Números 3:36 - La'aqtaqa Ñim Lo'onatac 'Enauacna 2013

³⁶ Qaq se'eso chegoxoguet so Merari, nache qaipataxalec da ilotague' 'enauac so nchiiguishec 'epaqpi maye l-llecnaxanaxatpi, qataq aso lauoqtepi qataq so na'attalec asomayepi, qataq 'enauac so laỹe logoxoshetpi so npe'l,

Números 3:36 Referans Kwoze

Éxodo 26:37

Ime, nache que'eca napoxonaxat 'auo'o't caua cinco lashel maye chegaqaigui ana qo'oipaq acacia, 'alapaxalec ca lcat oro, qaq ca lemaxaquipi maye chegaqaigui ca oro, nache na'atteleguete 'anqa'en caua cinco maye chegaqaigui ca lcat bronce.»

Éxodo 26:32

Ime, nache 'emaxagui aca lemaxaquipi lcat oro, maye netaguilo caua cuatro lashel maye chegaqaigui ana qo'oipaq acacia, maye qalapaxalec ca lcat oro, qataq na'atteleguete 'anqa'en caua cuatro lo'oxonaxalatel maye chegaqaigui ca lcat plata.

Números 7:8

Qaq so chegoxoguetpi so Merari, nache ỹanema soua cuatro naigona qataq soua ocho nauegaxanaxala'ate huaca, cha'aye nacheye ye lcata nam iuen da yaqto' ỹo'ot da lo'onataxanaxac, maye ilotague' so Itamar, som llalec so ntaxaỹaxanaxanec Aarón.

Éxodo 39:33

Nache qoỹanot co'ollaxa so Moisés 'enauac se'eso no'otaxat so atamnaqa', npe'l, qataq so logoxoshetpi, lemaxaquipi so npe'l, 'epaqpi, la'axasoxola' so l-llecnaxanaxatpi, lauoqtepi, qataq aso no'oxonaxalatepi,

Éxodo 36:36

Ime, nache qoỹemaxaua'a so lemaxaquipi lcat oro maye netagui aso cuatro lashepi maye chegaqaigui ana qo'oipaq acacia, maye qaỹo'oxoolec so lcat oro, qataq na'attaleguete soua cuatro lcat plata.

Éxodo 35:18

qataq aca qaitoqnañi lashepi ca npe'l, qataq aca qaitoqnañi lashepi ca lapoxonaxat ca nqasoxoc, qataq ca lquetpi maye nllañi,

Éxodo 35:11

nanataqa' maye huaña da qanauane' Ñim Nataxala', nache ỹo'ot aca lauoqtepi, qataq ca lo'oxonaxala'pi acamaye qataq ca l-llecnaxanaxatpi, qataq ca lemaxaquipi ca lquetpi da yaqto' nllañi que'eca npe'l,

Números 3:35

Qaq so Suriel som llalec so Abijail, nacheso so lataxala' somayepi. Qaq nache netaña so pa'aigue da sheu' so npe'l.

Números 3:37

nataqa'en ilotague' aso lauoqtepi so npaqtaxanaxat maye coleesop so nqasoxoc so npe'l, qataq aso na'attalecpi asomayepi, qataq so lquetpi qataq aso qaitoqooñi maye nllañi na lquetpi so npe'l.