Números 28:3 - La'aqtaqa Ñim Lo'onatac 'Enauacna 2013

³ Nataqa'en 'aua'aqtaxanem da 'enauaque naua na'axa'te da ỹaneuo ca lachetaqtaxanaxatpi, ỹavigaxatta da ỹanot Ñim Nataxala': Dos naqa'en caua qagueta llalqa maye ivi' ye 'oonolec vi'i qataq qaica ca lque'emaxa,

Números 28:3 Referans Kwoze

Levítico 6:9

«Qonapega qome ñi Aarón qataq ñeua llalqa, qoneta': 'Era da llec aca nachetaqtaxanaqte maye qaỹavigaxatta, 'eeta': Aca'aca nachetaqtaxanaqte qaỹavigaxatta, acamaye iuen da palom huetangui ca norec maye huetalec añi nca'atoxonaxalate, choche ivitta'a ca lỹa na'a'q. Qataq que'eca norec, nache 'eetai' da 'ettaigui qanqa'en.

Apocalipsis 13:8

Qaq se'eso shiguiỹac leguemaxaic, na shiỹaxauapi maye huetalec ana 'alhua ỹataqta ỹo'oxoreetac somaye, nam saishet da nanettalec ca le'enaxat aso lere Ñi Qagueta Llalec maye qaỹalauat co'ollaxa. Asa'aso nere asomaye qaỹo'ot co'ollaq saxanaxa da ỹo'ot ana 'alhua Ñim Lo'onatac 'Enauacna, qaq asomaye nanettalec 'enauac na le'enaxatpi nam chochaq tatec da lca'alaxa.

Juan 1:29

Qaq so lỹa na'a'q, nache so Juan ila'aguet So Jesús da naỹaxaama somaye, nache somaye 'enapega so shiỹaxauapi 'eeta': –Ña qauloỹeeguet, 'ena cha'aguet na Jesús, nachena na 'eeta'am ca nachetaqtaxanaxat Qagueta Llalec maye ỹachegoxotchigui Ñim Lo'onatac 'Enauacna da ỹapalaxat na lasouaxashetpi na shiỹaxauapi.

Daniel 12:11

Qaq mil doscientos noventa na'axa'te caua inoxoore'c qome, chegoqchiguiña cam huaigui da qaỹa'axaneguet cam nachetaqtaxanaxatpi maye qoỹaategueuo naxa ye na'a'q, nache nmeneguet qanqa'en cam nachetaqtaxanaxat maye ỹataqta qauem da qoỹaneua'a aca atamnaxaqui maye lalamaqte Ñim Nataxala'.

Daniel 11:31

Qaq cam nalleppi, qalaq ishepaxanaqchet qome aca atamnaxaqui, qataq cam mpaqtaxanaxatpi, qataq ỹa'axaneguet qome aca qoỹaategueuo nachetaqtaxanaqtepi ye na'a'q, nache nmeneguet naqa'en ca nachetaqtaxanaxat maye ỹataqta qaiqaiga.

Daniel 8:13

Qaq huaña nache sa'axaỹa so 'oonolec namaxashec piguem le'ec, da inattac so lỹa namaxashec piguem le'ec, 'eeta': «¿Chaq lagui qaq ime de'era semeenaqtac nachetaqtaxanaxac ye na'a'q maye qaỹachalec naxa añi nca'atoxonaxalate? ¿Chaq laỹe' qome qaq ime dam qauem nasouaxashet da qoỹaategueua'a añi atamnaxaqui maye lalamaqte Ñim Nataxala' qataq nam ỹa'amaqteetac Ñimaye da yaqto' qaỹapetapigui?»

Hebreos 9:6

Qaq 'era da 'eetec da lataxac se'eso npe'l. So ntaxaỹaxanaxanecpi ima'ape naua na'axa'te da huenoxootegueua'a ye ndaqa' maye qui'itta, da ỹo'oxoren Ñim Lo'onatac 'Enauacna.

Levítico 3:5

Qaq ñeua llalqa so Aarón, nache ỹavigaxat 'enauac camaye npa'axatcheguem da ỹachalec añi nca'atoxonaxalate maye huetalec ca lỹa shiguiỹac nachetaqtaxanaxat qaỹavigaxatta, cha'aye nachetaqtaxanaxat maye qaỹavigaxat, yaqto' da ama laitaỹaxac ỹamaateguet Ñim Nataxala'.

Números 28:4

qaq 'oonolec ca ỹaneuo ye nte'eta, qaq ca lỹa qalaq ỹaneuo ye avit.

Números 28:10

Qaq 'eca ca nachetaqtaxanaxatpi qaỹavigaxatta, ye na'a'q mataxaqui, qataq aca nachetaqtaxanaqte qaỹavigaxatta maye, nache 'eetai' da qaỹo'ottac 'enauaque naua na'axa'te huaqta'aguet qanqa'en ca lataxa.»

Números 28:15

Qaq cam nachetaqtaxanaxat maye, qoỹaatapegueuo ye na'a'q, qaq nataqa'en iuen da qoỹoneuo ca quetaq da nachetaqtaxanaxat da yaqto' qaỹapalaxat na nasouaxashetpi.»

