Números 25:12 - La'aqtaqa Ñim Lo'onatac 'Enauacna 2013

¹² Qaq 'aua'aqtaxanem qome da Finés da ỹataqta ñaỹamaxate' qome damaye, da yaqto' huo'o da nlagaxayec,

Números 25:12 Referans Kwoze

Malaquías 3:1

Ñim Nataxala' maye Qaica ca Ỹaqalanapec 'enapec: «Mashe huotaique da ñamaq ñim ỹa'aqtaxanaxanec, da yaqto' iqataxanai' cam ñaqa'aic. Ñim Nataxala' maye qanmicheetaique, mashe saqaỹaloq da naỹa añim atamnaxaqui maye lalamaqte. ¡Mashe anacta nam na'aqtaxanaxanec maye ndoi' na aỹamaxataxac maye qanqopicheetaique!»

Ezequiel 34:25

Qaq sauo'o qome ca ñaỹamaxataxac da ñaỹamaxate' anamayepi, yaqto' ỹe'emaqtac anamayepi. Qataq imeuo ñaqa'en na huauec shiguiỹacpi ne'ena 'alhua, yaqto' ana ilopi qaguetapi ỹe'emaqtac da coleeteguelec na no'onaxa, qataq da huetaigui na aviaq da do'ocheta.

Isaías 54:10

Qaq na'aictaxa da ca'aisalo naua hueta'alo ana qasoxonaxapi, qataq da cholaxan ana lcomaraxalatepi, qalaxaye da ỹauotaxanaqtaic da qoneta saishet da nquic, qataq da ñaỹamaxataxac maye ỹo'ot da nlagaxayec, saishet qome da nlaguiñi.» Qaq 'era da la'aqtac Ñim Nataxala' maye 'am ichoxoren.

Números 13:29

Qataq ye 'alhua Néguev netaña ye amaleciitapi, qaq aye qasoxonaxapi nache netalec ye hitiitapi, jebuseopi qataq ye amorreopi, qaq da pa'aỹa'ague aso auaxai qataq na loigue so tala Jordán, nache netaña ye cananeopi.

Salmos 106:30

Qalaxaye so Finés nachaañi co'ollaxa, nache ỹalauat som dasouaqtaxan nache vi'iiguet se'eso napiina.

Salmos 106:31

Qaq ỹoqo'oye Ñim Lo'onatac 'Enauacna ỹalecneua'a dam nalochiguiñi lataxac de'era ỹo'ot somaye, da yaqto' sa icoua'ai na nta'alpi qataq cam chegoxoguetpi namayepi.

Ezequiel 37:26

Qataq so'ot qome ca ñaỹamaxataxac maye chochaq tatec da ñaỹamaxate' namayepi, cam ñaỹamaxataxac maye ỹo'ot da nlagaxayec. Qataq so'otec qome da nquictauec ye lcata namayepi, qataq nache 'eetai' qome da netangui ñaqa'en namayepi aca qui'itta ỹalamaqte atamnaxaqui.

Malaquías 2:8

Qalaxaye qami', ntaxaỹaxanaxanecpi, qoquiỹa'ai co'ollaxa so no'on nqa'aic; nache dam qarapaxaguenataxanaxaqui qalota so huañi naqa'en. Qaq 'era da 'eetec da qami', qaulaxachiigui da ñaỹamaxataxac maye sami' co'ollaxa so Leví.