Números 23:7 - La'aqtaqa Ñim Lo'onatac 'Enauacna 2013

⁷ Qaq huaña nache so Balaam do'onaxaataueeguelo naua la'aqtaqa, 'eeta': So Balac maye lta'a na netaña na Moab. Aỹem ỹachegoqchiguiña aye qasoxonaxapi maye pa'aigue da nala' lliguisheguem ye Aram, da aỹem nauega ne'ena 'alhua. Nache aỹem 'enapega 'eeta': Ña 'auanac qome da yaqto' 'auasaxalec ca qauem 'ara'aqtac so Jacob, qataq 'auasaxalec ca nhuaxanaguec na Israel.

Números 23:7 Referans Kwoze

Deuteronómio 23:4

Cha'aye namayepi saishet co'ollaxa da ỹauo'o ca qaraquipi, qataq ca qo'oqoi co'ollaq qaua'axasoxoñiilec ye na'alhua, co'ollaq qauachegoqoita'a ye Egipto. Nacherata da isheeten so Balaam, som llalec so Beor, maye chegoqta'a ye Petor maye huagui ye 'alhua Mesopotamia, da yaqto' qami' ỹasaxaleguete ca qauem la'aqtac.

Números 24:3

Ime, nache so Balaam do'onaxaataueeguelo naua la'aqtaqa, 'eeta': «Da la'aqtaxanaxac na Balaam maye llalec so Beor, nam ỹale maye huo'o na lauanaqchec,

Números 23:18

Nache so Balaam do'onaxaatauegue da la'aqtac, 'eeta': «'Am Balac, maye 'am llalec so Sipor, ña 'ana'axaỹaachigui da ỹa'aqtaxanaxac.

Miqueas 2:4

Nache que'eca na'a'q choche qami' qaỹe'eeta'ape qome, nache qaỹo'on ca choxoraqta no'onec da qami' qaỹo'onaxaaleguete, maye 'eeta': Ỹataqta imauec da qomi' qanlaxatchiyiñi, na qarhuo' le'ecpi maye lalamaxat co'ollaxa Ñim Nataxala', qalaq dalaxaic nam lalamaxat namayepi, qaq na qana'alhuapi qalaq nalogui nam qomi' loxonecpi.

Salmos 78:2

Aỹem setaqa qalaxaye sauota'aisalo naua ỹaloqnaxanaqa'ate, ñanoldec naua na'aqtaqa maye saqcha'alo, maye huetoiguilo soua ỹoxoguelo vi'iye.

Da na'aqtaguec so Job 29:1

Qaltaq ỹe'eguelaxalec da detaqa so Job, 'eeta':

Números 24:23

Ime, nache so Balaam qaltaq do'onaxaataueegue da la'aqtac, 'eeta': «¡'Agai! ¿Che negue'tom qome ca nca'altauec, qom ỹo'ot de'era Ñim Lo'onatac 'Enauacna?

Números 24:15

Nache so Balaam do'onaxaataueeguelo naua la'aqtaqa, 'eeta': «Da la'aqtaxanaxac na Balaam maye llalec so Beor, nam ỹale maye huo'o na lauanaqchec,

Marcos 12:12

Nache som lataxala'pi so ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq som dapaxaguenataxaatapeguec na namaxasoxonaxacpi maye chegoqo'ot so Moisés qataq som lataxala'pi na judiopi, noma da So Jesús ỹo'ot se'eso daloqnaxana da 'eetega somayepi. Qaq ỹoqo'oye somayepi ỹauotaique da ỹaconeua'a. Qalaxaye saishet da ỹañoxot, cha'aye ñe'etega na shiỹaxauapi. Nache qaỹa'aqta'a So Jesús, nache qanayeca'ai.

Mateo 13:33

So Jesús nataqa'en ỹauo'o so lỹa daloqnaxana, 'eeta': «Da lo'onataxanaxac Ñim Lo'onatac 'Enauacna, damaye 'eeta'am aca saq 'amaqtaq ỹasheeraxachigui na ndaqñiguishec 'ayiiña maye ỹacona aca 'alo. Ime, nache ỹalecneguet ca lta'araic ldaqñiguishec, da yaqto' 'enauac ỹasheeraxachigui.»

Proverbios 26:2

Nache 'eeta'am ca qoỹo maye nỹec le'ec da choche taỹa'aicra' da huaỹotac, huo'otaq ca mayogotolec maye qaica ca lpata'c, qaq nache 'eetec de'era qauem da saishet da choche anac.

Da na'aqtaguec so Job 27:1

Qaltaq ỹe'eguelaxalec da detaqa so Job, 'eeta':

2 Samuel 23:9

Qaq so ca'atalec somaye, le'enaxat da Eleazar, som llalec so Dodo som ahohiita, qaq somaye ỹalectaiguilo se'esoua tres maye ỹataqta 'añaxaiqa. Qaq somaye nnaictague' co'ollaxa so David, co'ollaq dataỹa'aguet so filisteopi, maye lapoota'at huaña ye Pasdamín da yaqto' nalat, qataq huaña co'ollaxa da so Israel le'ecpi datauec.

