Números 23:19 - La'aqtaqa Ñim Lo'onatac 'Enauacna 2013

¹⁹ Ñim Lo'onatac 'Enauacna saishet da 'eeta'am ca shiỹaxaua, Ñimaye saishet da datenataxan, qataq sa naralaxat ca lhuennataxa. Cha'aye da huo'o ca ỹan la'aqtac, qalaq ipacchigui da ỹo'ot. Qataq da huo'o ca ỹachaxanapec qalaq ipacchigui da ỹan.

Números 23:19 Referans Kwoze

1 Samuel 15:29

Cha'aye Ñim Lo'onatac 'Enauacna nacheñi ñi llo'oxoraxat na Israel le'ecpi, Ñimaye sa datenataxan, qataq saishet da huo'o ca ntogottague'. Cha'aye Ñimaye saishet da choche shiỹaxauatto da huo'otaq ntogottac.

Santiago 1:17

Ñim Lo'onatac 'Enauacna nacheñi ñi qomi' ỹanema 'enauac na 'onaxaic qataq nalochiguiñi. Cha'aye Ñimaye nacheñi ñi maiche lo'onata 'enauac ana huaqaañipi maye neto'ot na piguem, qataq Ñimaye saishet da nqochen da lataxac.

Malaquías 3:6

Cha'aye Aỹem Nataxala', saishet da ñequic. Qaq ỹoqo'oye qami', maye qauachegoqoiguet so Jacob, saishet co'ollaxa da qami' qanmatchiyiñi.»

Hebreos 6:18

Qaq Ñimaye ye saishet da datenataxan, nache dam ỹachaxanapec qataq so ỹan la'aqtac chegoqchigui da maiche la'añaxac, saishet da naralaxat. Qaq damaye qomi' ỹa'añaqche't, cha'aye qomi' sauoqtaique da Ñim Lo'onatac 'Enauacna qomi' npaxattaleguete, qataq huo'o da qarpi'iỹaxac da Ñimaye qomi' ỹanema dam qomi' ỹachaxanapecoto.

Tito 1:2

qataq ỹaỹateeta da aquitaxac da achaalataxac maye chochaq tatec. Qaq Ñim Lo'onatac 'Enauacna maye sa datenataxan, Ñimaye ỹachaxanapec co'ollaxa de'era achaalataxac co'ollaq saxanaqaca ana 'alhua.

Romanos 11:29

Ñim Lo'onatac 'Enauacna saishet da ñe'eguelaxaala't cam mashe ime da ỹan, qataq saishet da icoua'ai cam shiỹaxauapi maye lca'aguishecpi.

Lucas 21:33

Qaq na piguem qataq ana 'alhua imeuo qome, qalaxaye da ỹa'aqtac saishet da imeuo.

Habacuc 2:3

Qaq na'aictoxo' de'era 'arauanaqchec da ñaq qaỹoqta cam laloqo' da yo'oq, qalaxaye damaye ipacchigui qome. Qaq 'am ñaq 'auata'a qome damaye na'aictaxa da qaỹaloqta, cha'aye damaye ỹataqta ipacchigui qom ivita ca laloqo'.

Salmos 89:35

Cha'aye 'oonolec co'ollaxa da maiche aỹem da ñallegoxottela't da sanem so ỹa'aqtac, ỹoqo'oye saishet da satenachet ñi David.

Oseas 11:9

Ỹoqo'oye saishet da 'am serolec da ỹayeloxo, qataq saishet da she'eguelaxalec da ñelaxaañi ye Efraín, cha'aye Nachaỹem maye Ỹo'onatac 'Enauacna, qaq saishet da choche aỹem shiỹaxaua. Qataq Nachaỹem maye Aỹem Qui'itta, qami' salectaiguilo, qaq saishet da 'am ñanaỹa da 'am selaxachigui.

Miqueas 7:20

'Am Nataxala', nache 'eetai' qome da 'aupacchigui da 'ara'aqtac qataq da 'arauotaxanaqtaic, maye soua hua'au' vi'iye 'auachaxanapeguema co'ollaxa soua hua'au' qarta'al Abraham, qataq so Jacob.

1 Crónicas 17:17

¡Qaq ye ỹataqta qaica ca la'amaqchec 'anqa'en de'era, 'Am Nataxala' maye 'Aro'onatac 'Enauacna, ye ỹataqta 'avira'a da 'aua'axat cam ñaq natauo llalaqpi ne'ena 'arlatac, qataq da aỹem 'aulota'a qalaq aỹem 'ena'am 'anqa'en ca 'amaqtaqaic ỹale!

Romanos 9:6

Qaq saishet da sheetega da Ñim Lo'onatac 'Enauacna da huo'otaq sa ipaguelec nam ỹachaxanapecotpi nam Israel le'ecpi. Qalaxaye saishet da 'enauac na judiopi da nhuanaua'a nam ỹataqta 'eesa Israel le'ecpi.

