Números 26:65 - La'aqtaqa Ñim Lo'onatac 'Enauacna 2013

⁶⁵ cha'aye nache la'aqtac co'ollaxa Ñim Nataxala' da ileuaña somayepi ye toolec 'alhua. Qaq ndotec so Caleb, som llalec so Yefune qataq so Josué, som llalec so Nun da no'oirañi.

Números 26:65 Referans Kwoze

Números 14:38

Qaq 'enauaque se'eso ỹale't maye demeenaxara co'ollaxa yi'iye 'alhua, da nachaqsouate' soua Josué, som llalec so Nun, qataq so Caleb maye llalec so Yefune da saishet da ileu'.

Romanos 11:22

Qaq ñaq qauloỹa da lsoxoyec Ñim Lo'onatac 'Enauacna maye qami' taleguete. Qalaxaye nataqa'en qauennachiỹa'a da Ñimaye ỹataqta ipagaqchiichigui cam talec nam huo'o da lasouaxashet, qalaxaye Ñimaye ỹataqta qami' ỹauoteque. Qataq Ñimaye nache queto'ot de'era da qami' qauo'oche dam 'eetapeguec Ñimaye. Cha'aye qom saishet da nache qoñiitec de'era, nache nataqa'en qami' imaqraue'c.

Números 14:35

Qaq Aỹem Nataxala', 'era da ỹa'aqtac: 'Era da sheetec qome ne'ena nhuo' le'ecpi, qauemaicpi maye huaxaỹa'pi da Aỹem npa'aguene'. Huaña ne'ena toolec 'alhua da imeuo ñaqa'en namayepi.›»

Judas 1:5

Qaq na'aictaxa da qami' mashe sogote da qauaỹaañi de'era, qalaxaye nache 'ena'am sauotaique da qami' seuennataxanaxaneque da 'eetec co'ollaxa Ñim Lo'onatac 'Enauacna da nqateeguesop ye 'alhua Egipto so Israel le'ecpi, ime, nache ileu naqa'en so shiỹaxauapi maye saishet da ỹa'amaqten Ñimaye.

Éxodo 12:37

Nache so Israel le'ecpi ca'ai ye Ramesés, tateuga ye Sucot. Somayepi huac da ivi' saiscientos mil ỹalleppi, ndotec so mashe ishet da taigui na huataxanaq, qaq saishet da qanaloqneuo so 'alpi qataq so ñaqpiolec.

Números 14:26

Nache Ñim Nataxala' 'enapega so Moisés qataq so Aarón, 'eeta':

Números 14:32

Qaq qami' qalaq da qaro'ocỹaxaqui laguelec qome yi'iye toolec 'alhua,

Números 27:3

«So qarta'a ileuaña ye toolec 'alhua, qalaxaye somaye saishet da ỹalectaigui som laỹepi so Coré maye dataỹa'aguet co'ollaxa Ñim Nataxala'. Somaye ileu qalaxaye souaxat na maiche lasouaxashetpi, qaq somaye qaica ca llalec ỹale.

Números 34:19

Qaq 'ena le'enaxatpi na ỹalleppi maye qaiỹaxana qome da ỹanec na 'alhua: Caleb, som llalec so Yefune, maye chegoxoguet so Judá.

Deuteronómio 1:36

Qaq nachesota qome so Caleb, maye llalec so Yefune da inoxoneua'a yi'iye 'alhua. Nache ca pelec 'alhua sanem qome somaye qataq ca chegoxoguetpi da yaqto' lalamaxat. Cha'aye somaye ỹataqta ỹalaxaguet Ñim Lo'onatac 'Enauacna.›»

Josué 5:4

Qaq de'era huo'omshe qaỹo'ot cha'aye 'enauac se'eso ỹalleppi Israel le'ecpi, qataq so alleppi maye alaataxaicpi maye mashe qaỹo'ot co'ollaxa nam la'anaxashet na lo'oc co'ollaq qaỹachegoqteua'a ye Egipto, somayepi mashe 'enauac da ileu huangui so nqa'aic ye toolec 'alhua.

Salmos 37:9

Cha'aye na qauemaicpi imeuo qome qanqa'en, qalaxaye ca naquitto'ot Ñim Nataxala' qalaq taỹot da lalamaxat qome ne'ena 'alhua.