Mateo 13:35

Qaq 'eetec de'era yaqto' ipacchigui da ỹiyiñi co'ollaxa so la'aqtaxanaxanec Ñim Lo'onatac 'Enauacna maye, 'eeta': «Sa'aqtaxanem na shiỹaxauapi, qalaxaye sauota'a na ỹaloqnaxanaxatpi, qataq sa'axat nam lataxac maye Ñim Lo'onatac 'Enauacna saishet da ỹachaxan chegoqta'a co'ollaq cheta'ague da ỹo'ot ana 'alhua.»

Habacuc 2:6

Qalaxaye 'enauac nam ỹotta'a't shiỹaxauapi maye noxonecpi co'ollaxa, namayepi choche ỹe'eetac nam doxonaxanpi co'ollaxa, nache do'onaxaatai' qome, 'eeta': ¡Choxoraicolec 'am maye 'ausalligui nam saishet da 'aralamaxatpi! Qaq ¿chaq laguio' da 'axaañi da 'alapootasheguem da nsallaxa maye choche 'ara'aalec?

Ezequiel 20:49

Nache aỹem Ezequiel sasat, sheeta': «¡Aicoue 'Am Nataxala', 'enauac na shiỹaxauapi aỹem na'aqtaxaatapigui da nam sa'axattacpi qaica ca ỹaỹaaneguet!»

Ezequiel 17:2

«'Am shiỹaxaua 'aua'aqtaxanem qome na nhuo' Israel le'ecpi, 'auauota'a ca 'araloqnaxanaxat.

2 Samuel 21:21

Qaq somaye iloquiaxan co'ollaxa so Israel le'ecpi, qalaxaye so Jonatán maye llalec so Simea, som lqaỹa so David, ỹalauat somaye.

1 Samuel 17:45

Qalaxaye so David 'enapeco': 'Am, aỹem 'ananauga da aỹem 'aurolec na 'ainec, 'archecna qataq ana 'arataquiaxai. Qalaxaye aỹem, 'am ñanauga da 'am serolec da le'enaxat Ñim Nataxala' maye Qaica ca Ỹaqalanapec, maye Natamnaxala' na nalleppi na Israel le'ecpi, maye 'anshetaique da 'aulogui'.

1 Samuel 17:36

Qaq na'aictaxa da llon huo'otaq oso, qalaq ne'ena 'aramaxashec ishet da ỹalauat. Qaq nagui nache 'eeta'am ñaqa'en de'era filisteotto maye ỹaqa'a da la'amqaanataxanaxac, cha'aye ¿ta'ainco' da isheueetac na nalleppi Ñim Lo'onatac 'Enauacna maye nca'altauec?

1 Samuel 17:10

Qaq ne'ena na'a'q, aỹem shecot da senogoqchettac na nalleppi na Israel le'ecpi. ¡Ñaq anac qome ca 'oonolec ỹale da yaqto' selogui'!

Números 24:21

Ime, qataq ỹamata'a so queniitapi, nache 'eeta': «Qami', na'aictaxa da qaramchiguiñi na qarma'aipi, cha'aye na'attalec na coma' na qaye'eguenaxaquiipi,

Números 22:17

Cha'aye aỹem ỹataqta lta'araic ñaqa'en qome ca 'ansheetenaguec, qataq so'ot qome 'enauac ca aỹem 'anem 'ara'aqtac, ỹoqo'oye ñaq aỹem 'anqouaguec da 'auanac nagui, yaqto' 'auasaxalec ca qauem 'ara'aqtac ne'ena nhuo' le'ecpi.›»

Números 22:11

da huo'o ca nhuo' le'ecpi chegoqta'ague da Egipto, qaq camayepi mashe imattalec 'enauac ye na'alhua camaye. Nache cam Balac, aỹem 'eetega da sa ñaỹaloxon da ñeqo'ona da yaqto' sasaxalec ca qauem ỹa'aqtac camayepi, yaqto' da nalaate', nache ishet da ỹo'orauec, ca'ai naqa'en ye 'alhua.

Génesis 28:7

qataq da so Jacob jec taỹa ye Padán Aram, da ipacchigui naqa'en da la'aqtac so lta'a qataq aso late'e.

Génesis 28:2

Qojec qome, 'anqo'ona ye Padán Aram yem lma' ca 'arapi' Betuel, qaq huaña qome yemaye nache 'auaroneguet aca 'oonole llale ca 'antesoqo' Labán.

Génesis 10:22

Qaq soua llalqa so Sem: Elam, Asur, Arfaxad, Lud, qataq so Aram.

Números 23:6

Nache so Balaam ỹe'eguelaxa ye hueta'a so Balac, qaq somaye ñaq nachattaua'a so lachetaqtaxanaxat, qataq nataqa'en 'enauac so lataxala'pi so Moab le'ecpi.

Salmos 49:5

¿Ta'ainco' taxa da huo'o ca icolanaxa, da ivita da ana'c naua na'axa'te maye qauema, qataq da aỹem coleesop da lle'etaxaloxo na ñepa'aguenaxauapi?