Números 26:54 - La'aqtaqa Ñim Lo'onatac 'Enauacna 2013

⁵⁴ Nache na ỹataqta qalota nhuo' le'ecpi, lta'araic 'anqa'en ca 'anem, qaq na sa 'amaqtaq, nache saq 'amaqtaq ca 'anem qome. Qataq da 'anec na 'alhua, nache 'aualleta'aguet qome ye lcata na ñiyiguishecpi.

Números 26:54 Referans Kwoze

Números 33:54

Qalaxaye da qoỹanec ye 'alhua qalaq qaỹo'ot ca alletaxac da qoỹanoigui na maiche nalamaxat nhuo' le'ecpi, nache na ỹataqta qalota nhuo' le'ecpi lta'araic qanqa'en ca na'alhua, qaq na saq 'amaqtaq nache qapio'olec ca qoỹanem 'alhua. Nache ñi 'oonolec na maiche nhuo' le'ecpi ỹaconeguet ca 'alhua maye taalec da lalamaxat.

Josué 17:14

Qaq so maiche nhuo' le'ecpi maye chegoxoguetpi so José, 'enapega co'ollaxa so Josué, 'eeta': «¿Ta'ainco' da qomi' 'aỹa'anema ye 'oonolec laỹe ne'ena 'alhuapi ye qomi' qalota, qataq Ñim Nataxala' mashe qomi' taleguete naqa'en co'ollaxa so no'on la'aqtac?»

Números 32:5

Qaq da 'auaỹamaxareeta, nache no'on da qomi' 'aỹa'anema yi'iye 'alhua. Nache saishet da sa'axasoxonaxalec 'anqa'en ye tala Jordán.

Números 32:3

Naua 'aleu', Atarot, Dibón, Jazer, Nimrá, Jesbón, Eleale, Sebán, Nebo qataq Beón,

Números 26:53

«Ne'ena 'alhua da 'aỹa'anec, nache ỹataqtac 'anqa'en da 'aỹa'anem ca lalamaxat na maiche nalamaxat nhuo' le'ecpi maye mashe qoỹettañi.

Números 35:8

Nache que'eca huaqta'a't nỹecpi maye ỹotta'a't naua nañalo maye ỹan qome na Israel le'ecpi da ỹanem na leviitapi, ỹachegoxotaigui qome na 'alhua maye qoỹanem da lalamaxat. Qalaxaye ca lta'araic ca na'alhua, nache lta'araic ca ỹanec, qaq ca saq 'amaqtaq ca na'alhua, nache nataqa'en saq 'amaqtaq ca ỹan 'alhua, da qoỹanalec ca huaqta'a't nỹecpi maye ỹotta'a't naua nañalo da yaqto' lalamaxat namayepi.»

Josué 19:9

Qaq cha'aye so maiche nhuo' le'ecpi maye chegoxoguetpi so Judá, ỹataqta lta'araic so lalamaxat 'alhua, ỹoqo'oye som chegoxoguetpi so Simeón, qoỹanem so laỹe 'alhua maye huaigui so na'alhua som chegoxoguetpi so Judá.