Números 24:1 - La'aqtaqa Ñim Lo'onatac 'Enauacna 2013

¹ Qalaxaye so Balaam co'ollaq ila'a da Ñim Nataxala' ỹaỹamaxareeta da somaye ỹasaxalec da no'on la'aqtac so Israel le'ecpi, nache somaye saishet da 'ena'am so hua'auñi ỹo'ot da ichemaxata ca la'aqtac Ñimaye, nacherata da ỹamatalec da pa'aigue ye toolec 'alhua.

Números 24:1 Referans Kwoze

Números 23:23

Nache qaica ca ishet da ỹo'otec ca qauem so Jacob, huo'otaq camachaqca ne'enaxanaxac na Israel le'ecpi. Qaq da qaitaxaỹa so Jacob qataq na Israel le'ecpi nache qoỹeeta': Ña qauloỹa da ỹo'otec Ñim Nataxala' namayepi.

Números 23:3

Huaña nache so Balaam 'enapega so Balac, 'eeta': Nache qoueta'a qome ne'ena sa qaỹapeque na 'arachetaqtaxanaxat, qaq aỹem qalaq saicra'atai' shapegueto' da ishet da ñauane' Ñim Nataxala'. Qaq ca la'aqtac Ñimaye, nache 'am sa'axatem qome. Nache so Balaam jec, tasheguema aso no'oitelec lcomaraxalate.

Apocalipsis 2:14

Qalaxaye Aỹem nache 'ena'am huo'o da sa saỹamaxaren da qoneta, cha'aye 'auaconeguet nam quetague' da qauem lataxac so Balaam. Cha'aye somaye ỹapaxaguenec co'ollaxa so Balac dam 'eetec naqa'en na Israel le'ecpi da yaqto' somayepi nache queto'ot da ỹo'ottac na qauem, qataq ỹayen da yaqto' somayepi chec nam mashe qoỹanot na ne'enaqtac nqui'ipi maye qanatameetacotpi qataq saq 'en, qataq da yaqto' sa ỹalaxaguet Ñim Lo'onatac 'Enauacna.

Números 31:16

Ye nachana anamayepi ana ỹalaxaguet co'ollaxa da la'aqtac so Balaam, nache ỹo'otec na Israel le'ecpi, da dataỹa'aguet Ñim Nataxala', co'ollaq huaña ye Baal Pegor. Ỹoqo'oye Ñim Nataxala' iuaxanec co'ollaxa so nleuaxa na Israel le'ecpi.

Números 23:28

Nache so Balac ỹauec so Balaam, ỹaviguisheguema na ỹataqta pa'asheguem añi qasoxonaxa ye Peor, yem huaña da ỹoqta ỹaatec 'enauac ye toolec 'alhua.

Números 23:20

Qataq Ñimaye aỹem ỹamaxalec da san ca no'on ỹa'aqtac, qaq Ñim Lo'onatac 'Enauacna da ỹan ca no'on la'aqtac, nache aỹem saishet da sataỹa'aguet.

Números 23:15

Huaña nache so Balaam 'enapega so Balac, 'eeta': Nache qoueta'a qome ne'ena sa qaỹapeque na 'arachetaqtaxanaxat, qaq aỹem qalaq saicra'atai' da yaqto' ñauane' Ñim Nataxala'.

Números 22:13

Nache so lỹa na'a'q, so Balaam no'ottasheguem, nache 'enapega so nataxala'pi maye lamaxashecpi so Balac, 'eeta': Qami', qavi'iguelaqỹa qome ca qarmaye. Cha'aye Ñim Nataxala' aỹem sa ỹashenem da qami' seca'ateguelo.

1 Samuel 26:25

Nache so Saúl, 'enapeco': ¡'Am ỹalcolec David! ¡Ỹataqta 'auamachiguiñi qome! ¡Cha'aye ỹataqta lta'araicpi qome nam 'auacoolecpi da 'auo'ot, qataq qaica ca nqanaxattac! Qaq co'ollaq ime de'era, nache so Saúl ỹe'eguelaxa so lma', qaq so David qalaq nache queto'ot da llecỹaxac.

1 Samuel 26:2

Nache so Saúl jec, nnaicapegue' so tres mil nalleppi Israel le'ecpi maye ỹataqta ỹaỹaten da l-loquiaxac, nache nqo'ona ye toolec 'alhua ye Zif, da nmitaique so David.

1 Samuel 24:20

Qaq nagui ỹoqta 'eesa ñaqa'en da taỹa'a da 'am nta'a, qaq da 'aro'onataxanaxac da 'aulo'ogue na Israel le'ecpi ỹataqta nquictasheguem qome.

Números 22:7

Nache so nqueroxonecpi maye lma' ye Moab qataq ye Madián jec, ỹachetac aso lsheetenaxanaqte da isheeten da qaỹo'ot ca qauem, nache co'ollaq ivita so Balaam, nache ỹanem so la'aqtac so Balac.

Números 23:30

Nache so Balac ỹo'ot da la'aqtac so Balaam, nache ñi 'oonolec huaca llalec qataq 'oonolec qagueta lhuaraic, ỹachalec añi 'oonole soua nca'atoxonaxalate.