Números 25:13 - La'aqtaqa Ñim Lo'onatac 'Enauacna 2013

¹³ qaq ỹoqo'oye nagui damaye qataq ca chegoxoguetpi qome, ñaỹamaxate' da sanem da chochaq tatec da lo'onataxanaxac da ntaxaỹaxanaxanecpi, cha'aye Aỹem deca'alaxaalec, qataq ỹo'ot da qaỹapalaxat na lasouaxashetpi na Israel le'ecpi.»

Números 25:13 Referans Kwoze

Hebreos 2:17

Qaq da yaqto' ishet da itauan, nache Somaye, iuen da ỹataqta 'eeta'am naqa'en da lataxac namayepi. Qaq ỹoqo'oye souaxat da chegoqchigui da 'eeta'am naqa'en da shenaqta, nache ivira'a da lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq ishet da qaipi'iỹa'a. Qaq Somaye ỹataqta nlaqchigui da lsoxoyec da do'onataxanot Ñim Lo'onatac 'Enauacna. Qaq 'era da 'eetec Somaye da ỹan da nachaalataxac da 'eeta'am aca nachetaqtaxanaqte yaqto' Ñim Lo'onatac 'Enauacna ỹapalaxat na qarasouaxashetpi.

Jeremías 33:22

Qaq nam chegoxoguetpi som ỹamaxashec David, qataq nam ỹamaxashecpi maye chegoxoguet so Leví, so'ot da ỹataqta qalota qome namayepi, 'eeta'am ana huaqaañi maye hueto'ot na piguem, qataq 'eeta'am na delec maye hueto'ot na loigue aso auaxai, da qaica ca ishet da naloqten.»

Jeremías 33:18

qataq nam ntaxaỹaxanaxanecpi maye chegoxoguetpi so Leví, qaica qome ca saq aỹem ỹaatacot 'enauaque naua na'axa'te ana nachetaqtaxanaqtepi maye qaỹavigaxatta, qataq da ỹavigaxat ana nachetaqtaxanaqte nañiguishe ala, qataq da aỹem ỹanot ana laỹepi nachetaqtaxanaqtepi da Aỹem ỹo'oxoren.»

Salmos 106:31

Qaq ỹoqo'oye Ñim Lo'onatac 'Enauacna ỹalecneua'a dam nalochiguiñi lataxac de'era ỹo'ot somaye, da yaqto' sa icoua'ai na nta'alpi qataq cam chegoxoguetpi namayepi.

Éxodo 40:15

Nache 'aucoreleguete nataqa'en ca ncoraxanaxat, nache qoneteguema 'anqa'en ñi Aarón, da yaqto' itaxaỹaxanaxanqa. Qaq de'era 'eetec da qaicoreleguete ñiimaye, nachera da chochaq tatec llecỹaxac qome cam chegoxoguetpi.»

Apocalipsis 1:6

Nataqa'en So Cristo qomi' ỹanema da qaro'onataxanaxac da 'eeta'am da lo'onataxanaxac na nta'alpi maye ilotague' na 'alhuapi qataq qomi' ỹanaguilo da qomi' ltaxaỹaxanaxanaqa naqa'en na shiỹaxauapi da so'onataxanaqot Ñim Lo'onatac 'Enauacna maye Lta'a. Qaq ỹoqo'oye ¡'Enauac da qoñiita qavio'oxoyiñi So Jesucristo, cha'aye 'oonolec Somaye da hueto'ot 'enauac da na'añaxac ana 'alhua! Aja', nache 'eetec.

1 Juan 2:2

Ñim Lo'onatac 'Enauacna ỹapalaxat na qarasouaxashetpi qataq 'enauac na lasouaxashetpi na shiỹaxauapi maye huetalec ana 'alhua, cha'aye So Cristo maiche chegoqtot da nañan da yaqto' qomi' ileualeguete.

1 Pedro 2:9

Qalaxaye qami' qaualliquiitaigui na llalaqpi Ñim Lo'onatac 'Enauacna; qami' ltaxaỹaxanaxanaqa na shiỹaxauapi da qauo'onataxañiitacot Ñim Nta'a; qataq qami' lalamaqa'ate. Qaq de'era chegoqchigui Ñim Lo'onatac 'Enauacna co'ollaq qami' nqateeguesopa na napalaxa maye nachera da ñe'etaxaloxo, nache qami' inoxonaqcheteua'alo da yo'oqchiguiñi maye qaica ca 'ena'am da lyac. Qaq ỹoqo'oye qaua'axache da llo'oxoyec Ñim Lo'onatac 'Enauacna maye qami' ỹo'oteque.

