Números 24:17 - La'aqtaqa Ñim Lo'onatac 'Enauacna 2013

¹⁷ Aỹem huo'o da selota'a qalaxaye ñaq natauo, selota'a qalaxaye ñaq qaỹoqtaique, anamaye, huaqaañi maye chegoxoguet so Jacob, nta'a maye nachaañi qome chegoqtoigui na Israel. Nache ilaxachigui qome ye Moab qataq nlaxaañi na llalaqpi so Set.

Números 24:17 Referans Kwoze

Apocalipsis 22:16

«Aỹem samaq so ỹamaxashec piguem le'ec, da yaqto' da'aqtaxanem 'enauac de'era nam Aỹem ỹa'amaqteetac. Qaq Nachaỹem maye sachegoxoguet so nta'a David. Qataq nache Aỹem huaqaañi yo'oxoñi lashe maye ỹataqta 'eroigui da yo'oxoñitai'.»

Génesis 49:10

Qaica qome ca ishet da deuotaxanec da lamaxasoxonaxac da Judá qataq da lamaxasoxonaxat npon maye nasoqta'a, choche ivitta'a da nvi' cam lalamaxat de'era pon, cam ỹataqta ỹalaxaguet qome na nhuo' le'ecpi.

Apocalipsis 11:15

Nache so pa'atec soua siete namaxa'she piguem lashe', ỹashiiyigui aso lasheere, nache na piguem chemqot so ỹataqta lamaxaraic nvilỹaxac, 'eeta': «Ñim Qarta'a maye Lo'onatac 'Enauacna qataq Ñi Lca'aguishec, mashe ilo'ogue 'enauac ana 'alhua. Qaq da lo'onataxanaxac, damaye chochaq tatec.»

Apocalipsis 1:7

¡Ñaq qauloỹa! ¡Na Cristo mashe anacta, netalec na lo'oc na piguem! 'Enauac da qailota'aguet da anacta, ivira'a nam ỹalauat co'ollaxa; qataq nataqa'en 'enauac na huetalec ana 'alhua, nỹen souaxat namaye. 'Era dam 'eetec qome, ¡aja', nache 'eetec!

2 Pedro 1:19

Qaq aỹem ỹataqta 'eesa ñaqa'en de'era la'aqtaxanaxac Ñim Lo'onatac 'Enauacna maye ỹa'axattac co'ollaxa so la'aqtaxanaxanecpi Ñimaye. Qaq ỹoqo'oye qami' ñachoxoreetoiguilo da ỹataqta qana'axaỹaxañiỹa de'era na'aqtaxanaxac, cha'aye damaye nachera da qami' da'aqtaxanema da 'eetec da qanachaalataxaqui, choche ivitta'a que'eca na'a'q qom ñe'eguelaq So Cristo, nache naralaxat da qanachaalataxaqui.

Zacarías 10:4

Qaq namayepi nachena qome na chegaqaigui ca 'eeta'am ca coma' maye na'attalec ca nỹec, qataq ca 'eeta'am ana lashe ca npe'l, qataq ca 'eeta'am ca checnec maye alaataxaqui. Qataq nache chegaqaigui qome 'enauac cam nataxala'pi.

Salmos 45:6

Da 'aro'onataxanaxac 'am maye 'Aro'onatac 'Enauacna damaye chochaq tatec, qaq de'era 'aro'onataxanaxac damaye ỹataqta nalochiguiñi.

Lucas 1:78

Ñim Lo'onatac 'Enauacna ỹataqta lta'araic da lauotaxanaqtaic da shenaqta, ỹoqo'oye chegoqtot naqa'en na piguem da qomi' namaxalo ca Qarca'alaxaqui, 'ena'am naqa'en añi nala' da nnoxoosheguem ye dalaxaic na'a'q.

Hebreos 1:8

Qalaxaye da detaxaỹa So Llalec, qalaq 'eeta': «Da 'aro'onataxanaxac chochaq tatec, qaica ca loga't, qataq 'auo'onataxana da 'ara'añaxac da 'aupagaqchiichigui da 'eesa lataxac.

Judas 1:11

Qaq ỹataqta ¡choxoraxaso' namayepi! Cha'aye da lataxac 'eeta'am so Caín, qataq souaxat da lyaxa da nauec aca anom, nache 'eeta'am da lataxac so Balaam. Ỹataqta ỹaguec da qauemaicpi, ỹoqo'oye da l-leuaxa 'eeta'am da l-leuaxa so Coré souaxat da npa'aguenaxac.

1 Crónicas 18:2

So David, nataqa'en loxonec co'ollaxa so moabiitapi, nache choche ilattac, qataq desheetenaxaatac naqa'en somayepi.

