Números 23:21 - La'aqtaqa Ñim Lo'onatac 'Enauacna 2013

²¹ Ñimaye saishet da ilalec ca qauem lataxac yi'iye lauo' le'ecpi so Jacob, huo'otaq ca saỹaỹamaxañi lataxac ye Israel le'ecpi. Cha'aye Ñim Nataxala' maye Natamnaxala' hueta'aguet yemayepi, qaq yemayepi da iỹaxana Ñimaye nache 'eetega lta'a.

Números 23:21 Referans Kwoze

Salmos 23:4

Qaq na'aictaxa da shectangui ca ỹataqta napalñi ca'amegue, qalaq saishet da huo'o ca she'etaique, cha'aye 'Am Nataxala', aỹem qoueta'aguet, aso 'arashelte qataq so 'ampon, ỹataqta aỹem ỹa'añaqche't.

Jeremías 50:20

Qaq 'era da ỹa'aqtac Aỹem Nataxala', 'eeta': Que'eca na'a'q nache na Israel le'ecpi qataq na Judá le'ecpi huesoueeguesop qome na lasouaxashetpi, cha'aye Aỹem sechoxoren qome cam ñaq nca'altauec.»

Isaías 38:17

Dam sootaigui co'ollaxa lta'araic ñequi'icỹaxac qalaq nmeneguet nagui da huo'o da ilagaxayec. 'Am aỹem 'anca'alaxateeguesop añi huachiqui maye nlaxaañi 'enauacna, cha'aye 'auapalaxat 'enauac na ỹasouaxashetpi.

Salmos 46:11

¡Ñim Nataxala' maye Qaica ca Ỹaqalanapec, qomi' hueta'agueta! ¡Ñim Natamnaxala' so Jacob nacheñi ñi qaye'eguenaxala'!

Isaías 33:22

Cha'aye Ñim Nataxala' nacheñi Ñim qomi' ỹauecta'agueta nacheñi Ñim qomi' ilotegueto qataq nacheñi Ñim qarta'a. Qaq Ñimaye nacheñi ñim qomi' nca'alaxatrec qome.

Isaías 8:10

Da huo'o ca qalapaqaiñi lataxac qalaq saishet da ipaigui, qataq da qaỹa'añi ca qara'aqtaqui qalaq saishet da qaỹo'ot, cha'aye Ñim Lo'onatac 'Enauacna qomi' hueta'agueta.

Isaías 1:18

¡Ñim Nataxala', 'eeta': «Ña qauanaqui da ñecotaỹaqapigui de'era lataxac, na'aictoxo' da ỹataqta togaxaraic na qarasouaxashichi, qalaxaye Aỹem so'ot qome da ỹataqta ỹapagaq 'eeta'am aca aloñi, na'aictoxo' da 'eeta'am ca ỹataqta togaxaraic nqo'oilliguishec hualoxolaỹi, qalaxaye Aỹem so'ot qome da ỹataqta ỹapagaq 'eeta'am ca qagueta laue.

Romanos 6:14

Yaqto' de'era ñe'etaxaloxo qaica ca la'añaxac da qami' ỹama'q, cha'aye mashe saishet da qami' l-lataqa na namaxasoxonaxacpi. Nagui nache qauo'onataxañiiteguelec da lsoxoyec Ñim Lo'onatac 'Enauacna.

Isaías 41:10

Saishet qome da 'añe'etac cha'aye Aỹem 'am soota'aguet, saishet da 'añe'etac cha'aye nache Aỹem 'Anatanmaxala'. Aỹem 'am sanem da 'ara'añaxac, Aỹem 'am setauan qome, Aỹem sauota'a qome na ihuaq maye huegaxanaxaic da 'am ñasoqtañi.

Salmos 118:15

Na lma'pi na shiỹaxauapi no'on da lataxac, qalaq huo'o da na'alaxac da qantootalec da noxonaxanaxac maye, 'eeta': «Da la'añaxac Ñim Nataxala' ivira'a da doxonaxan.

Salmos 97:1

Ñim Nataxala' nacheñi ñi Nta'a, ỹoqo'oye 'antonapigui' qome 'am 'alhua, qataq qami' qalota ỹaqauga 'alhuapiole qantoñiitapigui' qome.

Deuteronómio 33:5

nache huo'o co'ollaxa so nta'a ye Israel, co'ollaq ivita da lapona't na lataxala'pi na nhuo' le'ecpi, nache huaxaiguet na maiche nalamaxat nhuo' le'ecpi ye Israel.»

Ezequiel 48:35

Qaq cam mpaqtaxanaxat da ima'a't qome nache ivi' nueve mil metros ye lalogaxa, qaq dam le'enaxat qome que'eca huaqta'a't nỹecpi qalaq, 'eeta': «Ñim Nataxala' hueta'a ne'ena.»

Salmos 103:12

Qataq qaỹoqta naqa'en da shenaqta na qarasouaxashetpi, 'eeta'am da yo'oxoñi qataq da avit da qaỹoqtache.

Salmos 46:7

¡Ñim Nataxala' maye Qaica ca Ỹaqalanapec, qomi' hueta'agueta! ¡Ñim Natamnaxala' so Jacob nacheñi ñi qaye'eguenaxala'!

