Números 29:6 - La'aqtaqa Ñim Lo'onatac 'Enauacna 2013

⁶ Nache ca nachetaqtaxanaxat maye nache 'eetai' naxa da qoỹaatapegueuo da dalaxaic so ca'agoxoic, qataq ca qoỹaategueuo naxa 'enauaque naua na'axa'te, qataq ca lỹateuo nachetaqtaxanaxat 'ayiiña, qataq ca lataxa, maye qaỹamaxasoxoolec da qoỹaneuo. 'Enauac camaye nachetaqtaxanaxat qaỹavigaxatta yaqto' da ama laitaỹaxac ỹamaateguet Ñim Nataxala'.

Números 29:6 Referans Kwoze

Esdras 3:4

Ime, nache ỹo'ot so lquia'axac maye naigui da iuennate co'ollaq netaigui so nauecañi nỹecpiolec da yaqto' ipacchiguilo naua nanettrañi nqataxaco. Nache ỹaneuo so lachetaqtaxanaxatpi maye ỹaneuo ye na'a'q,

Números 29:21

Qaq nataqa'en qaỹa'añiiuo ca nachetaqtaxanaxat 'ayiiña qataq ca lataxa, huaxaiguet qanqa'eñi ñi 'oonolec ca huaca llalec, qataq ca qagueta lhuaraic, qataq caua qagueta llalqa, nache qaupaquiichigui da lamaxasoxonaxac Ñim Nataxala'.

Números 29:18

Nataqa'en qaỹa'añiiuo aca qarachetaqtaxanaqche 'ayiiña qataq ca lataxa maye huaxaiguet naxa ñi 'oonolec huaca llalec, qataq qagueta lhuaraic, qataq ca qagueta llalec, nache qaupaquiichigui da lamaxasoxonaxac Ñim Nataxala'.

Números 15:24

Da huo'otaq huo'o ca nasouaxashet da saq noma na ỹalecta'a't nhuo' le'ecpi, nache 'enauac namayepi ỹaneuo ca 'oonolec huaca llalec da lachetaqtaxanaxat qaỹavigaxatta, yaqto' da ama laitaỹaxac ỹamaateguet Ñim Nataxala', qataq lỹateuo qanqa'en aca nauole, qataq ca lataxa. Nache qaipacchigui da lqataxac Ñim Nataxala', qataq qoỹaneuo nataqa'en ca quetaq da yaqto' qaỹapalaxat ca nasouaxashet.

Números 9:14

Qataq ca chegaqauecpi maye qami' netaiguilo, camayepi nataqa'en ỹo'ot qome ca Lapascua da Aỹem ỹo'oxoren, qalaxaye ipacchiguilo naua lapaqtrañi lataxaco. Qaq de'era qalapaqtañi lataxac damaye ipacchigui da ỹo'ot qome ca chegaqauecpi qataq ca maiche lañoqo' ne'ena 'alhua.»

Levítico 6:9

«Qonapega qome ñi Aarón qataq ñeua llalqa, qoneta': 'Era da llec aca nachetaqtaxanaqte maye qaỹavigaxatta, 'eeta': Aca'aca nachetaqtaxanaqte qaỹavigaxatta, acamaye iuen da palom huetangui ca norec maye huetalec añi nca'atoxonaxalate, choche ivitta'a ca lỹa na'a'q. Qataq que'eca norec, nache 'eetai' da 'ettaigui qanqa'en.

Números 28:27

Qataq qaỹa'añiỹot Ñim Nataxala' caua dos huaca llalqa, 'oonolec qagueta lhuaraic, qataq siete caua qagueta llalqa maye ivi' ye 'oonolec vi'i, da nachetaqtaxanaxat qaỹavigaxatta, yaqto' da ama laitaỹaxac ỹamaateguet Ñim Nataxala'.

Números 29:5

Nataqa'en qaỹa'añiiuo qome ca qarachetaqtaxanaxache quetaq da yaqto' sapalaxat ca qarasouaxashichi.

Números 7:13

Nache somaye ỹaneuo so nquia'axaqui lta'araic lcat plata maye ivi' mil cuatrocientos treinta gramos, qataq aso 'oonole ỹomaxaqui late'erai maye ivi' setecientos setenta gramos, cha'aye nachañi añi lasheue na qoỹaneua'a so npe'l. Qaq soomaye nlaqchiguilo so ỹataqta no'on 'ayiiña maye qairaqneguet na aceite, qaq somaye nachetaqtaxanaxat maye chegaqaigui na ala so nañiguishec,

Números 15:4

nache que'eca ỹaneuo ca lachetaqtaxanaxat, iuen da ỹaneuo ca dos kilos ca ỹataqta no'on 'ayiiña maye qairaqneguet ca un litro na aceite.