Números 25:18 - La'aqtaqa Ñim Lo'onatac 'Enauacna 2013

¹⁸ cha'aye yemayepi qami' ỹo'oteque da latenataxanaxac, nache qami' ỹauegalo da qanatamñiỹot so Baal Pegor, qaq aso Cozbi maye llale so nataxala' Madián le'ec, qalaq asomaye ileu co'ollaxa, huetoigui so na'a'q co'ollaq huo'o so nleuaxa huaña ye Baal Pegor.

Números 25:18 Referans Kwoze

Apocalipsis 2:14

Qalaxaye Aỹem nache 'ena'am huo'o da sa saỹamaxaren da qoneta, cha'aye 'auaconeguet nam quetague' da qauem lataxac so Balaam. Cha'aye somaye ỹapaxaguenec co'ollaxa so Balac dam 'eetec naqa'en na Israel le'ecpi da yaqto' somayepi nache queto'ot da ỹo'ottac na qauem, qataq ỹayen da yaqto' somayepi chec nam mashe qoỹanot na ne'enaqtac nqui'ipi maye qanatameetacotpi qataq saq 'en, qataq da yaqto' sa ỹalaxaguet Ñim Lo'onatac 'Enauacna.

2 Pedro 2:18

Cha'aye namayepi naua la'aqtaqa ỹataqta 'onaxaiqa naqa'e'n, nache ỹo'ot da la'aalaxa na shiỹaxauapi, qalaxaye naua la'aqtaqa qaica ca naiguilo. Ỹayen na laỹepi da yaqto' ỹalegueua'a na lamanaxanaqtaiguesat qataq nam qauem lqopitaxanaqtaicpi; nataqa'en ỹatenachet nam ỹataqta lta'araic da na'añaxataxac da yaqto' ishet da cara'acolec da ca'ai da ỹo'otta'ape naua lasouaxashe'ete.

2 Corintios 11:3

Cha'aye de'era 'eetec so na'araxanaq maye sa nqalaataxaic co'ollaq ỹatenachet aso Eva, nachera da ỹo'ot da icolanaxa da saiuena'a da nataqa'en ishet da qami' ỹatenache't. Nache da qarhuennataxaqui ishet da dasheueeguesop dam huesochiguiñi qara'amqaanataxanaxaqui So Cristo.

Éxodo 32:35

Nache Ñim Nataxala' namaxa da nhuaxanaguec se'eso nhuo' le'ecpi, souaxat da natamnot so ne'enaqtac huaca llalec maye lo'onatac co'ollaxa so Aarón.

Éxodo 32:21

Ime, nache 'enapega so Aarón, 'eeta': «¿Negue't ca 'am ỹo'otec ne'ena shiỹaxauapi ye 'auauega da ỹo'ot da lta'araic lasouaxashet?»

Génesis 26:10

Qalaxaye so Abimelec, 'enapeco': «¿Ta'ainco' ye qomi' 'auo'oteque de'era? Cha'aye da shenaqta saxanaqca qapio'olec, qaq huo'o ca lauañi' aram 'arhua, qaq 'am choche 'auauota'a ctaxa ca qarasouaxashet.»

Génesis 3:13

Nache Ñim Lo'onatac 'Enauacna maye Nataxala', inat aso 'alo, 'eeta': «¿Ta'ainco' da 'auo'ot de'era?» Nache asomaye ỹasat, 'eeta': «So na'araxanaq aỹem ỹatenachet, ỹoqo'oye sachec aso ala ara'ara qo'oipaq.»

Números 25:15

Qaq asa'aso 'alo Madián lashe maye cañe' se'eso Israel le'ec, asomaye le'enaxat Cozbi, llale so Sur, maye lataxala' so maiche nalamaxat nhuo' le'ecpi ye Madián.

Números 25:17

Qauloquiaxañi ye Madián le'ecpi qataq qaualauache qome,

Números 26:1

Qaq co'ollaq ime, so nleuaxa maye qaiuaxanec somayepi, nache Ñim Nataxala' 'enapega so Moisés, qataq so ntaxaỹaxanaxanec Eleazar som llalec so Aarón, 'eeta':

1 Reyes 11:18

Qaq somayepi chegoqchiguiña ye Madián, nache ivira'a ye Parán, yem huaña co'ollaxa da huo'oi soua ỹaconeua'alo ỹale't da yaqto' huaxaigueta. Qaq co'ollaq ivita ye Egipto, nache taua'a so faraón maye nta'a ye Egipto, nache se'eso nta'a ỹauo'o so lma', qataq ỹanem so aloq, qataq ỹauo'o so na'alhua.