Números 3:13 - La'aqtaqa Ñim Lo'onatac 'Enauacna 2013

¹³ cha'aye 'enauac na na'auaxanec ñalec, nache ỹalamaxat. Cha'aye co'ollaq ileu ñaqa'en 'enauac so la'auaxanec llalec so Egipto le'ecpi. Nache Aỹem seỹotauga co'ollaxa da sauo'o ỹalamaxat na la'auaxanec llalec na Israel le'ecpi, qataq na la'auaxanec llalec na shiguiỹacpi maye na'atetpi namayepi. Qaq ỹoqo'oye namayepi nache ỹalamaxat. Qaq 'era da ỹa'aqtac, Aỹem Nataxala'.»

Números 3:13 Referans Kwoze

Lucas 2:23

Cha'aye nache lamaxasoxonaxac na nqataxacpi maye chegoqo'ot so Moisés: «Da que'eca na'auaxanec ñalec maye ñiguiñi, camaye da ỹale, nache iuen da qoỹanot Ñim Lo'onatac 'Enauacna.»

Éxodo 13:12

nache qami' qaỹa'añiỹot qome Ñim Nataxala' 'enauac na la'auaxanec qaỹa'alquipi ỹalleppi, nataqa'en 'enauac na la'auaxanec llalec ỹale nam qareloipi, cha'aye 'enauac namayepi lalamaxat Ñim Nataxala'.

Éxodo 13:2

«Aỹem qaỹa'añiỹot qome na la'auaxanec qaỹa'alquipi, cha'aye 'enauac na la'auaxanec llalaqpi na Israel le'ecpi, namaye 'enauac ỹalamaxatpi, nache 'ena'am na la'auaxanec llalec na shiguiỹacpi».

Levítico 27:26

Qaq ca la'auaxanec llalec ca 'atetpi, camaye nache 'eetai' da lalamaxat Ñim Nataxala'. Ỹoqo'oye qaica qome ca ỹe'egueeta'a da ỹaneuo ca huaca llalec, huo'otaq ca qagueta llalec, cha'aye camaye mashe sogote da lalamaxat Ñim Nataxala'.

Éxodo 13:15

Qataq so faraón ỹataqta qaramchigui añi lquiyaqte da saishet da qomi' ỹaxaarec, qaq ỹoqo'oye Ñim Nataxala' ỹalauat so la'auaxanec llalec ñi 'oonolec so Egipto le'ecpi qataq 'enauac so la'auaxanec llalec so shiguiỹacpi. Qaq ỹoqo'oye qomi' sanaqot Ñim Nataxala' nam qara'auaxanec qoyalec ỹale, qataq ana qarachetaqtaxanaqte maye nmeneguet namayepi.

Hebreos 12:23

qaq nache hueta'a nataqa'en 'enauac nam ỹamata'ac da lalamaxat llalaqpi qataq nam ỹami' da ishet da hueta'a yemaye. Qami' mashe qanquiquiiua'a Ñim Lo'onatac 'Enauacna ñim nmit qome 'enauacna. Nataqa'en mashe qanquiquiiua'a da saqcha'a lca'alaxa so no'on shiỹaxauapi maye Ñim Lo'onatac 'Enauacna naloqchiichiguiñi naqa'en da lataxac.

Ezequiel 44:30

Na ntaxaỹaxanaxanecpi taỹot qome nam ỹataqta no'on maye la'auaxanec ala na nañiguishec, qataq 'enauac ana nachetaqtaxanaqtepi. Qaq qami' da qauo'oche ca qardaqñiqui da qauo'oche aca nauole, nache namayepi taỹot qome aca ỹataqta no'on nauole. Qaq 'era da 'eetec, da yaqto' da iqouagaxanaqtaic huetalec qome ca qarma'aipi.

Números 18:15

Qataq 'enauac na la'auaxanec llalec na Israel le'ecpi, qataq na la'auaxanec llalec na na'atetpi maye Aỹem ỹanot, nache 'am sanem qome da 'aralamaxat. Qalaxaye ca la'auaxanec llalec na shiỹaxauapi, qataq ca la'auaxanec llalec na shiguiỹacpi maye saishet da qanallec, 'auỹaxanaique qome aca lasheue da yaqto' nmeneguet 'anqa'en.

Éxodo 34:19

Qataq 'enauac na la'auaxanec qaỹa'alquipi nache ỹalamaxat, nache 'eeta'am na la'auaxanec llalec ỹale ana qareloi huaca, qagueta qataq ana quetaq.

Éxodo 22:29

Saishet qome da 'auaỹaloxon da 'andouo aca 'arachetaqtaxanaqte ana la'auaxana ala ca trigo qataq ca la'auaxanec lli'i aca uva. Qataq ca 'ara'auaqteguishec 'aỹa'alec Aỹem 'aỹa'anem,

Nehemías 10:36

Nataqa'en seroxoua'a so ntaxaỹaxanaxanecpi so qara'auaxanec qoyalaqpi, da yaqto' qoỹanot Ñim Lo'onatac 'Enauacna. Nataqa'en seroxoua'a so la'auaxanec llalaqpi so qana'atetpi, huaca, qataq aso qagueta da yaqto' qaipacchigui da 'enapec naua nanettrañi nqataxaco.

Números 3:41

Ime, nache 'auỹotauga na leviitapi da yaqto' ỹalamaxat 'anqa'en, nmeneguet na la'auaxanec llalec na Israel le'ecpi. Qaq nache 'eeta'am na lalo shiguiỹacpi na leviitapi da 'auỹotauga da ỹalamaxat 'anqa'en, nmeneguet na la'auaxanec llalec, na lalopi shiguiỹacpi na Israel le'ecpi. Aỹem, maye Nachaỹem Nataxala'.»

Números 18:6

Cha'aye Aỹem sachegoxottoigui co'ollaxa na laỹepi Israel le'ecpi, na 'arqaỹañecpi leviitapi da seỹotauga da yaqto' qana'agaxache. Cha'aye namayepi mashe qaiỹotauga da yaqto' do'onataxaatac da hueta'a ñi npe'l maye naỹonqa'.

Números 33:4

qaq so Egipto le'ecpi, ñaq ilattapiguiñi co'ollaxa so la'auaxanec llalaqpi maye Ñim Nataxala' ileu naqa'en, qataq Ñimaye nataqa'en ỹo'ot co'ollaxa da nhuaxanaguec so lataxala'pi somayepi.