Números 23:20 - La'aqtaqa Ñim Lo'onatac 'Enauacna 2013

²⁰ Qataq Ñimaye aỹem ỹamaxalec da san ca no'on ỹa'aqtac, qaq Ñim Lo'onatac 'Enauacna da ỹan ca no'on la'aqtac, nache aỹem saishet da sataỹa'aguet.

Números 23:20 Referans Kwoze

Números 22:12

Nache Ñim Nataxala' 'enapega so Balaam, 'eeta': Saishet qome da 'auca'ategue namayepi, qataq saishet da 'auasaxalec ca qauem 'ara'aqtac yi'iye nhuo' le'ecpi, cha'aye yemayepi mashe sanem da no'on da llecỹaxac.

Génesis 12:2

Qaq sachegoxotchigui qome cam 'am chegoxoguetpi, da sauo'o ca qalota shiỹaxauapi, 'am sanem qome da ỹoqouagaxanaqtaic, qataq sauo'o qome ca 'ayo'oxoyec, qataq 'am chegoqchigui qome ca nchoxonnataguec na laỹepi shiỹaxauapi.

Génesis 22:17

da 'am saalec qome ca ỹataqta lta'araic ichoxonnataxanaxa. Aỹem so'ot qome da ỹataqta qalota ca 'am chegoxoguetpi, 'eeta'am ana huaqaañipi maye neto'ot na piguem, qataq 'eeta'am na lsoche na 'alhua maye hueto'ot na loigue aso auaxai. Qataq camayepi saq ỹet qome da loxonec ca mpa'aguenaxauapi,

Isaías 43:13

Qaq Aỹem, nache 'eetai' da Aỹem Atamnaxala'. Qaq qaica ca ishet da naneltaxaneguet da ihuaqỹaxac. Qataq qaica ca ishet da nlaxaañi cam so'ot.»

Números 22:18

Qalaxaye so Balaam, 'enapeco': Na'aictoxo' da aỹem ỹanem 'enauac ca oro, qataq ca plata, maye imattaigui ca lma' ca Balac, qalaxaye aỹem saishet da seca'ata camaye. Cha'aye aỹem sa sishet da so'ot ca lta'araic, huo'otaq ca qapio'olec, da ñapacalec ca la'aqtac Ñim Nataxala' maye Ñatamnaxala'.

1 Pedro 1:5

Qami' huo'o da qarpi'iỹaxaqui Ñim Lo'onatac 'Enauacna, qaq ỹoqo'oye Ñimaye qami' npaxattaleguete, ỹauota'a da la'añaxac, yaqto' qami' ishet da qanca'alliiuec, ipacchigui dam lapaqtañi 'eetapeguec cam pa'atec na'a'q.

Números 22:38

Nache so Balaam 'enapega so Balac, 'eeta': Aja', qalaxaye mashe soota'a ne'ena, aỹem 'am ñanaỹa. Qalaxaye aỹem, saishet da sa'axat ca saishet da aỹem ỹanem Ñim Lo'onatac 'Enauacna.

Génesis 27:33

Nache so Isaac ỹataqta ỹe'elaq, nache iviloxo'l naua la'aqtaqa co'ollaq 'enapec: «Qaq ¿negue'to' qone' som ne'epe co'ollaxa, som aỹem ndoua'a so lhuoshec? Qaq aỹem mashe ime dam iquia'axac, co'ollaq saxanaxa da 'anvireuo, qataq mashe sasaxalec somaye so ichoxonnataxanaxa, qaq nagui somaye mashe huo'o da nchoxonnataguec.»

Números 6:27

Qaq 'era qome da 'eetec da ỹan ca no'on la'aqtac da talec naqa'en ca nqouagaxa na Israel le'ecpi, nache Aỹem sanem qome ca nqouagaxa namayepi.»

1 Crónicas 17:27

qaq ỹoqo'oye nagui nache talec 'anqa'en ca nqouagaxa na llalaqpi ne'ena 'aramaxashec, yaqto' nache 'eetai' qome da 'ampaxattalec, cha'aye 'Am Nataxala', mashe talec 'anqa'en da nqouagaxa namayepi, qaq nache 'eetai' qome damaye.»