Números 28:23

Qaq 'enauac ne'ena nachetaqtaxanaxat, namayepi nataqa'en qoỹanauo da qaỹavigaxat, huaqtalec qanqa'en ca nache 'eetai' da qoỹaatapegueuo ye nte'eta 'enauaque naua na'axa'te.

Números 28:24

Qaq 'era da qauo'oche da huaigui ye 'oonolec na'a'q que'ecaua siete na'axa'te da nachetaqtaxanaxat qaỹavigaxatta yaqto' da ama laitaỹaxac ỹamaateguet Ñim Nataxala'. Nache huaqtalec qanqa'eñi aca nachetaqtaxanaqte maye nache 'eetai' da qoỹaatapegueuo 'enauaque naua na'axa'te qataq ca lataxa.

Números 28:31

Nache que'eca nachetaqtaxanaxat qaỹavigaxatta lỹateuo qanqa'en ca nachetaqtaxanaxat 'ayiiña, qataq ca lataxa, qataq ca nachetaqtaxanaxat qaỹavigaxatta maye nache 'eetai' naxa da qoỹaatapegueuo 'enauaque naua na'axa'te. Qaq camayepi qaica qome ca lque'emaxa.

Números 29:6

Nache ca nachetaqtaxanaxat maye nache 'eetai' naxa da qoỹaatapegueuo da dalaxaic so ca'agoxoic, qataq ca qoỹaategueuo naxa 'enauaque naua na'axa'te, qataq ca lỹateuo nachetaqtaxanaxat 'ayiiña, qataq ca lataxa, maye qaỹamaxasoxoolec da qoỹaneuo. 'Enauac camaye nachetaqtaxanaxat qaỹavigaxatta yaqto' da ama laitaỹaxac ỹamaateguet Ñim Nataxala'.

Números 29:11

Nataqa'en qaỹa'añiiuo ca quetaq qaỹavigaxatta da yaqto' qaỹapalaxat ca qarasouaxashechi. Nataqa'en aca laỹe nachetaqtaxanaqtepi maye qoỹaatapegueuo naxa huetoigui ye na'a'q maye laloxoqui da qaỹapalaxat ca nasouaxashet. Qataq ca nachetaqtaxanaxat qaỹavigaxatta maye, nache 'eetai' naxa da qoỹaategueuo naua na'axa'te huaxaiguet qanqa'en ca 'ayiiña qataq ca lataxa.

Números 29:16

Nataqa'en qaỹa'añiiuo ca quetaq, qaỹavigaxatta da yaqto' qaỹapalaxat ca qarasouaxashichi, nataqa'en ca nachetaqtaxanaxat qaỹavigaxatta, maye nache 'eetai' naxa da qoỹaatapegueuo naua na'axa'te, huaxaiguet qanqa'en ca 'ayiiña qataq ca lataxa.

1 Crónicas 16:40

da yaqto' nache queto'ot da ỹaatrapegueuo ana nachetaqtaxanaqtepi qaỹavigaxatta, da ỹachalec aso nca'atoxonaxalate ye nte'eta qataq ye avit, nache ipacchigui 'enauac nam nanettañepi maye lqataxacpi Ñim Nataxala', maye no'onaxatañi da ỹamaxalec so Israel le'ecpi.

2 Crónicas 8:13

nache 'enauaque naua na'axa'te maye huetoiguilo da ỹaneuo anamayepi, nache ipacchigui dam lamaxasoxonaxac so Moisés, maye 'eeta': ye na'a'q mataxaqui, qataq na naponaxac maye qaỹo'ot da dalaxaic ñi ca'agoxoic, qataq soua tres naponaxaco maye huaiguilo ye vi'i da qaỹo'o't, maye 'eeta', som laloxoqui da qanallec ana nauole maye qaca ana lalecte maye ỹasheeraxachigui, qataq so lỹa maye qaỹo'ot da ime da qanqat ana ala na nañiguishec, qataq so lỹa naponaxac da ivita da qanayenaiguilo naua npele'ete maye choche qaỹa'ara'a't 'epaq lcouepi.

Esdras 3:5

nataqa'en aso lachetaqtaxanaqtepi ye na'a'q, qataq da ivita da dalaxaic so ca'agoxoic, qataq so laỹepi lachetaqtaxanaxatpi da ỹo'oxoren Ñim Nataxala', qataq da huo'o ca maiche chegoqchigui da ỹauo'o ca lachetaqtaxanaxat da ỹanot Ñimaye.

Amós 4:4

¡Qanqo'oñiỹa qome ye Betel, nache qauo'oche da qaye'etaxaloqoi, qataq qanqo'oñiỹa ye Gilgal nache qoquiito'ot da qaye'etaxaloqoi! Qataq qaỹa'añeeuo aca qarachetaqtaxanaqche ye nte'eta, qataq aca qandiezmoi da inoxoorec caua tres na'axa'te.

Daniel 8:11

qaq nataqa'en ivira'a da npa'aguene' so lataxala' se'eso alleppi, qataq ỹa'axaneguet da nachetaqtaxanaxac maye qaỹo'ottac naxa ye na'a'q, qataq ishepaxanaqchet so lma' naxa da ño'oxonnataxanaxac.