Números 25:14 - La'aqtaqa Ñim Lo'onatac 'Enauacna 2013

¹⁴ Qaq so Israel le'ec maye ỹapacaviigui qanqa'en aso taquiaxai som cañe' qanqa'en aso Madián lashe, le'enaxat Zimri, llalec so Salu, maye lataxala' so maiche nalamaxat nhuo' le'ecpi maye chegoxoguet so Simeón.

Números 25:14 Referans Kwoze

2 Crónicas 19:7

Qaq ỹoqo'oye huo'o naq 'enec qanqa'eñi Ñim Nataxala', qataq qauloitelec da lataxac cam qauo'oche, cha'aye Ñim Nataxala' maye Qanatamnaxala', sa ishetaxateguet da qaỹo'ot ca sanalogoñi lataxac, qataq da qalca'atagui na shiỹaxauapi, qataq sa ishetaxateguet ca qoỹoxottañi nsheetenaxanaxac.»

Números 26:14

Nache ye lcata se'eso nereguishecpi maye chegoxoguet so Simeón, ivi' ye veintidós mil doscientos ỹalleppi.

Números 1:23

Nache se'eso maiche nalamaxat nhuo' le'ecpi maye chegoxoguetpi so Simeón, ivi' cincuenta y nueve mil trescientos.

Génesis 37:28

Qaq so Madián le'ecpi maye nmenaxaicpi, co'ollaq nateugueye, nache soua lqaỹa't so José nqatyesheguem somaye. Ime, nache imenot so ismaeliitapi, qaq veinte monedas na plata aso lasheue. Qaq 'era da 'eetec so José co'ollaq qaỹauega ye Egipto.

Números 25:13

qaq ỹoqo'oye nagui damaye qataq ca chegoxoguetpi qome, ñaỹamaxate' da sanem da chochaq tatec da lo'onataxanaxac da ntaxaỹaxanaxanecpi, cha'aye Aỹem deca'alaxaalec, qataq ỹo'ot da qaỹapalaxat na lasouaxashetpi na Israel le'ecpi.»

Números 25:15

Qaq asa'aso 'alo Madián lashe maye cañe' se'eso Israel le'ec, asomaye le'enaxat Cozbi, llale so Sur, maye lataxala' so maiche nalamaxat nhuo' le'ecpi ye Madián.

1 Crónicas 27:16

Qaq 'eso so lataxala'pi so nhuo' Israel le'ecpi, nache so lauo' le'ecpi so Rubén, lataxala' so Eliezer, som llalec so Zicri, qaq so lauo' le'ecpi so Simeón, nache lataxala' so Sefatías, som llalec so Macá.

1 Reyes 11:18

Qaq somayepi chegoqchiguiña ye Madián, nache ivira'a ye Parán, yem huaña co'ollaxa da huo'oi soua ỹaconeua'alo ỹale't da yaqto' huaxaigueta. Qaq co'ollaq ivita ye Egipto, nache taua'a so faraón maye nta'a ye Egipto, nache se'eso nta'a ỹauo'o so lma', qataq ỹanem so aloq, qataq ỹauo'o so na'alhua.