Números 25:2 - La'aqtaqa Ñim Lo'onatac 'Enauacna 2013

² qaq asomayepi, nache ỹauec co'ollaxa se'eso ỹalleppi da ỹanot na lachetaqtaxanaxat so natamnaxala'pi asomayepi. Nache so Israel le'ecpi nhuanaua'a de'era nquia'axac, qataq natamnot na natamnaxala'pi so Moab le'ecpi,

Números 25:2 Referans Kwoze

1 Corintios 10:20

Da sheetega 'eeta': Na saishet da ỹauatton Ñim Lo'onatac 'Enauacna, namayepi da ivita da ỹauo'o na lachetaqtaxanaxat, nache ne'ena lachetaqtaxanaxat taỹot na lamaxashecpi maye saqcha'a so pa'aguenataxanaxaic, qaq saishet da nacheñi Ñim Lo'onatac 'Enauacna. Qaq aỹem saishet da saỹamaxaren da qami' qa'aitapegueua'a na lamaxashecpi so pa'aguenataxanaxaic.

Éxodo 20:5

Qataq saishet da 'aua'atto'oto naua 'arllecte qataq saishet da 'avio'oxoreetac, cha'aye aỹem Nataxala' Nachaỹem 'Anatamnaxala', Aỹem ca'alaxanaxaic ỹoqo'oye sauo'o da nhuaxanaguec ca shiỹaxaua maye aỹem nquiỹatega, qataq ca llalaqpi qataq ca laualpi qataq na llalaqpi ca laualpi.

Oseas 9:10

Qaq da la'aqtac Ñim Nataxala', 'eeta': «Co'ollaq selalec na Israel le'ecpi, nache ỹataqta samachiguiñi, sheeta'am ca shiỹaxaua da ilalec aca uva da huaña ca toolec 'alhua. Qataq co'ollaq sela'a so hua'au qarta'ailpi, nache 'eeta'am da sela'a aca la'auaxana ala ana hiigo. Qalaxaye co'ollaq ivita so netaña so Baal Pegor, nache ỹataqta nañaneguet da natameetacot na saq 'en atamnaxala'pi, nache ivira'a da ỹataqta qaiqaiga, 'eeta'am da nqaigaxa nam lauotaxat natamnaxala'pi.

Salmos 106:28

Qataq somayepi nañanot so Baal Pegor, nache chec co'ollaxa aso nachetaqtaxanaqte maye qoỹanot so atamnaxala'pi maye saishet da nca'altauec.

Josué 22:17

¿Peta'a sa lta'araico' so qarasouaxashet maye huaña co'ollaxa ye Peor, maye ñaq 'eetalec da saishet da qomi' qui'itte' souaxat da ỹataqta qalota so ileu ne'ena nhuo' le'ecpi maye lalamaxat Ñim Nataxala'?

Apocalipsis 2:14

Qalaxaye Aỹem nache 'ena'am huo'o da sa saỹamaxaren da qoneta, cha'aye 'auaconeguet nam quetague' da qauem lataxac so Balaam. Cha'aye somaye ỹapaxaguenec co'ollaxa so Balac dam 'eetec naqa'en na Israel le'ecpi da yaqto' somayepi nache queto'ot da ỹo'ottac na qauem, qataq ỹayen da yaqto' somayepi chec nam mashe qoỹanot na ne'enaqtac nqui'ipi maye qanatameetacotpi qataq saq 'en, qataq da yaqto' sa ỹalaxaguet Ñim Lo'onatac 'Enauacna.

1 Reyes 19:18

Qalaxaye aỹem, no'onañi ñaqa'en ca siete mil na Israel le'ecpi, maye saishet co'ollaxa da ỹa'aldoto naua l-llecte so Baal, qataq saishet da napigoxoi'.»

Josué 23:16

qom saishet da qaualaqailec da aỹamaxataxac maye qami' ỹo'oteque Ñim Nataxala' maye Qanatamnaxala'. Qataq da qavio'oxoyiñi ca ỹaqa'a atamnaxala', qataq da qaua'ayiỹoto naua qarllicchilli' camaye, nache Ñim Nataxala' qami' dalemataỹalo qome, nache qami' nqateeguesopa ne'ena no'on 'alhua maye qami' ỹanema Ñimaye.»

Josué 23:7

Nache saishet qome da qauallequiiguet na shiỹaxauapi maye ñaq hueta'a ne'ena, maye ñaq qami' netanguilo. Qataq saishet da qavio'oxoreñiitac nam natamnaxala'pi namayepi, qataq saishet da qaualaqaiguet huo'otaq da qanasaqaiteguec cam le'enaxatpi que'eca atamnaxala'pi, huo'otaq da qaỹa'añim ca qara'aqtaqui.

Deuteronómio 32:38

cam chectac naxa na lcheta ana lachetaqtaxanaqtepi qataq nỹomtapigui na lachetaqtaxanaxat lataxa namayepi? ¡Ñaq ñisheguem taxa da itauan namayepi! ¡Qataq anac taxa da npaxaalec namayepi!

Éxodo 23:24

Saishet qome da qaua'ayiỹoto naua qarllectelli' na atamnaxala'pi, qataq saishet da qanatamñiỹot, qataq saishet qome da qoquiigue na qauem no'onataxacpi, nachaqrata da qaulaxachiigui 'enauac na ne'enaqtac atamnaxala'piolec qataq ỹataqta laỹelolqa qanqa'eñi da qanlaxachiiñi na coma'pi maye atamnaqa'pi.

Éxodo 22:20

Qaq ca shiỹaxaua da ỹanot ca lachetaqtaxanaxat ca lỹa atamnaxala', qaq saishet da nacheñita Ñim Nataxala' da ỹanot, nache camaye qaỹalauat.

Éxodo 32:6

Nache so nte'etom so lỹa na'a'q, nache no'ottasheguem somayepi da yaqto' ỹaneuo aso lachetaqtaxanaqte maye qaỹavigaxatta, qataq aso qanhuaachigui. Ime, nache 'enauac somayepi nso'ooñi da deque'e, qataq nỹom. Qaq so ime nache dasora't.

Jeremías 40:11

Qaq nataqa'en na judiopi maye hueta'a ye Moab, Amón, Edóm, qataq na hueta'a na laỹepi 'alhuapi la'axaỹaxac co'ollaxa, da so nta'a ye Babilonia ỹasheetem na judiopi da huo'o na no'onaña ye maiche na'alhua, qataq da ỹanagui da nta'a so Gedalías da ilo'ogue somayepi.

Miqueas 6:5

Qami' ỹalamaxat nhuo' le'ecpi qantooñeeta'ac nagui, nam huotaique ỹo'ot co'ollaxa so Balac maye nta'a ye Moab, qataq dam la'aqtac so Balaam, som llalec so Beor co'ollaq ỹasateguet somaye. Qataq qantooñeeta'ac co'ollaq qa'aiteuga ye Sitín nache qaviyeeta'a ye Gilgal, yaqto' qauauattoñeeta da la'añaxac Ñim Nataxala'.