Números 23:22 - La'aqtaqa Ñim Lo'onatac 'Enauacna 2013

²² Qaq Ñim Lo'onatac 'Enauacna maye nqateeguesop co'ollaxa ye Egipto, Ñimaye 'eeta'am da la'añaxac ca huaca no'onaxa le'ec.

Números 23:22 Referans Kwoze

Deuteronómio 33:17

Qaq da lyacỹaxac so José qalaq 'eeta'am ca la'auaxanec llalec ca huaca, qataq da la'añaxac 'eeta'am da la'añaxac naua lcoue ca no'onaxa le'ec huaca, qaq nache iroleguete qome da decanaxangui na ỹotta'a't shiỹaxauapi, ivitta'a naqa'en naua qaỹoqtalo 'aleu'. Qaq namayepi nachena na qalota llalaqpi so Efraín, qataq na qalota llalaqpi so Manasés.»

Números 24:8

Ñim Lo'onatac 'Enauacna maye nqateeguesop ye Egipto namayepi, Ñimaye 'eeta'am ca huaca no'onaxa le'ec da la'añaxac. Na Israel ỹataqta nmatchiguiñi qome na ỹotta'a't shiỹaxauapi maye depa'aguenataxaatacpi, qataq ỹataqta inoxo'n naua lpi'ineqa, ỹapacaviiguilo naqa'en naamaye ana lchecnapi.

Salmos 22:21

Qataq aỹem 'anca'alaxateeguesop qome naua ala'api na llonpi, qataq aỹem 'eltaxaneguet ana lcouepi ne'ena huacapi.

Éxodo 20:2

«Aỹem Nachaỹem Nataxala' maye 'anatamnaxala', Aỹem 'am ñeqateeguesop co'ollaxa ye 'alhua Egipto, yem huaña co'ollaq choche 'am nlatac.

Salmos 92:10

Qalaxaye 'am, 'anquigaxattauec qome da ỹa'añaxac sheeta'am ca huaca no'onaxa le'ec, qataq aỹem 'aucorelec ca 'arcoraxanaxat maye ỹataqta no'on da laitaỹaxac.

Salmos 68:35

Ỹataqta huo'o da 'archec 'Am 'Auo'otapecna, da qoueta'a añi atamnaxaqui maye 'aralamaqte. Ñim Natamnaxala' na Israel le'ecpi ỹanem da la'añaxac qataq da lquesaxanaxa na lalamaxat nhuo' le'ecpi. ¡Qaq ỹataqta qaỹo'oxoren qome Ñim Lo'onatac 'Enauacna!

Números 22:5

qaq somaye damaxasoxona so Balaam, som llalec so Beor, maye netaña co'ollaxa ye Petor, yem saqaỹapeque ye tala Éufrates ye 'alhua Amav. Nache so Balac ỹanem da la'aqtac so lamaxashecpi, da yaqto' 'enapega so Balaam, 'eeta': «Huo'o na nhuo' le'ecpi chegoqta'ague da Egipto, qaq namayepi ỹataqta imattalec ye nalotta na ña'alhua.

Éxodo 14:18

Qaq qom mashe ime, da sachegoxotchigui na faraón, qataq 'enauac ana naigonapi, qataq na caipi da sachaxan da ỹa'añaxac, huaña qome nache na Egipto le'ecpi ỹaỹateeta da Aỹem Nachaỹem Nataxala'.

Éxodo 9:16

Qalaxaye aỹem 'am ñeca'alaxattauec, da yaqto' 'auauaachigui da ỹa'añaxac, qataq aỹem ỹauatton 'enauac na huetalec ana 'alhua.

Josué 2:10

Qataq sa'axasoqtapeguelec da 'eetec co'ollaq qoquiỹa'ai ye Egipto, nache Ñim Nataxala' 'imñi naqa'en so 'etaxat so lche aso Auaxai Togaxarai da yaqto' ishet da qaua'axasoxoñiilec. Nataqa'en sa'axasoqtega da ỹataqta qanmachiichiyiñi soua Sijón qataq Og, soua dos lta'al ye amorreopi maye neta'atrague da le'ego ye tala Jordán.

Isaías 34:7

Nache namayepi cangui' qome nam huacapi maye le'enaxat búfalo, na huaca llalaqpi qataq na huaca lhuaraicpi, nache na ntago'q ỹapapiaxatta qome ye na'alhua namayepi, qataq nlaxagui qome na lcheta na namoxoỹaxa yemaye.

Éxodo 12:41

qaq co'ollaq mashe inoxoorec se'esoua cuatrocientos treinta vi'iye, nache 'enauac se'eso nalleppi Ñim Nataxala' ca'ai yi'iye 'alhua.

Éxodo 12:51

Qaq nache huetoigui se'eso na'a'q da Ñim Nataxala' nqateeguesop ye Egipto so alleppi Israel le'ecpi.