Biblia Todo Logo
Bib sou entènèt

- Piblisite -




Números 27:18 - La'aqtaqa Ñim Lo'onatac 'Enauacna 2013

18 Nache Ñim Nataxala' 'enapega so Moisés, 'eeta': So Josué maye llalec so Nun, somaye netaigui da na'añaxac. Qaq 'aỹaxana qome somaye, nache 'auashel-lec na lqaic.

Gade chapit la Kopi




Números 27:18
32 Referans Kwoze  

Qaq so Josué maye llalec so Nun, ỹataqta huo'o da laỹaanec, cha'aye so Moisés ỹashel-lec co'ollaxa somaye, qaq na Israel le'ecpi ỹataqta ỹalaxaguet somaye, da ỹo'ot na lamaxasoxonaxacpi Ñim Nataxala' maye ỹamem co'ollaxa so Moisés.


Nache ỹashel-lec na lqaic qataq ỹanagui da lo'onataxanaxac, nache ipacchigui naqa'en da lamaxasoxonaxac Ñim Nataxala'.


Nache so faraón 'enapego' somayepi, 'eeta': «¿Ishet peta'a da sanataxa ca lỹa ỹale cam 'eeta'am de'era, maye hueta'aguet som Saqcha'a La'añaxac Ñim Lo'onatac 'Enauacna?»


Qaq co'ollaq ime, nache Ñim Nataxala' ỹanem da la'aqtac so Josué, maye llalec so Nun, 'eeta': «'Ana'añaxat qome qataq 'aua'añaxachigui ye 'arhuel, cha'aye nache 'am qome da 'aunoxonacheteua'a ne'ena shiỹaxauapi ye 'alhua maye sachaxanapecot co'ollaxa ne'ena Israel le'ecpi, qaq Aỹem qome 'am soota'aguet.»


Nache so Pablo co'ollaq ỹasheltaleguete soomaye, nache So Saqcha'a Na'añaxac Qui'itta anac da tanguita soomaye. Huaña, nache detaxaiguilo naua na'aqtaqa maye sa qaỹauanapegalo, qataq ỹa'axa't naua na'aqtaqa maye chegoqo'oto Ñim Lo'onatac 'Enauacna.


Nache so Saqcha'a La'añaxac Ñim Nataxala', anac da ỹo'ot da la'añaxac so Otoniel, da yaqto' lataxala' so Israel le'ecpi. Ỹoqo'oye co'ollaq jec da deloqui, nache Ñim Nataxala' ỹanem da loxonec so Cusán Risatayin.


Qaq nacherata da 'auapaxaguen qome, 'aua'añaqchet, qataq qaramchigui 'anqa'en so Josué, cha'aye nacheso qome so lataxala' ne'ena nhuo' le'ecpi, qataq ỹanem qome yi'iye 'alhuapi maye choche 'aumeten nagui.


Cha'aye da detaqa nam namaq Ñim Lo'onatac 'Enauacna, nache nacheñi Ñim Lo'onatac 'Enauacna da detaqa, cha'aye Ñimaye ỹami' Namaye da la'añaxac So Saqcha'a La'añaxac.


Aỹem qaỹa'aqtaxaateguem da so saqcha'a la'añaxac nam qui'itta atamnaxala'pi 'am hueta'aguet, qataq ỹataqtegue da 'antoonaxac, qataq 'am ỹaanataxanaxaic, qataq 'am ỹaanaxanaxaic.


Nache so Saqcha'a La'añaxac Ñim Nataxala' talec so Jefté, nache somaye jec da queuolec 'enauac ye 'alhua Galaad qataq ye Manasés, qataq ye Mispá maye huaigui ye Galaad da yaqto' delogui' so amoniitapi.


qataq dam naigui da qomi' qanachelaxa'n. Nataqa'en iuen da saỹaanaq da llec nam ỹa'amaqten So Cristo da qaỹasheltalec da yaqto' ỹaconeguet So Saqcha'a Na'añaxac Qui'itta. Qataq nataqa'en iuen da saỹaanaq da na leuaxaicpi qaltaq ỹe'eguelaxalec qome da nca'alec. Qataq nataqa'en iuen da saỹaanaq da huo'o ca pa'atec nmitaguec 'enauacna.


Saishet da 'aỹalapegue' da huo'o ca 'aneua'a da lo'onataxanaxac Ñim Lo'onatac 'Enauacna, cha'aye saiuena'a da huo'o ca lasouaxashet, nache nataqa'en 'am nshepaxanaqchet. ¡'Antela'agueto' 'enauac na sa ỹaỹamaxañisat!