Hebreos 7:11

Ñim Lo'onatac 'Enauacna ỹami' na namaxasoxonaxacpi so Israel le'ecpi. Qaq ne'ena namaxasoxonaxacpi qaỹo'ot, cha'aye qaiuennatega da na ntaxaỹaxanaxanecpi maye chegoxoguet na llalaqpi so Leví itauan 'enauac na lauo' le'ecpi da yaqto' nalochiguiñi da lataxac. Qalaxaye ne'ena ntaxaỹaxanaxanecpi sa ỹañoxot da ỹo'ot damaye, ỹoqo'oye iuen da huo'o ca lỹa ntaxaỹaxanaxanec da qaitaxaỹapegue' Ñim Lo'onatac 'Enauacna da huaỹoqtec da lataxac qataq saishet da chegoxoguet so ntaxaỹaxanaxanec Aarón. Nachaqrata da 'eeta'am so Melquisedec.

Juan 2:17

Nache soua lapaxaguenataqa iuennate naua nanettraleguete ana nere maye huetalec na la'aqtacpi Ñim Lo'onatac 'Enauacna, maye 'eeta': «Da ỹauoche ñi 'arma', ỹataqta 'eco' 'eroigui naqa'en da sheeta.»

Isaías 61:6

Huaña nache qami' qaỹamata'aque qome da qami' ltaxaỹaxanaxanecpi Ñim Nataxala', qataq qami' lamaxa'she Ñim Qanatamnaxala'. Qataq qolliquiitac qome nam ỹataqta no'on nallec maye chegoqo'ot na ỹotta'a't shiỹaxauapi qataq qami' iyaquen dam lyac namayepi.

Salmos 69:9

Da ỹauoche ñi 'arma' ỹataqta aỹem ỹalauat, souaxat da aỹem talec 'enauac da lsheunaxanaxac na 'am isheueetac.

1 Reyes 19:14

Nache somaye 'enapeco': «Qomye ỹataqta lta'araic da ica'alaxanaxac souaxat da qoneta, 'Am Nataxala' maye Qaica ca 'Auqalanapec, souaxat na Israel le'ecpi da ca'ai da 'anaỹamaxataxac, qataq nlaxaañi aso nca'atoxonaxalatepi maye 'aralamaqte, qataq ỹalauat so 'ara'aqtaxanaxanecpi, ỹauota'a so ỹeelonec. Qaq nachaỹemta da ño'onañi, qalaq aỹem qanmittaique da huotaique aỹem qaỹalauat nataqa'en.»

1 Reyes 19:10

Nache somaye 'enapeco': «Qomye ỹataqta lta'araic da ica'alaxanaxac souaxat da qoneta, 'Am Nataxala' maye Qaica ca 'Auqalanapec, souaxat na Israel le'ecpi da ca'ai da 'anaỹamaxataxac, qataq nlaxaañi aso nca'atoxonaxalatepi maye 'aralamaqte, qataq ỹalauat so 'ara'aqtaxanaxanecpi ỹauota'a so ỹeelonec. Qaq nachaỹemta ño'onañi da ñeca'altauec, qalaq aỹem qanmittaique da huotaique da aỹem qaỹalauat nataqa'en.»

2 Samuel 21:3

Nache so David, inat co'ollaxa somayepi, 'eeta': Qaq ¿negue'to' taxa ca qami' so'oteque, da yaqto' 'onaxaic qanqa'eñi ca talec ne'ena nhuo' le'ecpi maye lalamaxat Ñim Nataxala'?

1 Samuel 2:30

Qaq souaxat de'era, nache Ñim Nataxala' maye Natamnaxala' na Israel le'ecpi, 'am 'enapega 'eeta': Aỹem san co'ollaxa so ỹa'aqtac da 'am qataq na 'aỹa'alaqpi, qataq nam chegoxoguetpi so 'arta'a da nache 'eetai' da Aỹem do'onataxaatacot, qalaxaye nagui 'am shenapega da nache tachiguiña de'era, cha'aye Aỹem sho'oxoren ca Aỹem ỹo'oxoreetac, qataq qaica ca la'amaqchec ñaqa'en cam Aỹem ỹo'otan.

Josué 7:12

Ỹoqo'oye na Israel le'ecpi saishet qome da dataỹa'aguet na mpa'aguenaxauapi, nda'a't da dataueeguesop qome namayepi, cha'aye namayepi nachena na pa'aiguet da ỹataqta 'enauac qailaxachigui. Qaq ỹoqo'oye da sa qaulaxachiigui na nhuotaxanaxat maye qami' huetanguilo, nache Aỹem saishet da nache 'eetai' da qami' soota'agueta.

