Números 23:27 - La'aqtaqa Ñim Lo'onatac 'Enauacna 2013

²⁷ Qaq huaña nache so Balac 'enapega somaye, 'eeta': Ñaq aỹem 'anqouaguec da ñeqo'onaxa ye lỹa 'alhua, saiuena'a da huaña yemaye da ỹaỹamaxareeta Ñim Lo'onatac 'Enauacna da 'auasaxalec ca qauem 'ara'aqtac na Israel le'ecpi.

Números 23:27 Referans Kwoze

Romanos 11:29

Ñim Lo'onatac 'Enauacna saishet da ñe'eguelaxaala't cam mashe ime da ỹan, qataq saishet da icoua'ai cam shiỹaxauapi maye lca'aguishecpi.

Isaías 14:27

Ñim Nataxala' maye Qaica ca Ỹaqalanapec mashe lhuennataxac de'era, nache qaica ca ishet da dataỹa'aguet. Na lhuaq mashe huo'o da larenaxanaxac, nache qaica ca ishet da naralaxat da lhuennataxac Ñimaye.

Proverbios 21:30

Ỹataqta qaica ca naigui ca naỹaanec, naỹaanataxanaxac, qataq ca no'o'n nqataxac da qaỹataỹa'aguet Ñim Nataxala'.

Proverbios 19:21

Ca shiỹaxaua qalota na iuennatega da huotaique da ỹo'ot, qalaxaye nachecata ca 'eetapeguec Ñim Nataxala' maye ishet da qaỹo'ot.

Da na'aqtaguec so Job 23:13

Ñimaye da huo'o ca huotaique da ỹo'ot qalaq qaica ca ishet da nqanaxat, cha'aye ca 'eetapeguec da ỹo'ot, qalaq ipacchigui da ỹo'ot.

Números 23:13

Qalaxaye so Balac qaltaq, 'eeta': 'Aỹala qolaq, ñeqo'onaxa ye lỹa 'alhua, yem huaña da saishet da imauec da 'aula'a yi'iye shiỹaxauapi. Qaq nache huaña qome da 'auasaxalec ca qauem 'ara'aqtac yemayepi.

Malaquías 3:6

Cha'aye Aỹem Nataxala', saishet da ñequic. Qaq ỹoqo'oye qami', maye qauachegoqoiguet so Jacob, saishet co'ollaxa da qami' qanmatchiyiñi.»

Números 23:26

Nache so Balaam 'enapeco': ¿Peta'a saisheto' da 'am sheetega co'ollaxa, da nachecata ca aỹem ỹanem la'aqtac Ñim Lo'onatac 'Enauacna maye ishet da sa'axat?

Números 23:28

Nache so Balac ỹauec so Balaam, ỹaviguisheguema na ỹataqta pa'asheguem añi qasoxonaxa ye Peor, yem huaña da ỹoqta ỹaatec 'enauac ye toolec 'alhua.

Números 22:6

Ỹoqo'oye 'am ñachoxonnot da sa 'anaỹaloxon qome da 'auanac, yaqto' 'auasaxalec qome ca qauem 'ara'aqtac namayepi, cha'aye namayepi ỹataqta napacalec da qara'añaxac. Shapegueto' qom ishet da so'orauec da yaqto' ca'ai ne'ena 'alhua. Cha'aye aỹem saỹaten da huo'o ca 'auasaxalec ca no'on 'ara'aqtac, nache talec ca no'on, qaq ca 'auasaxalec ca qauem 'ara'aqtac, nache talec ca qauem.»