Números 29:7 - La'aqtaqa Ñim Lo'onatac 'Enauacna 2013

⁷ Qaq ca na'a'q diez que'eca ca'agoxoic siete, nataqa'en qauo'oche qome ca ỹo'oxoraq qaraponaxaqui. Qaq que'eca na'a'q qanqouaqchichi qome, qataq qaica ca qauo'oche no'onatac.

Números 29:7 Referans Kwoze

Romanos 6:6

Huo'o da ỹataqta ỹataqtegue, 'eeta': Co'olloxocheye maye qomi' 'etaxaloxoiqa, qalaxaye co'ollaq So Cristo da qaiuaxaneguet so npe'enaxaqui, nache qomi' qarleuaxaua Somaye. Qaq ỹoqo'oye de'era ñe'etaxaloxo mashe saishet da qomi' ỹamaqta'ape.

Mateo 5:4

Ñim Lo'onatac 'Enauacna ỹaalec da nqouagaxa nam huo'o da nque'eenaxac nagui, cha'aye Ñimaye ỹami' da lamaicỹaxac namayepi.

Zacarías 12:10

Qalaxaye nam chegoxoguetpi so David, qataq nam hueta'a na Jerusalén secorelec qome dam saqcha'a 'achecỹaxac qataq da atamnaxac. Huaña nache Aỹem ỹamato'ot, Aỹem maye aỹem ỹalauat, nache nỹen 'eeta'am da nỹeetapeguelec ca 'oonolec llalec, huo'otaq ca llalec ỹe.

Isaías 22:12

Qaq se'eso na'a'q, Ñim Nataxala' maye Qaica ca Ỹaqalanapec qami' 'enapegalo co'ollaxa da qanỹiñi qataq qanachoxoreñi qanamarequi' naua qarqaigolli' qataq qaỹa'añiiyiñi naua qo'ogolli' maye sa nsattegueta maye la'anaxat da qanqui'iqui.

Esdras 8:21

Qaq so ñaq sonaqtaña so loigue so tala Ahavá, nache samaxalec somayepi da nqouaqcheela't qataq ỹataqta ñemanaqot Ñim Qanatamnaxala', qataq seỹaxanaqot Ñimaye da qomi' nnaictagueto de'era qoyecỹaxac, qataq da ntela'a so qoyalaqpi, qataq 'enauac so qorogoxoshetpi.

1 Corintios 9:27

Nachaqrata da aỹem selotegue da ñapaxaguenataguec qataq ỹataqta huo'o da iuogoxo da ñellañi da maiche ỹataxac. Cha'aye da aỹem sa'aqtaxaatapeguem da no'on na'axaỹaxac ca lỹa shiỹaxaua, nache sa saỹamaxaren da Ñim Lo'onatac 'Enauacna aỹem nqateua'a.

Lucas 13:5

¡'A'i, saishet! Qami' nataqa'en da saishet da qanaralaxache da qarataxaqui, qataq da sa qaualaqaiguet Ñim Lo'onatac 'Enauacna, nache nataqa'en qaullivi, qoñiita'am da l-leuaxa somayepi.

Lucas 13:3

'A'i, saishet. Qami' nataqa'en qom saishet da qaỹa'axañiire'c naua qano'onataxacolli', qaq nataqa'en qaullivi qoñiita'am da l-leuaxa somayepi.

Salmos 35:13

Qaq naxa da sano'on namayepi qalaq lta'araic da iuogoxo souaxat namayepi, nache saayiñi naua anogo sansatte' qataq ñeqouaqchet qataq nache shecto'ot da ñatameetapeguelec namayepi.

Hechos 27:9

Qaq mashe huo'o da lchec da qolaqto'ot da qolaqtangui na 'etaxat, cha'aye mashe nvi' so no'omaxa qataq mashe qaỹoqteguelo soua na'axa'te, qaq ỹoqo'oye so Pablo ỹauo'o so lqataxac da ỹami' 'enauac na netangui aso notaxaqui 'eeta':

Zacarías 7:3

qataq da inat so na'aqtaxanaxanecpi, qataq so ntaxaỹaxanaxanecpi maye ilotague' aso atamnaxaqui maye lalamaqte Ñim Nataxala' maye Qaica ca Ỹaqalanapec, 'eeta': «¿Peta'a nache qolaqto'ot da so'otaqtac da qaraquicoxo qataq da qanqouaqchetaxac da ivireuga so ca'agoxoic cinco ye 'oonolec vi'i, dam ñanaguenaqto'ot da so'otaqtac choche ivitta'a nagui?»