na'achecỹaxac da hueta'a yemaye, nache qaỹamata'ac qome da: «Nhuo' le'ecpi maye lca'aguishecpi Ñim Nataxala'.»

Salmos 87:6

Qaq Ñim Nataxala', ỹerelec qome aca le'enaxat lmalate na nhuo' le'ecpi, 'eeta': «Ne'ena lañoqo' ye Sión.»

Números 3:45

«'Auỹotauga qome na leviitapi da yaqto' ỹalamaxat 'anqa'en, nmeneguet na la'auaxanec llalec na Israel le'ecpi. Qaq nache 'eetec nataqa'en na lalo shiguiỹacpi namayepi, da nmeneguet 'anqa'en na lalo shiguiỹacpi na Israel le'ecpi. Nache ne'ena leviitapi, namayepi ỹalamaxat. Aỹem, maye Nachaỹem Nataxala'.

Números 3:12

«Ne'ena Israel le'ecpi, Aỹem lleca'ateua'a na leviitapi da yaqto' nmeneguet ñaqa'en na na'auaxanec ñalec. Nache namayepi ỹalamaxatpi,

Números 3:41

Ime, nache 'auỹotauga na leviitapi da yaqto' ỹalamaxat 'anqa'en, nmeneguet na la'auaxanec llalec na Israel le'ecpi. Qaq nache 'eeta'am na lalo shiguiỹacpi na leviitapi da 'auỹotauga da ỹalamaxat 'anqa'en, nmeneguet na la'auaxanec llalec, na lalopi shiguiỹacpi na Israel le'ecpi. Aỹem, maye Nachaỹem Nataxala'.»