Salmos 32:5

Qalaxaye 'am sa'axatem co'ollaxa na ỹasouaxashetpi, qataq saishet da 'am soxocheesop na qauem maye so'otpi, nache sheeta': «Aỹem sa'axatem na ỹasouaxashetpi Ñim Nataxala'.» Nache 'am 'auapalaxat 'enauac namayepi.

Salmos 32:2

Ỹataqta machiguiñi ca shiỹaxaua maye saishet da qauem ca 'eetapeguec, qataq Ñim Nataxala' saishet da huo'o ca ỹasaxalec lasouaxashet.

2 Crónicas 13:12

Qaq Ñim Lo'onatac 'Enauacna, nacheñi Ñim Qarataxala', qaq nam ltaxaỹaxanaxanecpi Ñimaye mashe lhuotta da ỹashiiyigui ana nasheerepi, da yaqto' qami' sataỹaqa'agueta da qami' seloquiaxato. Qaq qami' Israel le'ecpi, saishet qome da qauloqui' Ñim Nataxala' maye Natamnaxala' so hua'au qarta'ailpi, cha'aye saishet qome da qanaviqui Ñimaye.»

Jueces 6:13

Nache so Gedeón ỹasateguet somaye, 'eeta': «'Am Ỹataxala', da qomi' hueta'agueta Ñim Nataxala', nache ¿ta'ainco' da qomi' taleguete 'enauac ne'ena qauempi? ¿Qaq hueta'ago' 'enauac ca lta'araicpi ño'oxoyecpi maye sa qaỹauanapegapi maye qomi' da'aqtaxaatapeguema naxa som hua'au qarta'alpi, da Ñim Nataxala' qomi' nqateeguesopa co'ollaxa ye Egipto? Qaq nagui Ñim Nataxala' qomi' ca'aisalo, nache qomi' ỹanegueta da la'añaxac ye madianiitapi.»

Éxodo 34:9

'Eeta': «¡'Am Nataxala'! Qom ỹataqta 'eesa da aỹem 'auchoxoren, qaq no'on da nache qomi' qoueta'agueta qome. Aỹem saỹaten da ne'ena shiỹaxauapi ỹataqta 'eesa da sa ỹalaq, qalaxaye 'onaxaico' da 'auapalaxat qome na qarasouaxashet qataq na qaye'etaxaloxosat, qataq 'auacona da ỹataqta qomi' 'aralamqa'ate.»

Éxodo 13:21

Qaq Ñim Nataxala' nnaictague' somayepi, ye na'a'q quetaigui so lo'oc da ỹachaxaata'ague na llec somayepi, qaq ye pe qalaq quetaigui so norec le'eraxa, da yaqto' icoỹattalec somayepi. Qaq ỹoqo'oye somayepi ishet da queta ye na'a'q qataq ye pe.

2 Corintios 6:16

Qomi' maye qomi' lma' Ñim Lo'onatac 'Enauacna maye nca'altauec, qaq Ñimaye da qomi' hueta'agueta, nache saishet da saqtegueua'a nam ỹo'oxoreetac na ne'enaqtacpi maye qanatameetacotpi. Cha'aye Ñim Lo'onatac 'Enauacna 'eeta': «Sootaigui qataq salectaigui namayepi; qataq ñenaictague' namayepi, Aỹem maye Nachaỹem Nta'a maye So'otna, qaq namayepi, nache ỹalamaxatpi.»

2 Corintios 2:14

Qaq ỹoqo'oye qomi' sanaqot da qana'achec Ñim Lo'onatac 'Enauacna, da qomi' ỹalecnaxaneua'alo da lauegaxanaxac So Cristo Jesús qataq qomi' ỹanema da sa'axataq da na'aqtaguec So Cristo da yaqto' 'enauac da qaỹauatton.

Romanos 8:1

Qaq Ñim Lo'onatac 'Enauacna saishet da ỹauo'o qome ca qanhuaxanaguec, cha'aye mashe ña'araqtaua'a So Jesucristo.

Isaías 12:6

Qauo'onaxañi qataq qantoñiỹapigui' qami' maye qarma'ai na Sión, cha'aye Ñim Qui'itta Natamnaxala' so Israel maye qami' netanguilo ỹataqta lta'araic da la'amaqchec.»

Éxodo 3:12

Nache Ñim Lo'onatac 'Enauacna, 'enapeco': «Aỹem 'am soota'aguet qome. Qaq 'era qome da la'anaxat da ỹoqta 'eesa da 'am samaq, 'eeta': ‹qom ivita da 'anqateeguesop ye Egipto yem ỹalamaxatpi, nache 'enauac da qoñeeta aỹem qanatamñiỹot da huaña ne'ena qaỹoqotcheguemec 'alhua.›»

Números 14:18

da saishet da sa qaỹaloxonguit da 'aralemataic, qataq ỹataqta lta'araic da 'arsoxoyec, qataq 'auapalaxat ca lasouaxashet ca huo'o ca ỹasouaxat. Qalaxaye saishet da sa 'auauo'o ca nhuaxanaguec ca huo'o ca ỹasouaxat qataq ca saỹalaq, cha'aye 'Am 'auauo'o ca nhuaxanaguec ca nta'a maye ỹo'ottac na qauem, nataqa'en ca llalaqpi, laualpi qataq ca llalaqpi ca laualpi.

