Números 25:8 - La'aqtaqa Ñim Lo'onatac 'Enauacna 2013

⁸ nache ca'ataueeguelo soomaye, nache taigui so lpe'l se'eso Israel le'ec, nache huaigui naqa'en somaye da ira'alo aso lataquiaxai, ỹapacauiiguilo naqa'en soomaye aso lataquiaxai. Huaña nache vi'iiguet se'eso nleuaxa maye talec so Israel le'ecpi,

Números 25:8 Referans Kwoze

1 Crónicas 21:22

Ime, nache so David 'enapega so Ornán, 'eeta': Ñaq aỹem 'aỹa'anem qome ne'ena 'archegoxosoxonqa' da yaqto' sanaña aca nca'atoxonaxalate maye lalamaqte Ñim Nataxala', qalaxaye 'analoqchiichigui qome aca lasheue namaye da aỹem 'aumenot, yaqto' vi'iiguet nam nalolaxa maye icogaxaatac ne'ena nhuo' le'ecpi.

2 Samuel 24:25

huaña nache so David, no'oxoosheguem aso nca'atoxonaxalate da ỹanot Ñim Nataxala', nache ỹaneuo aso lachetaqtaxanaqte qaỹavigaxatta, qataq aso qanhuaachigui. Huaña, nache Ñim Nataxala', hua'axaỹa co'ollaxa da nachoxonnaxac so shiỹaxauapi se'eso 'alhua, nache vi'iiguet se'eso napiina ye Israel.

Números 25:11

«Da Finés, maye llalec so Eleazar, qataq laual so Aarón, damaye ỹo'ot da vi'iiguet naqa'en da ỹayeloxo maye talec na Israel le'ecpi, cha'aye damaye 'eeta'am Aỹem da sa sesheteguet da qanatamnot ca ỹaqa'a atamnaxala'. Qaq nachera damaye, da huo'omshe saishet da ỹataqta imeuo ñaqa'en namayepi.

Números 25:5

Nache so Moisés 'enapega so nmit na nasouaxashetpi ye Israel, 'eeta': «Ñi 'oonolec da qoñiita, ỹalauat qome ca ỹalleppi maye maiche lalamaxat lauo' le'ecpi maye ca'ata co'ollaxa da ỹo'oxoren so Baal Pegor.»

Malaquías 2:5

Da ñaỹamaxataxac co'ollaq ñaỹamaxate' somaye, damaye nca'alaxa qataq nlagaxayec. Sanem somaye cha'aye sauotaique da huo'o naq 'enec naqa'en Aỹem, qataq Aỹem ỹalaxaguet. Qaq somaye Aỹem ỹachaxana co'ollaxa da lalaxayec, qataq huo'o naq 'enec naqa'en Aỹem.

Números 17:13

Cha'aye camachaqca shiỹaxaua da taua'a ye lanataqa' Ñim Nataxala', nache ileu, ỹoqo'oye 'enauac da shenaqta seleuaq qome.

Josué 7:26

Qaq co'ollaq ime nache qalaponalec so logosheguem coma'pi somayepi, qaq nache ivitta'a nagui. Qaq ỹoqo'oye qoỹanagui da le'enaxat da ca'amegue Acor. Qaq huaña co'ollaxa, nache vi'iiguet da lalemataic Ñim Nataxala'.

2 Samuel 21:14

Nache se'esoua lpi'ineqa so Saúl qataq so Jonatán, qailaroiguilo aso nhuachiqui so Cis, maye lta'a so Saúl, maye naña ye Selá yem 'alhua Benjamín. Qaq nache qaipacchigui co'ollaxa da lamaxasoxonaxac so nta'a, huaña nache Ñim Nataxala' ichoxoren so lma' se'eso 'alhua.