Números 28:17 - La'aqtaqa Ñim Lo'onatac 'Enauacna 2013

¹⁷ qaq ca na'a'q quince, nache qaỹo'ot ca ỹo'oxoraq naponaxac. Nache siete na'axa'te da qanallectac aca nauole maye qaica ca lalegue.

Números 28:17 Referans Kwoze

Levítico 23:6

Qaq da ivireuga ca na'a'q quince que'eca ca'agoxoic, nache qauo'oche qome ca nquia'axac maye qanallec aca nauole maye qaica ca lalegue ỹasheeraxachigui, da yaqto' qaỹo'oxoren Ñim Nataxala'. Qaq nache ivittrec caua siete na'axa'te da qollequiictac acamaye.

Éxodo 34:18

«Qauo'oche qome ca na'a'q ño'oxonnataxanaxaqui da qaỹo'oxoren da qanallec aca nauole maye qaica na lalegue da ỹasheeraxachigui, qaq nache siete na'axa'te da qollequiitac acamaye. Qataq huetoigui qanqa'eñi ca ca'agoxoic Abib, cha'aye nache vichigui co'ollaq qoquiỹa'ai ye Egipto.

Éxodo 23:15

Qauo'oche qome ca qarquia'axaqui da qollequi ana nauole 'ayiiña maye sa qaỹauo'o aca lalegue maye ỹasheeraxachigui. Qataq qauloitelec qome da ỹa'aqtac maye qami' sanema, da qollequiitac ana'ana nauole 'ayiiña caua siete na'axa'te. Qaq ca na'a'q maye huetoigui damaye, nacheca ca ca'agoxoic le'enaxat Abib, cha'aye nacheso so ca'agoxoic maye huetoigui co'ollaq qoquiỹa'ai ye Egipto. Qaq da qauanaqui da Aỹem qavio'oxoyiñi nache Aỹem qandoiua'a aca qarachetaqtaxanaqche.

Éxodo 13:6

Qaq ivi' qome naua siete na'axa'te da qollequiitac aca nauole 'ayiiña maye sa qaỹauo'o ana lalecte maye ỹasheeraxachigui. Qaq ca pa'atec na'a'q que'ecaua na'axa'te, nache qauo'oche ca qayo'oxonnataxanaxaqui da qavio'oxoyiñi Ñim Nataxala'.