2 Samuel 8:2

Nataqa'en loxonec co'ollaxa so moabiitapi, nache nqapaxaata'aguet naqa'en na 'alhua somayepi, da yaqto' ỹauo'o so laloqnaxanaxat, nache nam nalochiguilo soua dos se'eso naloqnaxanaxat nache qaỹalaua't. Qaq nam naloteguet so 'oonolec somaye nache nca'altauec qanqa'en. Huaña nache so David, ỹauo'o l-latacpi co'ollaxa se'eso moabiitapi, qataq desheetenaxaatac naqa'en somayepi.

Zacarías 12:10

Qalaxaye nam chegoxoguetpi so David, qataq nam hueta'a na Jerusalén secorelec qome dam saqcha'a 'achecỹaxac qataq da atamnaxac. Huaña nache Aỹem ỹamato'ot, Aỹem maye aỹem ỹalauat, nache nỹen 'eeta'am da nỹeetapeguelec ca 'oonolec llalec, huo'otaq ca llalec ỹe.

Jeremías 48:45

«Qaq huo'o qome na datauec qalaq qaica ca la'añaxac, nache jec da ỹe'eguena da deuaxaỹot ye Hesbón, qalaxaye ye Hesbón yem lalamaxat so nta'a Sijón yemaye ỹavictac qaq na norec nache nquictauec nache ivira'a da ỹavigaxat añi qasoxonaxa ye Moab, yem nhuo' le'ecpi maye 'oopaicpi.

Isaías 9:7

Camaye nso'ongui qome añi nso'onaxaqui so David, huaña nache nquictauec da la'añaxac ivitta'a da ilo'ogue 'enauac ana 'alhua, nache saishet qome da imeuo da nlagaxayec, qataq da lo'onataxanaxac ỹataqta na'atchiguiñi qome, cha'aye na'attalec da no'on qataq nalochiguiñi lataxac, qaq nache chegoqchiguiña nagui nache chochaq tatec qome. Qaq 'era da ỹo'ot qome Ñim Nataxala' maye Qaica ca Ỹaqalanapec souaxat da lta'araic lauotaxanaqtaic.

Isaías 15:1

Qaỹa'axata'a dam talec qome ye Moab. Qaq so pe maye huetoigui da qailaxachigui ye Ar, nache huetoigui nataqa'en da dolagui ye Moab, qataq so pe maye huetoigui da qailaxachigui ye Quir, nache huetoigui nataqa'en da dolagui ye Moab.

Salmos 110:2

Qaq Ñim Nataxala' ỹachegoxotchiguiña qome ye Sión, da 'am namaxa aca 'arashelte maye la'anaqte da 'ara'añaxac, nache qonetangui qome na laiñi na 'ampa'aguenaxauapi da 'auamaxasoxootac.

2 Reyes 3:5

Qalaxaye co'ollaq ileu so Ajab, nache se'eso lta'a so Moab le'ecpi, dataỹa'aguet co'ollaxa so lta'a so Israel le'ecpi.

1 Samuel 14:38

Huaña nache so Saúl, iỹaxaneuga 'enauac so lataxala'pi se'eso nhuo' le'ecpi nache inat, 'eeta': Ñaq aỹem qaua'aqtaxañim, chaq negue't ca lasouaxashet nagui de'era.

Números 21:29

¡Choxoraicolec 'am, Moab! ¡'Am, maye 'am lalamaxat so atamnaxala' Quemós, ỹataqta 'am dolachigui! So 'anatamnaxala' ỹo'ot da 'eettac naqa'en na 'aỹa'alaqpi, qataq loxona naqa'en ana 'aỹa'alepi so Sijón, maye lta'a na amorreopi.

Números 24:16

da la'aqtaxanaxac nam hua'axaỹalo naua la'aqtaqa Ñim Lo'onatac 'Enauacna, qataq ỹaỹate'n naua lhuennataxaco Ñim Nataỹaña 'enauacna, nam ỹauan na nauanaqchecpi maye chegoqo'ot Ñim Qaica ca Ỹaqalanapec, nam huo'oi naua lauanaqcheco maye ỹataqta yo'oqteguelo.

2 Samuel 8:14

Ime, nache ỹanaña co'ollaxa so nalleppi ye Edom, qaq so edomiitapi qalaq datalec co'ollaxa so David. Nache Ñim Nataxala' ỹanem co'ollaxa da qalota so loxonecpi somaye da huo'o na taỹa 'alhua.

Jeremías 48:1

Da la'aqtac Ñim Nataxala' maye Qaica ca Ỹaqalanapec, Ñim Natamnaxala' na Israel le'ecpi da ỹa'axata'a da 'eetec qome ye Moab, 'eeta': «¡Qaq choxoraxaso' yem huaqta'a't nỹecpi ye Nebo, ỹataqta nlachiguiñi qome! ¡Qaq ye Quiriatayin qalaq qanhuo' qome nache qaica ca la'amaqchec qanqa'en Qataq nam lpaqtaxatpi qalaq qailaxachigui qome!