Números 27:14 - La'aqtaqa Ñim Lo'onatac 'Enauacna 2013

¹⁴ cha'aye qami', Aỹem sa qaualaqaiguet co'ollaq huaña ye toolec 'alhua ye Zin, yem huaña co'ollaxa da Aỹem quetapeguelec ne'ena nhuo' le'ecpi, nache saishet da ỹauaachigui qanqa'eñi da Aỹem qavio'oxoreñi co'ollaq chegaqaigui ñaqa'en so 'etaxat aso coma' ye Meriba. Qaq se'eso 'etaxat, nacheso so huaña ye Cades ye toolec 'alhua ye Zin.

Números 27:14 Referans Kwoze

Deuteronómio 1:37

«Qaq nataqa'en aỹem dalemataỹa Ñim Nataxala' souaxat qami', nache 'eeta': ‹'Am saishet qome da 'aunoxoneua'a yi'iye 'alhua›.

Éxodo 17:7

Nache ỹamata'ac se'eso 'alhua da Meribá, cha'aye nache huaña co'ollaxa da so Israel le'ecpi huo'o da nachoxoc. Nataqa'en ỹamata'ac da Masah, cha'aye huaña co'ollaxa da ỹe'eguen Ñim Lo'onatac 'Enauacna, 'eeta': «¿Peta'a qomi' hueta'agueto'ca cam Nataxala', huo'otaq saishet da qomi' hueta'agueta?»

Números 20:24

«Da Aarón mashe sa qaỹapeque ye loga't da nachaalataxac, nache saishet qome da inoxoneua'a ye 'alhua maye sanem na Israel le'ecpi, souaxat da sa qaualaqaiguet so ỹa'aqtac co'ollaq huaña ye Meribá maye huaña da npaxaatasheguem na 'etaxat.

Números 20:1

Qaq so la'auaxanec ca'agoxoic se'eso vi'i, nache so Israel le'ecpi ivita ye toolec 'alhua ye Zin, nache naña co'ollaxa ye Cades. Qaq nache huaña yemaye da ileu aso María, qaq nache qailareña yemaye.

Hechos 7:51

Qaq ñaq queta da ltaxaỹaxac so Esteban, 'eeta': –Qami' nache 'eetai' da ỹataqta sa qaualaqai, qataq da qana'axaỹaxanaxaqui qataq naua qarquiyaqchilli' 'eeta'am ca saxanaxa da ỹauatton Ñim Lo'onatac 'Enauacna. Qataq nache 'eetai' da qanpa'aguiñiitague' So Saqcha'a Na'añaxac Qui'itta qoñiita'am som hua'au qarta'ailpi.

Números 13:21

Nache se'esoua ỹale't jec co'ollaxa da demeenaxara yi'iye 'alhua, chegoqchiguiña ye toolec 'alhua ye Sin, nache ivitta'a ye Rejob, yem saqaỹapeque ye ñegueuo ye Jamat.

Números 27:15

Nache so Moisés 'enapega Ñim Nataxala', 'eeta':

Deuteronómio 4:22

Qaq ỹoqo'oye aỹem nache seleuaña qome ne'ena 'alhua, nache saishet da sa'axasoxoolec ye tala Jordán, qalaxaye qami' maye qaua'axasoxoñiilec qome nache qoñiỹalec yi'iye no'on 'alhua.

Números 20:5

¿Ta'ainco' ye qomi' qanqacheueeguesopa co'ollaxa ye Egipto, nache qomi' qanaviquiugalo ne'ena 'alhua maye ỹataqta qauem? Ne'ena 'alhua, namaye saishet da huo'o ca qoỹaalec, qaca aca higo, uva, granada, qataq qaica ca 'etaxat da yaqto' ñiỹomaxagui.