Números 16:46

Nache so Moisés 'enapega so Aarón, 'eeta': 'Auacona aca nchenaxanaxat laỹe', nache 'auachangui aca poqo maye chegaqalec añi nca'atoxonaxalate, qataq 'auachangui ca nchenaxanaxat, nache 'anqalgoqta'a qome ye hueta'a da lapoota'a't shiỹaxauapi, nache 'auo'ot ca 'archenaxanaxat da yaqto' qaỹapalaxat na lasouaxashet, ten mashe ỹapacauec da layeloxo Ñim Nataxala', nache talec naqa'en da nhuaxanaguec damayepi.

Éxodo 32:30

Qaq so lỹa na'a'q, nache so Moisés 'enapega na shiỹaxauapi, 'eeta': «Qami' ỹataqta lta'araic da qarasouaxashichi. Qalaxaye nagui aỹem sasheguema ye hueta'a Ñim Nataxala', shapegueto' da sañoxot da choche qami' ichoxore'n da ỹapalaxat da qarasouaxashichi.»

Salmos 119:139

Da ica'alaxanaxac ỹataqta aỹem nlaxaañi, cha'aye na ñepa'aguenaxauapi icoua'aisalo naua 'ara'aqtaqa.

1 Reyes 2:27

Qaq 'era da 'eetec so Salomón da nqateeguesop da lo'onataxanaxac da ltaxaỹaxanaxanec Ñim Nataxala' so Abiatar, huaña nache ipacchigui da la'aqtac Ñim Nataxala' co'ollaq huaña ye Silo, da saishet da queto'ot da ntaxaỹaxanaxanecpi na llalaqpi so Elí.

Éxodo 29:9

Ime, nache nsaachiguilo 'anqa'en caua lasot alaxa, ñi Aarón qataq ñeua llalqa, nataqa'en 'anaxanaxanguilo caua lqaic alaxa. Qaq 'era da qonetec da yaqto' huo'o da 'eneque da 'aỹa'anaguilo da lo'onataxanaxa'c, qaq damaye nache 'eetai' qome da llecỹaxac ca ntaxaỹaxanaxanecpi.

Números 16:47

Nache so Aarón ỹacona aso nchenaxanaxat laỹe', ỹalaxaguet da la'aqtac so Moisés, nache nqalgoqta'a so netaña se'eso shiỹaxauapi. Qaq mashe nvi' co'ollaxa da nhuaxanaguec so nhuo' le'ecpi, nache so Aarón ỹo'ot co'ollaxa so lchenaxanaxat da yaqto' qaỹapalaxat na lasouaxashet se'eso nhuo' le'ecpi.

Números 25:14

Qaq so Israel le'ec maye ỹapacaviigui qanqa'en aso taquiaxai som cañe' qanqa'en aso Madián lashe, le'enaxat Zimri, llalec so Salu, maye lataxala' so maiche nalamaxat nhuo' le'ecpi maye chegoxoguet so Simeón.

Nehemías 13:29

Nache ñatamen, sheeta': 'Am Ñatamnaxala', saishet qome da 'acoua'ai de'era ỹo'ot so ntaxaỹaxanaxanecpi qataq so leviitapi, souaxat da qaica ca naigui naqa'en de'era lo'onataxanaxac so ntaxaỹaxanaxanec, qataq da 'eetec da 'am naỹamaxate' co'ollaxa.

Malaquías 2:8

Qalaxaye qami', ntaxaỹaxanaxanecpi, qoquiỹa'ai co'ollaxa so no'on nqa'aic; nache dam qarapaxaguenataxanaxaqui qalota so huañi naqa'en. Qaq 'era da 'eetec da qami', qaulaxachiigui da ñaỹamaxataxac maye sami' co'ollaxa so Leví.

Levítico 15:15

Nache camaye ỹaneuo ca 'oonolec da yaqto' nachetaqtaxanaxat maye sa imauaq da qaỹavigaxat, qaq ca lỹa nache nachetaqtaxanaxat qaỹavigaxatta, qataq ỹauaachigui naqa'en Ñim Nataxala' da ỹo'ot da qui'itta naqa'en que'eca ỹale.

Números 17:12

Nache so Israel le'ecpi 'enapega so Moisés, 'eeta': ¡Qomi' mashe seqataq, ỹataqta seqataq! Qataq seleuaq qome!