Números 3:30 - La'aqtaqa Ñim Lo'onatac 'Enauacna 2013

³⁰ Qaq so Elisafán, som llalec so Usiel, nacheso so lataxala' se'eso maiche nalamaxat nhuo' le'ecpi.

Números 3:30 Referans Kwoze

Éxodo 6:22

Qaq soua llalqa so Uziel: Misael, Elzafán qataq so Sitri.

Números 3:27

Qaq soua maiche nalamaqa'ate nhuo' lashe' maye chegoxogueta so Coat: Amirán, Isar, Hebrón qataq Uziel.

Números 3:29

qaq so nhuo' le'ecpi maye chegoxoguet so Coat, netaña co'ollaxa so pa'aigue da taguiñi so npe'l.

Números 3:31

Qataq somayepi, nacheso so qaipataxalec da ilo'ogue aso arca maye laỹe' soua aỹamaxataxaco, qataq so lmala' aso nauole maye qaica ca lalegue, qataq aso ncoỹaraxanaxaqui maye siete naua lhua'q, qataq aso nca'atoxonaxalatepi, qataq so laỹe logoxoshetpi, qataq so lapoxonaxatpi, qataq so nhuenecpi.

Levítico 10:4

Ime, nache so Moisés iỹaxana so Misael qataq so Elzafán som llalqa so Uziel, qataq ntesoqo' so Aarón, nache 'enapegalo, 'eeta': «Ña qauanaqui da qanqacheeguesopa yeua qarhuo'oi lashe' na npe'l maye lalamaxat Ñim Nataxala', nache qauroỹeuga na pa'auec na nanataqa' maye qanayeutaña.»

Números 4:4

Qaq da lo'onataxanaxac ne'ena chegoxoguetpi so Quehat, da ilo'ogue na nogoxoshetpi maye ỹataqta sa qaishetapec, 'eeta':

Números 4:15

Nache ñi Aarón qataq ñeua llalqa, da ime da laỹona't 'enauac cam nogoxoshetpi maye sa qaishetapec, nache na Israel le'ecpi ishet da jec, nache anac na chegoxoguet so Quehat da ỹache 'enauac ca nogoxoshetpi. Qalaxaye saishet da ỹasheleua'a ca camachaqca que'eca nogoxoshetpi maye sa qaishetapec, yaqto' saishet da ileu. Qaq 'enauac que'eca logoxoshetpi que'eca npe'l maye naỹonqa', da nachena nam chegoxoguetpi so Quehat nam ishet da ỹache camaye.