Saishet da 'anañaxane' da lo'onataxanaxac ñim 'anachetaxat maye 'am ỹami' Ñim Lo'onatac 'Enauacna so na'a'q co'ollaq ỹachanguit añi 'arquiyaqte, chegoqchiguilo soua lataxala'ate na 'amqaanataxanaxaicpi co'ollaq 'am ỹashel-leguete.


Qaq co'ollaq ime da qouagaxaunaxac qataq da qouaqchetaxac, nache qanatameetapegueleguete soomaye, qaỹasheltaleguete. Ime, nache qaỹama'q.


Qaq co'ollaq ime, nache soomaye qaỹauegueua'alo soua Jesús lamaxa'she, nache soomaye ỹashel-lec na lqaic ñi 'oonolec da nqouagaxaueeleguete.


Qaq ỹoqo'oye qami' qarqaỹa't, qanmichiỹapigui caua siete ỹale't da qoñiita, cam nache 'eetai'salo da npe'e'te, qataq huo'o na ỹaỹate'n, qataq nlaqchiguilo da la'añaxac So Saqcha'a Na'añaxac Qui'itta, qaq nachecaua ca qaupataqaileguete de'era no'onataxanaxac.


Nache huo'o so 'oonolec somayepi, 'eeta': Aỹem huo'o so sauatton na llalaqpi so Yesé, maye naña ye Belén, da ỹataqta ỹaỹaten da lvicnaxanaxac, qataq somaye ỹataqta 'añaxaic da loquiaxac, qataq ỹaanaxanaxaic da detaqa, qataq ỹataqta nalochiguiñi da lataxac, qataq hueta'aguet Ñim Nataxala'.


Qaq 'esoua soua le'enaqa'ate soua ỹale't maye ỹama'q co'ollaxa so Moisés, da demeenaxana ye 'alhua Canaán. Qalaxaye so Moisés naralaxat da le'enaxat so Oseas, som llalec so Nun, nache ỹanagui da Josué.


Oseas, som llalec so Nun, som chegoxoguet na maiche lauo' le'ecpi so Efraín,


Nache aỹem, senotec qome da 'am ña'aqtaxane', nache sanem camayepi ca laỹolec da na'añaxac maye 'am sanem co'ollaxa, yaqto' 'am itauan da 'auaueca'aguet ne'ena shiỹaxauapi yaqto' saishet da 'andotec.


Nache so Moisés 'enapego' so Josué, 'eeta': «'Auauo'oi qome caua 'auaconeua'alo shiỹaxau'. Ime, qaq qojec 'aulogui' na amaleciitapi. Aỹem qalaq sootalec qonte' nte'eta añi qaỹoqotcheguemec 'alhua, llasoqta'a qome aye lashelte Ñim Lo'onatac 'Enauacna.»


«Qaq nataqa'en aỹem dalemataỹa Ñim Nataxala' souaxat qami', nache 'eeta': ‹'Am saishet qome da 'aunoxoneua'a yi'iye 'alhua›.


Qalaxaye Ñim Nataxala' maye Qanatamnaxala'ai, hua'auta'ague qome na qoyiqui, da yaqto' nlaxaañi ye ỹotta'a't shiỹaxauapi, da yaqto' qoñiỹalec ye na'alhua yemayepi. Qaq da Josué nachera da qauca'achiitalec qome da qarataxala'ai, cha'aye nache la'aqtac Ñim Nataxala'.


Qaq so Josué sanem co'ollaxa da ỹa'aqtac, 'eeta': «'Am 'auauaachigui Ñim Nataxala' maye Qanatamnaxala'ai, dam ỹo'oteque co'ollaxa se'esoua dos nta'al, qaq nachera da 'eetec naqa'en qome ye 'alhuapi maye qailotague' maye 'auapelec qome.


Qaq ime, nache Ñim Nataxala' 'enapega so Moisés, 'eeta': «'Am, mashe saqaỹapeque ye laloqo' da 'aleu, qaq ỹoqo'oye 'aỹaxana qome so Josué, nache qanqo'oñiiua'a qome ñi npe'l maye huaña naxa da aỹem qanauane', yaqto' qami' sanema ca iqataxac.» Nache so Moisés qataq so Josué tareua'a co'ollaxa so npe'l maye huaña naxa da qanauane' Ñim Nataxala',


Qomi' nache 'eetai' qome da 'am salaxasoxoguet, se'enaxataqtem co'ollaxa da salaxasoxoguet so Moisés. Qalaxaye 'oonolec da seỹaxanaxaua'a, da Ñim Nataxala' maye 'Anatamnaxala' ỹataqta 'am nnaictague' qome, 'eeta'am da 'eetec co'ollaq nnaictague' so Moisés.


Swiv nou:

Piblisite


Piblisite