Números 28:25 - La'aqtaqa Ñim Lo'onatac 'Enauacna 2013

²⁵ Qaq ca na'a'q siete, nache qauo'oche ca ỹataqta ỹo'oxoraq naponaxac. Nache que'eca na'a'q qaica qome ca do'onataxan.

Números 28:25 Referans Kwoze

Levítico 23:8

Qaq nache 'enauaque que'ecaua siete na'axa'te da qauavigaxacheetac aca nachetaqtaxanaqtepi maye qoỹanot Ñim Nataxala'. Nache da ivireuga ca na'a'q siete, nache qauo'oche ca naponaxac da yaqto' qaỹo'oxoren Ñimaye. Qataq saishet da qauo'oche ca camachaqca nam no'onatacpi.»

Números 28:18

Qataq que'eca la'auaxanec na'a'q que'ecaua siete na'axa'te, nache qaỹo'ot ca ỹo'oxoraq naponaxac. Nache que'eca na'a'q qaica ca qaỹo'ot no'onatac.

Éxodo 13:6

Qaq ivi' qome naua siete na'axa'te da qollequiitac aca nauole 'ayiiña maye sa qaỹauo'o ana lalecte maye ỹasheeraxachigui. Qaq ca pa'atec na'a'q que'ecaua na'axa'te, nache qauo'oche ca qayo'oxonnataxanaxaqui da qavio'oxoyiñi Ñim Nataxala'.

Éxodo 12:16

Qaq que'eca la'auaxanec na'a'q qataq nache 'ena'am ca pa'atec na'a'q qom mashe ivi' caua siete na'axa'te, nache huetoiguilo da qaỹo'ot ca lta'araic naponaxac da qavio'oxonnataxañi. Nache que'ecaua na'axa'te qaica ca ishet da do'onataxan. Nachaqrata da iqataxaatai' ca aloq ñi 'oonolec.

Números 29:35

Qaq ca na'a'q ocho, nache qauo'oche qome ca ỹo'oxoraq qaraponaxaqui, qaq que'eca na'a'q qaica qome ca qauo'oche na no'onatacpi.

Números 29:12

Qaq ca na'a'q quince que'eca ca'agoxoic siete, nache qami' qauo'oche qome ca ỹo'oxoraq qaraponaxaqui. Qaq que'eca na'a'q qaica qome ca qauo'oche na no'onatacpi. Nache siete na'axa'te da qauo'ocheetac que'eca ỹo'oxoraq naponaxac da qavio'oxoreñi Ñim Nataxala'.

Números 29:1

Qaq ca la'auaxanec na'a'q ca ca'agoxoic siete, nache huetoigui qome da qauo'oche ca ỹo'oxoraq qaraponaxaqui. Qaq que'eca na'a'q qaica qome ca do'onataxan da qoñiita, cha'aye que'eca na'a'q laloxoqui da qaỹashiiyigui aca nasheerepi.

Números 28:26

Qaq ca naponaxac da qantonec ca la'auaxanec ala ca nañiguishec, nache da qaỹa'añiỹot Ñim Nataxala' ca la'auaxanec ala ca nañiguishec, nache qauo'oche qome ca lta'araic naponaxac da qavio'oxonnataxañi. Qataq qaica qome ca qaỹo'ot nam no'onatacpi.

Levítico 23:25

Qaq ỹoqo'oye qauavigaxache qome aca qarachetaqtaxanache da qaỹa'añiỹot Ñim Nataxala', qataq saishet da qauo'oche ca camachaqca nam qapa'atta no'onatacpi».

Levítico 23:21

Qataq nacheca que'eca na'a'q da huetoigui nataqa'en da qauo'oche ca naponaxac da yaqto' Aỹem qavio'oxoyiñi, qataq saishet da qauo'oche ca camachaqca nam qapa'atta no'onatacpi. Qaq 'era qome da nache 'eetai' lataxac da qoyecỹaxaqui, qataq cam qami' chegoxogueta, na'aictaxa ca pa'aigue ca qoñiitaña ana 'alhua.

Levítico 23:3

Qami' qauo'onataxañi qome caua seis na'axa'te, qalaxaye da ivireuga ca na'a'q siete, nache saishet qome da qauo'oche ca camachaqca no'onatac. Cha'aye que'eca na'a'q mataxaqui qauo'oche ca naponaxac da yaqto' Aỹem qavio'oxoyiñi. Nache na'aictaxa cam qoñiita'ague ana 'alhua, qalaq qauỹochiỹauga que'eca na'a'q mataxaqui, da Aỹem qavio'oxoyiñi.

Levítico 23:7

Nache ca la'auaxanec na'a'q, nache qauo'oche ca naponaxac da qaỹo'oxoren Ñimaye. Qataq saishet da qauo'oche ca camachaqca no'onatac.

Deuteronómio 16:8

Nache seis na'axa'te da qollequiitac aca nauole 'ayiiña maye qaca aca lalecte maye ỹasheeraxachigui, qaq ca na'a'q siete nache qauo'oche ca naponaxac da yaqto' qavio'oxoreñi Ñim Nataxala' maye Qanatamnaxala'ai, qataq que'eca na'a'q saishet da qauo'oche cam camachaqca nam no'onatacpi.