Números 29:39 - La'aqtaqa Ñim Lo'onatac 'Enauacna 201339 Qaq 'eca cam nachetaqtaxanaxatpi maye ishet da qaỹa'añiỹot Ñim Nataxala', da ivita ca laloxoqui ca ỹo'oxoraic qaraponaxaqui, qataq ca nachetaqtaxanaxat da qaipacchigui ca qoỹan na'aqtac, huo'otaq ca nachetaqtaxanaxat maye maiche qoỹaneuopi, huo'otaq ca qaỹavigaxatta maye huaqtalec ca 'ayiiña, qataq ca lataxa, huo'otaq ca nachetaqtaxanaxat maye qanhuaachigui. Gade chapit la |
Qaq so nta'a nataqa'en maiche chegoqchigui da ỹaneuo so maiche lalamaxat shiguiỹacpi da lachetaqtaxanaxat qaỹavigaxatta, maye qoỹaneuo naxa ye nte'eta qataq ye avit, qataq so nachetaqtaxanaxat qaỹavigaxatta da yaqto' qoỹaneuo so na'a'q mataxaqui so dalaxaic ca'agoxoic, qataq na laỹepi naponaxacpi, cha'aye nache nanettalec aso lqataxac lmalate Ñim Nataxala'.
qataq yaqto' qaisheenaxana aca nauole 'ayiiña maye qoỹanot Ñim Lo'onatac 'Enauacna, qataq aca nachetaqtaxanaqte maye qaỹavigaxatta qataq aca ala na nañiguishec, qataq ca nachetaqtaxanaxat shiguiỹacpi maye qoỹaneuo ye na'a'q, qataq aca nachetaqtaxanaqte maye qoỹaneuo ca na'a'q mataxaqui, qataq aca qoỹaneuo da dalaxaic so ca'agoxoic, qataq aca nachetaqtaxanaqte maye sa imauaq da qaỹavigaxat da yaqto' qaỹapalaxat na nasouaxashetpi, qataq 'enauac aca laỹe nachetaqtaxanaqtepi da huo'o ca naponaxac.
Qaq na'aictaxa da aỹem qaỹa'añiỹot ana qarachetaqtaxanaqche qaỹavigaxatta, huo'otaq ana qarachetaqtaxanaqche ala na nañiguishec da yaqto' aỹem qavio'oxoreñi qalaq saishet da saconeguet qome, qataq saishet da seqocha'a ca qaỹa'añeeuo qarachetaqtaxanaxache qanhuaachigui, maye chegaqaigui nam chaxaraicpi qareloi huaca llalaqpi.
Qaq som ilotague' so lasom maye pa'aỹa'ague da nala' lliguisheguem, som leviita maye chegoxoguet so Coré, som llalec aso Imna, somaye ilotague' aso nachetaqtaxanaqtepi maye maiche chegoqchigui ñi 'oonolec da ỹanot Ñim Lo'onatac 'Enauacna, qataq da imenec aso nachetaqtaxanaqtepi maye qoỹaneua'a Ñim Nataxala', qataq aso maiche lalamaqtepi Ñim Lo'onatac 'Enauacna.