Números 14:19

Qaq souaxat de'era lta'araic 'arsoxoyec, nache 'auapalaxat nagui na qauem maye ỹo'otpi ne'ena nhuo' le'ecpi, cha'aye chegoqchiguiña co'ollaxa ye Egipto da ỹataqta 'anhualaxaueetague' choche 'anviraxatta'a ne'ena.»

Deuteronómio 9:24

Qaq nache chegoqta'a co'ollaxa da qami' sauatto'n, da saishet naxa da qaualaqaiguet Ñim Nataxala'.

Deuteronómio 31:23

Qaq co'ollaq ime, nache Ñim Nataxala' ỹanem da la'aqtac so Josué, maye llalec so Nun, 'eeta': «'Ana'añaxat qome qataq 'aua'añaxachigui ye 'arhuel, cha'aye nache 'am qome da 'aunoxonacheteua'a ne'ena shiỹaxauapi ye 'alhua maye sachaxanapecot co'ollaxa ne'ena Israel le'ecpi, qaq Aỹem qome 'am soota'aguet.»

Deuteronómio 32:5

Qami' shiỹaxauapi qauemaicpi qataq 'etaxaloxoicpi maye qaunogoqchichi Ñim Lo'onatac 'Enauacna, Ñimaye qami' da'agueleguete, nache saishet da qami' llalaqpi, cha'aye qami' qauemaicpi qataq 'etaxaloxoicpi.

Levítico 9:24

nache Ñim Nataxala', anacot so norec, nache ỹavigaxat 'enauac so lapat so shiguiỹac, qataq so lcheta maye mashe qaiqataxaatai' huetalec aso nca'atoxonaxalate. Qaq co'ollaq ỹauaachigui de'era so Israel le'ecpi, nache ỹataqta ỹa'alaqtagui souaxat da ntonaxac, nache ỹa'alyiñi naua l-llecte, iviraxata'aguet naqa'en na latap na 'alhua.

Números 9:22

Qaq huo'o naxa da dos na'axa'te, huo'otaq 'oonolec ca'agoxoic huo'otaq 'oonolec vi'i da ipelteetalec so npe'l se'eso lo'oc, nache so Israel le'ecpi qaica ca ldaxac, saishet da jec. Qaq naxa da naỹoxoosheguem se'eso lo'oc, nache somayepi qaltaq jec.

Números 16:3

Nache 'enauac somayepi huaxaỹa't da dataỹa'aguet so Moisés qataq so Aarón, nache 'enapegalo soomaye, 'eeta': ¡Nache a'aye ctaxa da qauapaquiitapeguec qami'! Cha'aye 'enauac ne'ena shiỹaxauapi, mashe qaiỹotauga da lalamaxat Ñim Nataxala'. Qataq Ñimaye hueta'aguet namayepi. ¿Qaq ta'ainco' da ỹataqta qanpa'axañiilec da qaralamaxache qanqa'eñi na lalamaxatpi Ñim Nataxala'?

1 Samuel 25:28

Qataq 'am ñachoxonnot da choche 'auchoxoren qome ana'ana 'aramaxashe da huo'o ca ỹasouaxat. Qaq ỹoqta 'eesa ñaqa'en da Ñim Nataxala' 'am ỹanem qome, qataq ca 'aỹa'alaqpi da ilo'ogue na Israel le'ecpi, cha'aye nachaqrata naxa da 'am ỹamaq Ñim Nataxala' nache 'auloqui. Qaq ỹoqo'oye 'enauaque qome naua na'axa'te da 'anachaalataxac da saishet da talec ca qauem.

Salmos 99:2

Da la'amaqchec Ñim Nataxala' ỹataqta imattalec ye Sión, qataq nataỹaña 'enauac na nhuo' le'ecpi.

Salmos 135:21

Qaq huaña qome ye Sión da qaỹo'oxoren Ñim Nataxala', Ñim netaña ye Jerusalén. ¡Qaỹo'oxoren qome Ñim Nataxala'!

Isaías 33:21

Qaq nache huaña qome yemaye da Ñim Nataxala' qomi' ỹachaxanalo da la'añaxac. Nache huo'o qome nam talapi qataq nam qalotegue la'auaxacpi, qalaxaye saishet qome da quegue na qampa'aguenaxauapi da netangui ana nnotaxaquipi nllocta qataq anam nnotaxaquipi maye ỹataqta huo'o da la'añaxac.

Joel 2:27

Huaña qome, nache qauaỹachiñiita da qami' salectaiguilo qami' Israel le'ecpi, qataq da nachaỹemta Aỹem Nataxala' maye Qanatamnaxala'ai, nache qaica ca lỹa. Huaña qome nache saishet da qaltaq huo'o ca na'aloxootaique ne'ena ỹalamaxat nhuo' le'ecpi.