Números 28:22 - La'aqtaqa Ñim Lo'onatac 'Enauacna 2013

²² Qataq qoỹaneuo nataqa'en ca 'oonolec quetaq da yaqto' qaỹapalaxat na nasouaxashetpi.

Números 28:22 Referans Kwoze

Romanos 8:3

Qaq Ñim Lo'onatac 'Enauacna ỹo'ot co'ollaxa dam saishet da ỹañoxot da ỹo'ot nam namaxasoxonaxacpi maye chegoqo'ot so Moisés, cha'aye qaica ca ilo'ogue da lqopitaxanaqtaic da ỹo'ot nam qauem. Nache Ñim Lo'onatac 'Enauacna namaxalec co'ollaxa ana 'alhua so lalamaxat Llalec, qaq Somaye ỹataqta 'ena'ama qomi' da qarqalviaxa, qataq da qañe'eguenataguec. Qaq Ñim Lo'onatac 'Enauacna namaxalec ana 'alhua Somaye da yaqto' qomi' ileualeguete souaxat na qaye'etaxaloxo. Qaq nache chegoqchigui Somaye da Ñim Lo'onatac 'Enauacna, nlaxaañi da la'añaxac da ñe'etaxaloxo.

Gálatas 4:4

Qaq co'ollaq ivita so na'a'q maye laloqnec Ñim Lo'onatac 'Enauacna, nache namaq So Llalec da nañaxatoigui naqa'en aso 'alo, qataq quetelec na namaxasoxonaxacpi maye ỹo'ottac na judiopi.

Levítico 16:18

Ime, nache ñi Aarón pa'auec, tauga da ỹo'ot da qui'itta naqa'en añi nca'atoxonaxalate maye ỹalamaqte. Nache ỹacona aca laỹe' ca ltago'q ca huaca qataq ca quetaq, nache ỹauota'alo naua llaxaata da ỹa'ame'n naua lsheeneqa naua lcouel qataq icoroto naua laỹel añi nca'atoxonaxalate.

Números 28:21

qaq ñi 'oonolec caua qagueta llalqa, nache huaqtalec ca dos kilos ca qoỹaneuo 'ayiiña.