Números 27:17 - La'aqtaqa Ñim Lo'onatac 'Enauacna 2013

¹⁷ yaqto' camaye, nacheca ca lataxala' qome namayepi da nqatec qataq da ñe'eguelaxateuo. Yaqto' ne'ena nhuo' le'ecpi maye lalamaxatpi Ñim Nataxala', saishet da 'eeta'am aca qaguetapi maye qaica ca ilo'ogue.

Números 27:17 Referans Kwoze

Ezequiel 34:5

Ana ỹalamaqtepi qaguetapi qalaq qaica ca ilotague', nache nlagaxattac, nache chec na huauec shiguiỹacpi.

Marcos 6:34

Nache So Jesús co'ollaq huenoteeguesop aso nllocta, nache ilaigui so qalota shiỹaxauapi maye lapoota'a't, nache ỹataqta lta'araic da lchoxonnataxanaxa, cha'aye somayepi 'eeta'am aca qagueta maye qaica ca ilotague'. Nache quetot da qalota na ỹapaxaguenec lataxacpi.

1 Reyes 22:17

Nache so Micaía 'enapeco': «Aỹem, selota'a da 'enauac na Israel le'ecpi, laguelec ana qasoxonaxapi, 'eeta'am aca qagueta da qaica ca ilo'ogue. Nache da la'aqtac Ñim Nataxala', 'eeta': ‹Ne'ena shiỹaxauapi qaica ca lataxala', qaq no'on da ñi 'oonolec namayepi ỹe'eguelaxalo naua lma'ate ỹachetec da l-lagaxayec.›»

Mateo 9:36

Qaq co'ollaq ila'a so qalota shiỹaxauapi So Jesús da ca'attague' Somaye, nache ỹataqta ỹaguec da lchoxonnataxanaxa, cha'aye somayepi ỹataqta saỹaỹaten ca 'eetec qataq qaica ca iueelec. 'Ena'am ana qagueta maye qaica ca ilo'ogue.

Zacarías 10:2

Cha'aye na ne'enaqtac atamnaxala'pi, saq 'e'n naua la'aqtaxanaxaco, qataq na huo'oi l-loxoco, qalaq saq 'e'n naua lauanaqcheco. Nam ỹa'axata'api qalaq qaica ca naigui, qataq naua la'aqtaqa, da huotaique da da'añaqtaxan qalaq qui'itchiguilo. Qaq ỹoqo'oye na shiỹaxauapi choche tata'acra', 'eeta'am aca qaguetapi, qataq huo'o da nque'eenaxac souaxat da qaica ca ilo'ogue.

2 Crónicas 1:10

Qaq ỹoqo'oye nagui, aỹem 'aỹa'anem ca naỹaanec, qataq ca nauattonaxanaxac da yaqto' saỹaten da saueca'aguet ne'ena nhuo' le'ecpi, cha'aye ¿negue'tom ca ishet da ỹaueca'aguet ne'ena ỹataqta qalota nhuo' le'ecpi?»

Deuteronómio 31:2

«Aỹem mashe sevi' naua ciento veinte vi'iye, qataq mashe qaica ca ỹa'añaxac da sequeuotapigui' qataq da shecto'ot da aỹem qarataxala'ai. Qataq Ñim Nataxala', mashe aỹem icoyegueetac da saishet qome da sevira'a da sa'axasoxoolec ye tala Jordán.

1 Reyes 3:7

Qaq 'Am Nataxala' maye Ñatamnaxala', nagui aỹem talec 'anqa'en de'era lo'onataxanaxac so ita'a David, qaq na'aictaxa da ñaq aỹem nsoqolec, qataq saxanaxa da saỹaten na chochena lataxacpi.

1 Samuel 18:13

Qaq ỹoqo'oye so Saúl nqatec somaye, nache ỹamaq ỹanagui da lataxala' naqa'en so mil nalleppi.

1 Samuel 8:20

yaqto' shenaqta'am na laỹepi ỹotta'a't shiỹaxauapi, qataq da yaqto' qarta'a camaye nache qomi' ilo'oguelo qataq sataxalec da huo'o ca qanalaataxac.

1 Pedro 2:25

Qami' co'ollaxa qoñiita'am aca qaguetapi maye isomtac, qalaxaye nagui mashe qañe'eguelaqaiua'a So Cristo maye 'eeta'am ca ilotague' ana qagueta, qataq npaxattalec.

Juan 10:9

Aỹem Nachaỹem lasom. Qaq ca Aỹem tateua'a, nache camaye nca'alec. Nache camaye 'eeta'am aca qagueta da pa'auo qataq da npa'aueeguesop aca laỹe', nache ỹanata ca aloq.

Mateo 15:24

Nache So Jesús 'enapeco': –Ñim Lo'onatac 'Enauacna Aỹem namaq da ndotec na Israel le'ecpi da setauan, cha'aye namayepi 'eeta'am aca qagueta maye isomtac.

Mateo 10:6

Nachaqrata qome da qanqo'oñiỹa nam Israel le'ecpi maye 'eeta'am aca qagueta isomtac.

Zacarías 13:7

Ñim Nataxala' maye Qaica ca Ỹaqalanapec da la'aqtac 'eeta': ¡'Anachaañi 'am ỹeelonec, nache 'auataỹa'aguet ñi ỹamaxashec maye ilotague' ana qagueta, qataq ñim ỹale maye itaua! ¡'Aualauat qome ñim ilotague' ana qaguetapi, yaqto' anam lhuateguishe qaguetapi laga't qome, qaq Aỹem sataỹa'aguet qome da salauat na qagueta llalaqpi!

2 Crónicas 18:16

Huaña nache so Micaías, 'enapec: «Aỹem selota'a da 'enauac na Israel le'ecpi, ỹataqta laguelec ana qasoxonaxapi, 'eeta'am aca qaguetapi da qaica ca ilo'ogue. Nache da la'aqtac Ñim Nataxala', 'eeta': ‹Ne'ena shiỹaxauapi qaica ca lataxala', qaq no'on da ñi 'oonolec namayepi qaica cara da ỹe'eguelaxalo naua lma'ate.›»

2 Samuel 5:2

qataq nache 'eetai' co'ollaq ñaq qomi' ilotegueto so nta'a Saúl, da 'am lataxala' naxa da nalat na nalleppi na Israel le'ecpi, qataq Ñim Nataxala' mashe 'am 'eetega co'ollaxa, 'eeta': ‹'Am, 'auaueca'aguet qome, qataq 'aulo'ogue na Israel le'ecpi.›»

2 Reyes 11:8

Qaq qami' qauconñeesop qome so nta'a, nache ñi 'oonolec da qoñeeta nasoqta'a ca lo'ogoxonaxat, qaq da huo'o camachaqca shiỹaxaua da nshetaique da huenoxotaua'a somaye, nache qaualauache. Qataq saishet da qandoxocheetec so nta'a da huo'o ca taigue, iuen da qannaiquiitague' somaye.»