Números 29:1 - La'aqtaqa Ñim Lo'onatac 'Enauacna 2013

¹ Qaq ca la'auaxanec na'a'q ca ca'agoxoic siete, nache huetoigui qome da qauo'oche ca ỹo'oxoraq qaraponaxaqui. Qaq que'eca na'a'q qaica qome ca do'onataxan da qoñiita, cha'aye que'eca na'a'q laloxoqui da qaỹashiiyigui aca nasheerepi.

Números 29:1 Referans Kwoze

Zacarías 9:14

Ñim Nataxala' nachaxan qome, da hueta'aguet na lalamaxat nhuo' le'ecpi; qaq da ỹaỹenec aca lchecna qalaq 'eeta'am da layaqchec ca nqashelgaxa. Ñim Lo'onatac 'Enauacna maye Nataxala', ỹasheeyegui qome aca lasheere, ime nache jec, queuoigui na la'at maye chegaqa'ague da taguiñi.

Isaías 27:13

Qaq que'eca na'a'q qaỹashiiyigui qome aca nasheere, nache anac qome yem qaỹauega co'ollaxa ye Asiria, qataq yem qaỹauega co'ollaxa ye Egipto, nache huaña qome añi qui'itta qasoxonaxa maye naña ye Jerusalén da ỹo'oxoren Ñim Nataxala'.

Salmos 89:15

Ỹataqta machiguiñi qome ca nhuo' le'ecpi, maye ỹaỹaten da 'am ỹo'oxoreetac 'Am Nataxala', qataq quetaigui nam 'are'eraxa,

Esdras 3:6

Qaq na'aictaxa da ñaq saxanaxa da ỹo'ot so lo'oxonaxala' aso atamnaxaqui, qaq nache chegoqchiguiña so la'auaxanec na'a'q so ca'agoxoic siete, nache se'eso nhuo' le'ecpi ỹaneuo aso lachetaqtaxanaqtepi maye qaỹavigaxatta da qoỹanot Ñim Nataxala'.

1 Crónicas 15:28

Qaq 'era da 'eetec da 'enauac so Israel le'ecpi ỹachetac aso laỹe' soua lqataxaco Ñim Nataxala', nache ỹa'alaqtai' da ntonaxac, qataq do'onaxaata'ai' da l-lamaxa ana peenaq lcouepi, qataq ana trompeetapi, qataq na natoviaxanatacpi lcat, qataq ana salteeriopi, qataq ana arpapi.

Salmos 81:3

Qataq qauashiiyigui ana peenaq lcoue da ivita da dalaxaic so ca'agoxoic, qataq da ivita da nlaqchigui so ca'agoxoic, maye huetoigui naxa da so'otaq da qarquia'axac.

Nehemías 7:73

Nache 'enauac so Israel le'ecpi qataq so ntaxaỹaxanaxanecpi, qataq so leviitapi, qataq so lasom lo'opi, qataq so no'onaxanaxanecpi, qataq so ilotague' aso atamnaxaqui maye lalamaqte Ñim Lo'onatac 'Enauacna, 'enauac somayepi da naña so maiche lma'pi. Qaq co'ollaq ivireuga so ca'agoxoic siete, nache so Israel le'ecpi mashe 'enauac da netalec so maiche lma'pi.

Éxodo 23:16

Nataqa'en qauo'oche qome ca qaraponaxaqui da ivita da qanqache ca la'auaxanec ala ca qorañiguishequi maye qaỹa'añiilec ca qana'alhuai, qaq nache 'ena'am da ivita da qanqache ca pa'atec ala 'enauac cam qorañiguishequi que'eca vi'i.

Éxodo 34:22

Qataq qauo'oche ca qayo'oxonnataxanaxaqui da ivitalo caua na'axa'te maye huetoiguilo da qanqat ca la'auaxanec ala ca nañiguishec, qataq ca pa'atec da qanqat ye vi'i.

Levítico 23:23

Ñim Nataxala' 'enapega so Moisés, 'eeta':

Números 28:26

Qaq ca naponaxac da qantonec ca la'auaxanec ala ca nañiguishec, nache da qaỹa'añiỹot Ñim Nataxala' ca la'auaxanec ala ca nañiguishec, nache qauo'oche qome ca lta'araic naponaxac da qavio'oxonnataxañi. Qataq qaica qome ca qaỹo'ot nam no'onatacpi.

Números 29:2

Qaq ca nachetaqtaxanaxat qaỹavigaxatta cam ama da laitaỹaxac maye ỹamaateguet Ñim Nataxala', qalaq qoỹaneuo ca 'oonolec huaca llalec, 'oonolec qagueta lhuaraic, qataq caua siete qagueta llalqa maye ivi' ye 'oonolec vi'i, qataq qaica ca lque'emaxa.

Números 29:12

Qaq ca na'a'q quince que'eca ca'agoxoic siete, nache qami' qauo'oche qome ca ỹo'oxoraq qaraponaxaqui. Qaq que'eca na'a'q qaica qome ca qauo'oche na no'onatacpi. Nache siete na'axa'te da qauo'ocheetac que'eca ỹo'oxoraq naponaxac da qavio'oxoreñi Ñim Nataxala'.

Levítico 23:7

Nache ca la'auaxanec na'a'q, nache qauo'oche ca naponaxac da qaỹo'oxoren Ñimaye. Qataq saishet da qauo'oche ca camachaqca no'onatac.

Números 29:35

Qaq ca na'a'q ocho, nache qauo'oche qome ca ỹo'oxoraq qaraponaxaqui, qaq que'eca na'a'q qaica qome ca qauo'oche na no'onatacpi.

Nehemías 8:2

Qaq nache so la'auaxanec na'a'q so ca'agoxoic siete, nache so ntaxaỹaxanaxanec Esdras, ndouga aso lmalate so nqataxacpi se'eso lapoota'a't ỹalleppi, 'alpi, qataq so ñaqpiolec qataq 'enauac so mashe ỹaỹaten da na'axaỹaxanaxac,