Números 25:6 - La'aqtaqa Ñim Lo'onatac 'Enauacna 2013

⁶ Qalaxaye co'ollaq laỹoota'a't so nhuo' le'ecpi, nỹeetagui netaña so ñegueuo so npe'l maye naponqa', nache ivireuo so 'oonolec Israel le'ec, ỹauectauo aso 'alo Madián lashe da yaqto' ỹachaxaneguet so maiche lauo' le'ecpi, nache ỹauaachigui 'enauac so laỹoota'a'tpi qataq so Moisés.

Números 25:6 Referans Kwoze

Joel 2:17

Qataq nỹen qome na ntaxaỹaxanaxanecpi maye lo'onataxanaxanecpi Ñim Nataxala', da huaña ye ñegueuo maye taỹaua'a añi nca'atoxonaxalate, nache 'eeta': «'Am Nataxala', ña 'auapalaxat qome na lasouaxashetpi ne'ena 'aralamaxat nhuo' le'ecpi, qataq qaica ca 'auashenem da ỹe'eetac nam 'aralamaxatpi, yaqto' na ỹotta'a't shiỹaxauapi saishet da choche ilattac qome namayepi. Qataq nam laỹepi ỹotta'a't shiỹaxauapi saishet qome da 'eeta': ¿Ca neta'ague cam Natamnaxala' namayepi?»

Números 22:4

Nache so Moab le'ecpi, 'enapega co'ollaxa so nqueroxonecpi ye Madián, 'eeta': «Ne'ena shiỹaxauapi nlaxaañi qome 'enauac na huetalec na qana'alhua, 'eeta'am ca nauegaxanaxala' huaca da ỹataqta ỹauta na 'auaqpi na no'onaxa.» Qaq se'eso na'a'q so Balac som llalec so Sipor, nacheso co'ollaxa so nta'a ye Moab,

Judas 1:13

Qataq namayepi ỹataqta sa ncherapec. 'Enauac ishet da qaila'a nam qauem ỹo'ottac, cha'aye nam qauem maye ỹo'ottacpi, 'eeta'am na lcoche ana sa ncherapec lapaxa aso auaxai. Qataq namayepi 'eeta'am ana huaqaañipi maye ca'ai cam ỹoqta llec, nache qaiuaxanec da quetaigui nam chochaq tatec napalaxa.

Jeremías 36:23

Qaq naxa da so Yehudí ima't da itaxaỹaxa'n naua tres, huo'otaq cuatro lpa'axaco na nerec, nache so nta'a ichiigui naxa irota'a so lainec, ime nache ỹasaxangui so norec maye huetangui aso poqo laỹe', qaq 'era da 'eeta'ac somaye, nache choche ivitta'a da imauec da ỹavigaxat aso nere.

Jeremías 8:12

¡Qamaq iuen taxa da huo'o da la'agaxa da ỹo'ot de'era maye sa sesheteguet! ¡Qalaxaye namayepi qaica ca la'agaxa! Ỹoqo'oye qom sauo'o ca nhuaxanaguec, nache depoxolaxaañi qataq huañi, 'eeta'am so laỹepi. Qaq 'era da ỹa'aqtac Aỹem Nataxala'.

Jeremías 3:3

Ỹoqo'oye qaỹaloqta da huo'o ca auot qataq qaica ca auot ye nauoxo. 'Am qoneta'am da lataxac aca quisheguetaxai, ¡Qamaq ishet taxa da huo'o da 'arcoxo!

Isaías 22:12

Qaq se'eso na'a'q, Ñim Nataxala' maye Qaica ca Ỹaqalanapec qami' 'enapegalo co'ollaxa da qanỹiñi qataq qanachoxoreñi qanamarequi' naua qarqaigolli' qataq qaỹa'añiiyiñi naua qo'ogolli' maye sa nsattegueta maye la'anaxat da qanqui'iqui.

Jueces 2:4

Nache so nale Ñim Nataxala', co'ollaq ime da la'aqtaxanaxac, nache so Israel le'ecpi ỹataqta 'enauac da na'alaqtapiguiñi da nnoinaxac.

Números 31:2

«'Apalaique qome ca lvi' na Israel le'ecpi, nache 'analaate' na madianiitapi, qaq qom ime, nache 'am qojec da 'aualegoigui so hua'au 'arhuo' le'ecpi.»

Génesis 37:28

Qaq so Madián le'ecpi maye nmenaxaicpi, co'ollaq nateugueye, nache soua lqaỹa't so José nqatyesheguem somaye. Ime, nache imenot so ismaeliitapi, qaq veinte monedas na plata aso lasheue. Qaq 'era da 'eetec so José co'ollaq qaỹauega ye Egipto.

Números 16:47

Nache so Aarón ỹacona aso nchenaxanaxat laỹe', ỹalaxaguet da la'aqtac so Moisés, nache nqalgoqta'a so netaña se'eso shiỹaxauapi. Qaq mashe nvi' co'ollaxa da nhuaxanaguec so nhuo' le'ecpi, nache so Aarón ỹo'ot co'ollaxa so lchenaxanaxat da yaqto' qaỹapalaxat na lasouaxashet se'eso nhuo' le'ecpi.

1 Reyes 11:18

Qaq somayepi chegoqchiguiña ye Madián, nache ivira'a ye Parán, yem huaña co'ollaxa da huo'oi soua ỹaconeua'alo ỹale't da yaqto' huaxaigueta. Qaq co'ollaq ivita ye Egipto, nache taua'a so faraón maye nta'a ye Egipto, nache se'eso nta'a ỹauo'o so lma', qataq ỹanem so aloq, qataq ỹauo'o so na'alhua.

Salmos 94:16

Qaq ¿negue't ca nachaañi co'ollaxa da aỹem iueelec da nqanaxat na 'etaxaloxoicpi? Qataq ¿negue'tom ca huetaua'a na ỹaỹe da aỹem itauan da nqanaxat na qauemaicpi?