Números 27:21 - La'aqtaqa Ñim Lo'onatac 'Enauacna 2013

²¹ Qalaxaye so Josué taua'a qome so ntaxaỹaxanaxanec Eleazar da yaqto' somaye ichemaxata Aỹem chegoqchigui so Urim. Yaqto' ca la'aqtac so Josué da ỹamaq na Israel le'ecpi da jec, qataq da ñe'eguelaxauo, nacheca ca ỹalaxaguet qome namayepi da ỹo'ot.

Números 27:21 Referans Kwoze

1 Samuel 28:6

Ỹoqo'oye so Saúl inat co'ollaxa Ñim Nataxala', qalaxaye Ñimaye saishet da ỹasateguet da ỹachegoxotchigui ca lchoxonaxac, huo'otaq so coma' maye le'enaxat urim, huo'otaq so na'aqtaxanaxanecpi.

Josué 9:14

Huaña co'ollaxa nache so Israel le'ecpi ỹasateguet da chec se'eso aloq maye nachetrac soua chegoqtra'a ye Gabaón, qalaxaye saishet da inat co'ollaxa Ñim Nataxala'.

Éxodo 28:30

Nache que'eca ntogue lapoxot qaỹacherangui qome ca Urim qataq ca Tumim. Ỹoqo'oye iuen da netaleguete ana ltogue so Aarón da taua'a ca lanataqa' Ñim Nataxala'. Cha'aye caamaye nachecaua caua chegoqchiguilo qome da qaỹaỹaten ca 'eetapeguec Ñim Nataxala'.»

Nehemías 7:65

Nataqa'en so nta'a sa ỹashenem da chec somayepi aso nachetaqtaxanaqte maye qui'itta, choche ivitta'a da huo'o ca ntaxaỹaxanaxanec da ichemaxata Ñim Nataxala', ỹachegoxotchiguilo soua coma'yolqa maye alletaxaqui' Urim qataq Tumin.

Esdras 2:63

Qaq so nataxala' sa ỹashenem somayepi da chec so qoỹaneuo nallec maye saqaishetapec, choche ivitta'a da huo'o ca ntaxaỹaxanaxanec da dechemaqtaxaalec ỹauota'aisalo sua coma'yolqa Urim qataq Tumim.

1 Samuel 30:7

nache 'enapega so ntaxaỹaxanaxanec Abiatar, so llalec so Ajimélec, 'eeta': Ñaq aỹem 'anqouaguec da aỹem 'andoua'a ca ntogue lapoxot le'enaxat efod. Nache so Abiatar sa ỹaỹaloxon da iroua'a so David somaye.

1 Samuel 23:9

Qalaxaye so David co'ollaq ỹaỹaten da so Saúl qaltaq huotaique da iloquiaxan somaye. Nache iỹaxaneuga so ntaxaỹaxanaxanec Abiatar da iroua'a somaye so ntogue lapoxot le'enaxat efod.

Jueces 20:23

Cha'aye so Israel le'ecpi hua'auñi co'ollaxa nỹeeto'ot Ñim Nataxala', qataq inat da qaltaq delogui' peta'a so maiche lqaỹañecpi maye chegoxoguetpi so Benjamín. Nache Ñim Nataxala' 'enapega somayepi da naỹamaxat da qaltaq delogui' somayepi.

Jueces 20:18

Qaq so Israel le'ecpi nqo'ona co'ollaxa ye Betel, yem huaña da inat Ñim Lo'onatac 'Enauacna, 'eeta': ¿Chaq negue't ca hua'auñi da iloquiaxan na maiche nhuo' le'ecpi maye chegoxoguet so Benjamín? Nache Ñim Nataxala' 'enapeco': Qomye hua'auñi nam Judá le'ecpi.

Jueces 1:1

Qaq co'ollaq mashe ileu so Josué, nache so Israel le'ecpi inat co'ollaxa Ñim Nataxala', da chaq negue't ca hua'auñi se'eso maiche nalamaxat nhuo' le'ecpi da iloquiaxan so Canaán le'ecpi.

