Números 24:8 - La'aqtaqa Ñim Lo'onatac 'Enauacna 2013

⁸ Ñim Lo'onatac 'Enauacna maye nqateeguesop ye Egipto namayepi, Ñimaye 'eeta'am ca huaca no'onaxa le'ec da la'añaxac. Na Israel ỹataqta nmatchiguiñi qome na ỹotta'a't shiỹaxauapi maye depa'aguenataxaatacpi, qataq ỹataqta inoxo'n naua lpi'ineqa, ỹapacaviiguilo naqa'en naamaye ana lchecnapi.

Números 24:8 Referans Kwoze

Salmos 45:5

Qaq ana ỹaxarai 'archecnapi 'am nta'a, ñaq ỹapacaviiguilo qome ana lquiyaqtepi na 'ampa'aguenaxauapi. Qataq huañi qome nache huetañoto naua 'archel na ỹotta'a't shiỹaxauapi.

Jeremías 50:17

Na Israel le'ecpi, 'eeta'am aca qagueta da isomtac souaxat da icaatac na llonpi. Qaq hua'auñi co'ollaxa da chec namayepi ñi nta'a ye Asiria, ime qaltaq nabucodonosor maye nta'a ye Babilonia nache ilaxachigui na lpi'inecpi.

Salmos 2:9

Nache 'aurolec qome aca 'arashelte lcat, da 'anlaxaañi na nta'alpi nache ỹataqta 'aulaxachigui, 'eeta'am 'anqa'en aca naco'oña 'alhua.»

Números 23:24

Qaq da nachaañi ne'ena nhuo' le'ecpi, qalaq 'eeta'am ca llon da saishet da nasamñi, ivitta'a da ỹachiguiñi ca ltoc, qataq da nỹomgui na ltago'q ca loxonec.»

Números 23:22

Qaq Ñim Lo'onatac 'Enauacna maye nqateeguesop co'ollaxa ye Egipto, Ñimaye 'eeta'am da la'añaxac ca huaca no'onaxa le'ec.

Números 14:9

Qaq ỹoqo'oye saishet qome da qauataiỹa'aguet Ñim Nataxala', qataq saishet da qayi'iitega yi'iye nhuo' le'ecpi maye lma' yemaye, cha'aye yemayepi sa qalaq da qoroxonec. Cha'aye yemayepi qaica ca npaxattalec, qomi' qalaxaye qomi' npaxattaleguete Ñim Nataxala'. ¡Ỹoqo'oye saishet da qayi'iitac!»

Jeremías 50:9

Cha'aye so'ot qome da huo'o ca anac shiỹaxauapi cam 'añaxaicpi nhuo' le'ecpi maye chegaqa'ague da sheu' da iloquiaxan ye Babilonia. Camayepi naloguiñi qome nache loxonec yemaye. Cha'aye que'eca alleppi ỹataqta ỹaỹaten da nalaataxac, da ỹaỹenec ana lchecnapi qalaq saishet da depe'enaxan.

Isaías 38:13

Qataq imauec ye pe da sa'alaqtac souaxat da ñequi'ic, 'eeta'am da llon ca inoxootapiguilo naua ipi'ineqa. Ye na'a'q qataq ye pe qalaq 'auauo'o da ñeque'eenaxac.

Daniel 6:24

Qaq huaña, nache so nta'a damaxasoxoneuga da qanauegueuo so shiỹaxauapi maye ỹauo'o so lasouaxashet so Daniel, nache somayepi l-llañe' qanqa'en aso lhuapi, qataq so llalaqpi da qaỹasaxangui aso laỹe' so llonpi, qaq somayepi naxa da saxanaxa da iviyiña na pa'aguiñi aso nshere, nache so llonpi parenaxaneguet nache icolaxattac.

Salmos 21:12

cha'aye 'auo'otec qome da datauec 'anqa'en, qom 'auauota'a ca 'archecnec da 'auareetagui namayepi.

Deuteronómio 32:42

Aca ichecnapi qalaq huagui qome ñaqa'en na ltago'q ca que'emaxaicpi qataq ca noxonecpi, qataq ca ỹainec nmichiguiñi naqa'en namayepi, ¡qataq ca lataxala'pi na qampa'aguenaxauapi!»

Deuteronómio 32:23

Qataq talec qome ñaqa'en 'enauac na qauempi, qataq talec qome ñaqa'en ana ichecnapi,

Deuteronómio 7:1

Qaq Ñim Nataxala' maye Qanatamnaxala'ai, qom qami' inoxonaqcheteua'alo ye 'alhua maye qami' ỹanema da qaralamaxache, nache qauauañiichigui qome da ỹo'orauec ye ỹotta'a't shiỹaxauapi maye ỹataqta 'amaqtaqaicpi, qataq 'añaxaicpi maye netañalo yeua siete 'aleu', qaq yemayepi nacheye ye: hitiitapi, gergeseopi, amorreopi, cananeopi, ferezeopi, heveopi qataq ye jebuseopi.

Números 21:5

nache ỹoltaq quetot da quetapeguelec Ñim Atamnaxala' qataq so Moisés, nache 'eeta': ¿Ta'ainco' ye qomi' qanqacheueguesopa co'ollaxa ye Egipto da yaqto' seleuaqaña qanqa'eñi ne'ena toolec 'alhua? Teno' nagui, mashe qaica ca qonoq qataq ca qaraquip. ¡Qataq mashe saỹemaxac ne'ena nallec maye qaica ca lyac!

Mateo 2:15

nache huetra'a yemaye, choche ivitta'a co'ollaq ileu so Herodes. Qaq 'eetec de'era, yaqto' ỹataqta ipacchigui da la'aqtac Ñim Lo'onatac 'Enauacna maye ỹa'axat co'ollaxa so la'aqtaxanaxanec, 'eeta': «Seỹaxana so Ỹalec, maye hueta'a ye Egipto.»

Josué 2:10

Qataq sa'axasoqtapeguelec da 'eetec co'ollaq qoquiỹa'ai ye Egipto, nache Ñim Nataxala' 'imñi naqa'en so 'etaxat so lche aso Auaxai Togaxarai da yaqto' ishet da qaua'axasoxoñiilec. Nataqa'en sa'axasoqtega da ỹataqta qanmachiichiyiñi soua Sijón qataq Og, soua dos lta'al ye amorreopi maye neta'atrague da le'ego ye tala Jordán.

Éxodo 23:22

Qaq qom ỹataqta qaualaqaiguet, qataq qauo'oche 'enauac nam qami' samaxaleguete, nache aỹem ỹataqta ñepa'aguene' qome cam qami' ipa'agueeta'ape, qataq ñeqanaxat cam qami' nqanaxatta'ape.

Salmos 45:6

Da 'aro'onataxanaxac 'am maye 'Aro'onatac 'Enauacna damaye chochaq tatec, qaq de'era 'aro'onataxanaxac damaye ỹataqta nalochiguiñi.