Números 29:29 - La'aqtaqa Ñim Lo'onatac 'Enauacna 2013

²⁹ Qaq ca na'a'q seis nache qaỹa'añiireuo caua ocho huaca llalqa, qataq caua dos qagueta lhuaraiqa, qataq catorce caua qagueta llalqa maye ivi' ye 'oonolec vi'i, qataq qaica ca lque'emaxa.

Números 29:29 Referans Kwoze

Números 29:28

Qataq qaỹa'añiiuo ca quetaq qaỹavigaxatta da yaqto' qaỹapalaxat ca qarasouaxashichi, nataqa'en ca nachetaqtaxanaxat qaỹavigaxatta maye nache 'eetai' naxa da qoỹaatapegueuo naua na'axa'te, qataq ca 'ayiiña qataq ca lataxa.

Números 29:30

Qaq que'eca nachetaqtaxanaxat maye huaxaiguet ca 'ayiiña qataq ca lataxa, qalaq naloteguet qanqa'eñi ye lcata ñi 'oonolec caua huaca llalqa, qataq caua qagueta lhuaraiqa qataq caua qagueta llalqa, nache qaupaquiichigui da lamaxasoxonaxac Ñim Nataxala'.

2 Crónicas 31:3

Qaq so nta'a nataqa'en maiche chegoqchigui da ỹaneuo so maiche lalamaxat shiguiỹacpi da lachetaqtaxanaxat qaỹavigaxatta, maye qoỹaneuo naxa ye nte'eta qataq ye avit, qataq so nachetaqtaxanaxat qaỹavigaxatta da yaqto' qoỹaneuo so na'a'q mataxaqui so dalaxaic ca'agoxoic, qataq na laỹepi naponaxacpi, cha'aye nache nanettalec aso lqataxac lmalate Ñim Nataxala'.

Ezequiel 45:17

qaq que'eca nta'a, camaye huapegue' qome da ỹan ca shiguiỹacpi da yaqto' nachetaqtaxanaxatpi maye qaỹavigaxatta, qataq aca nachetaqtaxanaqte maye ala na nañiguishec, qataq ca lataxa, da ivita da dalaxaic so ca'agoxoic, qataq yem na'a'q mataxaqui, qataq 'enauac na naponaxacpi na Israel. Qaq nataqa'en ỹaneuo qome aca nachetaqtaxanaqte souaxat ca nasouaxashet, qataq aca nachetaqtaxanaqte ala na nañiguishec, qataq aca nachetaqtaxanaqte qaỹavigaxatta, qataq aca nachetaqtaxanaqte maye ỹa'axat da manaxac, yaqto' ishet da qaỹapalaxat na nasouaxashetpi na Israel.