Qataq 'aỹa'anem da ỹataqta qalota so llalaqpi somayepi, 'eeta'am ana huaqaañipi maye neto'ot na piguem, qataq 'aunoxonaqcheteua'a ye 'alhua maye 'auachaxanapeguem co'ollaxa da 'aỹa'anem so hua'au lta'alpi.
Nache so Moisés 'eeta': Aỹem salectaigui ne'ena seiscientos mil shiỹaxauapi, ¿qaq 'am qonapec da 'oonolec ca'agoxoic da 'aỹa'aata'am da chectac ca lapat namayepi?
Qaq 'eso so Israel le'ecpi, maye ñiyiguishecpi co'ollaxa, qataq ỹataqtac so maiche chegoxoguet lta'alpi. Maye netaña se'eso npe'lpi, ivi' seiscientos tres mil quinientos cincuenta ỹalleppi.
Qaq da ima'a't 'enauac so ñiyiguishecpi, maye napacalec ye veinte vi'iye da llaxa, nache ivi' seiscientos tres mil quinientos cincuenta shiỹaxauapi, nache ñi 'oonolec somayepi ivi' ye seis gramos na ỹaneuo na lcat plata, maye maiche lashiichiỹaxac da huaña so npe'l.
Nache so Israel le'ecpi ca'ai ye Ramesés, tateuga ye Sucot. Somayepi huac da ivi' saiscientos mil ỹalleppi, ndotec so mashe ishet da taigui na huataxanaq, qaq saishet da qanaloqneuo so 'alpi qataq so ñaqpiolec.