Números 29:40 - La'aqtaqa Ñim Lo'onatac 'Enauacna 2013

⁴⁰ Nache so Moisés, da'aqtaxanem co'ollaxa so Israel le'ecpi 'enauac nam ỹamaxalecpi co'ollaxa Ñim Nataxala'.

Números 29:40 Referans Kwoze

Hebreos 3:5

So Moisés do'onataxaatacot Ñim Lo'onatac 'Enauacna qataq ỹalaxaguet 'enauac, ỹoqo'oye itauan so nhuo' le'ecpi maye lalamaxatpi Ñim Lo'onatac 'Enauacna ỹataqta ipagaqchiichigui dam la'aqtac Ñimaye, qataq da'aqtaxaateguem se'eso lalamaxatpi Ñim Lo'onatac 'Enauacna dam huotaique ỹa'axat Ñimaye maye ñaq natauo.

Hebreos 3:2

Ñim Lo'onatac 'Enauacna 'enapega co'ollaxa da qomi' itaua'n, nache Somaye ỹalaq, 'eeta'am so Moisés da ỹalaq co'ollaq, Ñim Lo'onatac 'Enauacna 'enapega da itauan 'enauac so lauo'.

1 Corintios 15:3

Dam sa'auaxaachiguiñi maye qami' sapaxagueneque, damaye nataqa'en aỹem qaỹapaxaguenec co'ollaxa, 'eeta': So Cristo qomi' ileualeguete souaxat da qaye'etaxaloxo. Qaq damaye ipacchigui da 'enapec ana nere maye huetalec na la'aqtacpi Ñim Lo'onatac 'Enauacna, da

Hechos 20:27

Cha'aye aỹem ỹataqta sa'axatta 'enauac nam 'eetapeguecpi Ñim Lo'onatac 'Enauacna, qaica ca soxottapiguiñi.

Mateo 28:20

Qataq qauapaxaguiñic qome namayepi da ỹalaxalec 'enauac na ỹapaxaguenataxanaxacpi. Qaq Aỹem nache 'eetai' da qami' soota'agueta, choche ivitta'a ca loga't ana 'alhua.»

Deuteronómio 4:5

Aỹem mashe qami' sapaxagueneque naua nqataxaco maye aỹem ỹamaxaleguete co'ollaxa Ñim Nataxala' maye Qanatamnaxala' da yaqto' qauo'oche', qom mashe qoñiỹalec ye 'alhua maye qarma'ai qome.

Éxodo 40:16

Nache so Moisés ipacchigui da ỹo'ot 'enauac dam ỹamaxalec Ñim Nataxala'.

Números 29:39

Qaq 'eca cam nachetaqtaxanaxatpi maye ishet da qaỹa'añiỹot Ñim Nataxala', da ivita ca laloxoqui ca ỹo'oxoraic qaraponaxaqui, qataq ca nachetaqtaxanaxat da qaipacchigui ca qoỹan na'aqtac, huo'otaq ca nachetaqtaxanaxat maye maiche qoỹaneuopi, huo'otaq ca qaỹavigaxatta maye huaqtalec ca 'ayiiña, qataq ca lataxa, huo'otaq ca nachetaqtaxanaxat maye qanhuaachigui.

Números 30:1

So Moisés da'aqtaxanem so lataxala'pi so maiche nalamaxat nhuo' Israel le'ecpi, 'eeta': «Da lamaxasoxonaxac Ñim Nataxala', 'eeta':