Números 26:62 - La'aqtaqa Ñim Lo'onatac 'Enauacna 2013

⁶² Qaq ye lcata so ỹalleppi maye chegoxoguet so Leví, som ivi' qataq napacalec ye 'oonolec ca'agoxoic, ivi' veintitrés mil. Qaq somayepi saishet co'ollaxa da qaỹalecnoigui so laỹe Israel le'ecpi maye qoỹiyiñi, cha'aye saishet da qaỹauo'o ca qoỹanem lalamaxat na'alhua.

Números 26:62 Referans Kwoze

Deuteronómio 10:9

Qaq ỹoqo'oye ne'ena leviitapi qaica ca lalamaxat logoxoshet, qataq na'alhua da ỹalectaigui na lqaỹañecpi, cha'aye Ñim Nataxala' lalamaxat namayepi, qataq maiche la'aqtac co'ollaxa Ñimaye.

Números 3:39

So Moisés qataq so Aarón co'ollaq ỹo'o't aso le'enaxat lmalate so leviitapi, nache soomaye ipactrelec da ỹo'o't da lamaxasoxonaxac Ñim Nataxala', nache 'enauac so ỹalleppi maye ivi' qataq mashe napacalec ye 'oonolec ca'agoxoic, ivi' veintidós mil ye lcata.

Números 1:49

«Qom 'auo'ot ca naneraguec na Israel le'ecpi, nache saishet qome da 'ereuo na maiche nalamaxat nhuo' le'ecpi maye chegoxoguet so Leví.

Josué 14:3

Qaq so Moisés mashe nale'ena co'ollaxa ỹan ye 'alhua maye pa'aỹa'ague da nala' lliguisheguem da le'ego so tala Jordán, nache ỹami' so maiche nhuo' le'ecpi maye chegoxoguet so Rubén qataq so Gad, nataqa'en so laỹe so maiche nhuo' le'ecpi maye chegoxoguetpi so Manasés. Qalaxaye so chegoxoguetpi so Leví, saishet co'ollaxa da huo'o ca qoỹanem 'alhua.

Josué 13:33

Qalaxaye so Moisés, qaica ca ỹanem 'alhua so maiche nalamaxat nhuo' le'ecpi maye chegoxoguetpi so Leví. Nacherata da 'enapega somayepi, 'eeta': «Ñim Nataxala' maye Natamnaxala' na Israel le'ecpi, Ñimaye nacheñi Ñim qaramaxache.»

Josué 13:14

Qaq so Moisés qaica co'ollaxa ca ỹanem 'alhua so maiche nhuo' le'ecpi maye chegoxoguet so Leví, cha'aye somayepi taỹot so laỹe aso nachetaqtaxanaqtepi maye qoỹanot Ñim Nataxala' maye Natamnaxala' so Israel le'ecpi. Cha'aye maiche la'aqtac co'ollaxa Ñimaye.

Números 4:48

qaq ye lcata se'eso nereguishecpi ivi' ocho mil quinientos ochenta.

Números 4:27

Qaq so Aarón qataq soua llalqa, nachesoua so ilo'oguelo qome 'enauac da lo'onataxanaxac nam chegoxoguetpi so Guersón da ivita da huo'o ca ỹacoolec da ỹo'ot, qataq nam ishet da ỹache namayepi. Qataq qauamaqailec da ỹataqta ilo'ogue 'enauac na qoỹami' da ỹache namayepi.

Números 1:47

Qaq so leviitapi qalaxaye saishet da qaỹalecnoigui aso le'enaxat lmalate so laỹe Israel le'ecpi,

Números 26:63

Qaq 'eso so lereguishecpi so Moisés qataq so ntaxaỹaxanaxanec Eleazar, co'ollaq huaña ye nalochiguiñi 'alhua ye Moab yem sa qaỹapeque ye Jordán qataq nalotta ye Jericó.