Números 28:6 - La'aqtaqa Ñim Lo'onatac 'Enauacna 2013

⁶ Qaq ne'ena nachetaqtaxanaxat qaỹavigaxatta nachena nam qoỹaategueuo ima'ape naua na'axa'te co'ollaq huaña añi qasoxonaxa ye Sinaí, da yaqto' nachetaqtaxanaxat maye ỹamaateguet da laitaỹaxac Ñim Nataxala'.

Números 28:6 Referans Kwoze

Amós 5:25

Qami' Israel le'ecpi, ¿peta'a aỹem qaỹa'añeetacot co'ollaxa aca qarachetaqtaxanaqche soua cuarenta vi'iye co'ollaq qoquiitalec ye toolec 'alhua?

Ezequiel 46:14

Qaq nataqa'en ye nte'eta nache qoỹanot qome Ñim Nataxala' da nachetaqtaxanaxat ca siete litros ca nañiguishec ala, qataq ca un litro ca aceite, cam qaicorelec qome ca 'ayiiña. Qaq 'era da qalapaxañi lataxac maye qaỹamaxasoxoolec, qaq damaye chochaq tatec qanqa'en.

Salmos 50:8

Qalaxaye saishet da 'am sa'aloqchet souaxat na 'arachetaqtaxanaxatpi qataq souaxat na 'auavigaxat maye nache 'eetai' naxa da aỹem 'aỹa'aatacot.

Esdras 3:4

Ime, nache ỹo'ot so lquia'axac maye naigui da iuennate co'ollaq netaigui so nauecañi nỹecpiolec da yaqto' ipacchiguilo naua nanettrañi nqataxaco. Nache ỹaneuo so lachetaqtaxanaxatpi maye ỹaneuo ye na'a'q,

2 Crónicas 31:3

Qaq so nta'a nataqa'en maiche chegoqchigui da ỹaneuo so maiche lalamaxat shiguiỹacpi da lachetaqtaxanaxat qaỹavigaxatta, maye qoỹaneuo naxa ye nte'eta qataq ye avit, qataq so nachetaqtaxanaxat qaỹavigaxatta da yaqto' qoỹaneuo so na'a'q mataxaqui so dalaxaic ca'agoxoic, qataq na laỹepi naponaxacpi, cha'aye nache nanettalec aso lqataxac lmalate Ñim Nataxala'.

2 Crónicas 2:4

Cha'aye aỹem so'ot qome aca atamnaxaqui maye lalamaqte Ñim Nataxala' maye Ñatamnaxala', nache sanot qome Ñimaye da yaqto' savigaxat ca ichenaxanaxat maye ama da laitaỹaxac da sho'oxoren Ñimaye, qataq nache sachaigui acamaye aca nauolepi maye sa qaishetapec, qataq nache huaña da saneuo aca nachetaqtaxanaqtepi qaỹavigaxatta, ye nte'eta, qataq ye avit, qataq ye na'a'q mataxaqui, qataq da dalaxaic ñi ca'agoxoic, qataq na laỹepi naponaxacpi maye laloxoqui da qaỹo'oxoren Ñim Nataxala', maye nache 'eetai' qome da qaỹo'ottac ne'ena Israel.

Levítico 6:9

«Qonapega qome ñi Aarón qataq ñeua llalqa, qoneta': 'Era da llec aca nachetaqtaxanaqte maye qaỹavigaxatta, 'eeta': Aca'aca nachetaqtaxanaqte qaỹavigaxatta, acamaye iuen da palom huetangui ca norec maye huetalec añi nca'atoxonaxalate, choche ivitta'a ca lỹa na'a'q. Qataq que'eca norec, nache 'eetai' da 'ettaigui qanqa'en.

Éxodo 31:18

Nache Ñim Nataxala' co'ollaq ime, da detaqtague' so Moisés hualec aso qasoxonaxa Sinaí, nache ỹanema soua dos coma'ye maye nanettaleguete soua lqataxaco, maye maiche ỹelyiñi Ñimaye ỹauota'a ana llaxaata.»

Éxodo 24:18

Nache so Moisés huenoxonoigui se'eso lo'oc da tasheguemec aso qasoxonaxa. Huaña, nache ivi' soua cuarenta na'axa'te qataq cuarenta pe' da huetasheguemec asomaye.»

Filipenses 2:17

Qami' ỹataqta qaua'amaqchiñi Ñim Lo'onatac 'Enauacna qataq qauo'onataxañiitacot, qaq damaye 'eeta'am aca qarachetaqtaxanaqche. Qaq saiuena'a da aỹem qaỹalauat, nache que'eca ileuaxa ỹalectaigui aca qarachetaqtaxanaqche maye qaỹa'añiỹot Ñim Lo'onatac 'Enauacna. Qaq da sevira'aguet de'era, nache ỹataqta samachiguiñi qataq sauotaique da qami' ñetonaxau'.

Números 28:5

Qaq que'eca lachetaqtaxanaxat, qalaq ỹauaxaỹaxaneguet ca dos kilos ca ỹataqta no'on 'ayiiña, maye chegaqaigui na ala ca nañiguishec, nache iraqneguet ca un litro ca aceite.

Números 28:7

Qaq ca nachetaqtaxanaxat lataxa, camaye un litro ca qoỹaneuo da huaqtalec qanqa'en ca 'oonolec qagueta. Qaq que'eca lataxa qaicorelec ye lanataqa' da qaỹo'oxoren Ñim Nataxala'.

Ezequiel 46:15

Qaq ca nachetaqtaxanaxat qagueta llalec maye qaỹavigaxatta, qataq ca nachetaqtaxanaxat ala ca nañiguishec, qataq ca aceite, qalaq iuen da saq qoỹet da qoỹaneuo ye nte'eta.

Levítico 27:34

Qaq 'ena na lamaxasoxonaxacpi Ñim Nataxala' maye ỹanem co'ollaxa so Moisés da yaqto' ỹanem so Israel le'ecpi, co'ollaq huaña añi qasoxonaxa Sinaí.