Deuteronómio 33:8

Qaq da ỹanem la'aqtac so Leví, 'eeta': «'Am Nataxala', soua 'aralamqa'ate Tumim qataq Urim qalaq 'aỹa'anema so shiỹaxaua maye 'arpe'et, qataq 'avi'iguen co'ollaq huaña ye Masah, som 'ancotaỹapegue' co'ollaq huaña ye npaxaatasheguem na 'etaxat ye Meribá,

Números 27:17

yaqto' camaye, nacheca ca lataxala' qome namayepi da nqatec qataq da ñe'eguelaxateuo. Yaqto' ne'ena nhuo' le'ecpi maye lalamaxatpi Ñim Nataxala', saishet da 'eeta'am aca qaguetapi maye qaica ca ilo'ogue.

Levítico 8:8

Ime, qataq nqolaaña naqa'en so laỹe' soua coma'yolqa maye chegoqchiguilo da qaỹaỹaten ca 'eetapeguec Ñim Nataxala'.

Números 27:5

Nache so Moisés iroua'a Ñim Nataxala', de'era lquiquiaxa'c soomaye,

Números 27:20

qataq 'aỹa'anem ca laỹolec de'era 'am hueto'ot maye huo'o naq 'enec, yaqto' 'enauac na nhuo' le'ecpi da ỹalaxaguet qome somaye.

Números 27:22

Nache so Moisés ipacchigui da ỹo'ot 'enauac da lamaxasoxonaxac Ñim Nataxala'. Nache iỹaxana so Josué da ỹauegueua'a so ntaxaỹaxanaxanec Eleazar, ỹauaachigui naqa'en so ỹalecta'a't nhuo' le'ecpi.

1 Samuel 14:19

Qalaxaye so Saúl co'ollaq ña detaqtague' so ntaxaỹaxanaxanec, nache dam qaica ca aỹaanaqa' maye huaña so lanataqa' so filisteopi nquictauec. Huaña nache so Saúl 'enapego' so ntaxaỹaxanaxanec, 'eeta': «A'aye, saishet da 'andoi'.»

2 Samuel 21:1

Qaq nache huetoigui de'era lo'onataxanaxac da nta'a so David, da huo'o co'ollaxa so nqouaxa soua tres vi'iye. Nache so David, inat Ñim Nataxala', qaq Ñim Nataxala' 'enapeco': «Qomye souaxat so Saúl qataq so llalaqpi da ỹalauat co'ollaxa so gabaoniitapi, nache nagui huo'o ne'ena nqouaxa.»

Malaquías 2:7

Cha'aye nache lo'onataxanaxac, cam ntaxaỹaxanaxanec da ỹapaxaguen nam shiỹaxauapi, yaqto' namayepi Aỹem ỹauatton, qataq 'enauac namayepi da iuen da ỹe'eguenot nam ntaxaỹaxanaxanecpi, da yaqto' ỹaconeguet ca napaxaguenataguec, cha'aye nachena nam la'aqtaxanaxanecpi Ñim Nataxala' maye Qaica ca Ỹaqalanapec.

Números 27:2

Qaq se'esoua cinco nqaỹa't, tareua'a co'ollaxa so ñegueuo so npe'l maye naỹonqa' da detaxaỹapegueto so Moisés qataq so ntaxaỹaxanaxanec Eleazar, qataq so lataxala'pi so lapoota'a't nhuo' le'ecpi, nache soomaye 'eeta':

Deuteronómio 31:3

Qalaxaye Ñim Nataxala' maye Qanatamnaxala'ai, hua'auta'ague qome na qoyiqui, da yaqto' nlaxaañi ye ỹotta'a't shiỹaxauapi, da yaqto' qoñiỹalec ye na'alhua yemayepi. Qaq da Josué nachera da qauca'achiitalec qome da qarataxala'ai, cha'aye nache la'aqtac Ñim Nataxala'.