2 Timoteo 2:13

'Eetai' taxa da sa sepagaxalec ca qara'aqtac, qalaxaye So Cristo saishet da sa ipaguelec ca la'aqtac, cha'aye Somaye saishet da sa ipaguelec cam ỹachaxanapec, qataq sa naralaxat da lataxac.

Hebreos 7:21

Qalaxaye co'ollaq qaỹa'axat So Cristo, nache Ñim Lo'onatac 'Enauacna ỹan da la'aqtac, nanettalec ana nere maye huetalec na la'aqtacpi Ñimaye, 'eeta': «Ñim Lo'onatac 'Enauacna ỹan da la'aqtac, da 'eetega ipacchigui maye 'eeta': ‹Da 'aro'onataxanaxac da 'am ntaxaỹaxanaxanec chochaq tatec.› Qaq Ñim Lo'onatac 'Enauacna saishet da naralaxat ca lhuennataxac.»

Santiago 4:5

¿Peta'a sa qaua'amaqchiñiỹo' da nanettalec ana nere maye huetalec na la'aqtacpi Ñim Lo'onatac 'Enauacna da 'eeta': «Ñimaye ỹataqta qomi' lauotaqa'ate»?

Génesis 28:15

Qaq Aỹem 'am soota'aguet, qaq maicheye cam 'aigue qalaq 'am ñepaxattalec qome, qataq 'am ñe'eguelaxata qome ne'ena 'alhua. Saishet qome da 'am salat, choche ivitta'a da sepacchigui da so'ot 'enauac nam 'am sachaxanapecotpi.»

Números 14:35

Qaq Aỹem Nataxala', 'era da ỹa'aqtac: 'Era da sheetec qome ne'ena nhuo' le'ecpi, qauemaicpi maye huaxaỹa'pi da Aỹem npa'aguene'. Huaña ne'ena toolec 'alhua da imeuo ñaqa'en namayepi.›»

Números 23:18

Nache so Balaam do'onaxaatauegue da la'aqtac, 'eeta': «'Am Balac, maye 'am llalec so Sipor, ña 'ana'axaỹaachigui da ỹa'aqtaxanaxac.

Salmos 89:34

Qataq saishet da sa sepaguelec da ñaỹamaxate' co'ollaxa somaye, qataq sepacchiguilo naua ỹa'aqtaqa.

Salmos 110:4

Ñim Nataxala' mashe ỹan co'ollaxa so la'aqtac, qaq saishet qome da ỹe'eguelaxa da ntogottac, «Da 'am, nache 'eetai' qome da 'am ntaxaỹaxanaxanec, nache qoneta'am da lataxac so Melquisedec.»

Isaías 21:17

Nache saq 'amaqtaq qome ca checnec lo'opi, qataq ca alaataxaicpi maye lca'alaxaicpi ye Quedar.» Qaq 'era da la'aqtac Ñim Nataxala' maye Natamnaxala' na Israel le'ecpi.

Isaías 31:2

Qalaxaye Ñimaye nataqa'en ỹaanaxanaxaic, qaq ỹaỹaten da ỹan cam qauem, qataq da huo'o ca 'enapec qalaq saishet da ỹe'eguelaxa da naralaxat ca la'aqtac. Ñimaye, dataỹa'aguet qome nam qauemaicpi, qataq nam itauaatac nam 'etaxaloxoicpi.

Isaías 40:8

Ana huoue deqaqa qaq ana lauoxo qalaq deqat da lyac, qalaxaye naua la'aqtaqa Ñim Qanatamnaxala' nache 'eetai'salo, chochaq tatrec.»

Isaías 46:11

Aỹem, seỹaxana co'ollaxa so ỹale maye chegaqa'ague da nala' lliguisheguem, maye qaỹoqtegue da chegaqa'ague 'eeta'am ca maỹo maye qoỹo lo'o', nache camaye ỹacoolec qome nam llapaxañepi. Qaq 'era da ỹa'aqtac qaq damaye ipacchigui qome ñaqa'en, nam llapaxañepi co'ollaxa qalaq so'ot qome.

Isaías 55:11

Qaq 'era da 'eeteque naua ỹa'aqtaqa maye chegoqraigui na aỹap, da saishet da qui'itchiguilo da Aỹem ñe'eguelqoto, nacherata da ỹo'ot cam sheetapeguec qataq ipacchigui cam ỹamaxasoxonaxac maye sanem.

Jeremías 4:28

Ana 'alhua nlaxagui qome da naquicoxo, na piguem qalaq ỹapolec qome na napalaxa. Mashe san da ỹa'aqtac qaq saishet qome da ñaralaxat, damaye mashe iuennataxac qaq saishet qome da huo'o da ñetogotaxac.

Daniel 4:28

Qaq 'enauac de'era qaỹa'axata'a da talec so nta'a Nabucodonosor, damaye ỹataqta ipacchigui co'ollaxa.

Génesis 26:3

qaq nagui, qalaq no'on da nache qonetaña ne'ena 'alhua. Aỹem 'am soota'aguet qome, qataq 'am sanem da ichoxonnataxanaxa, cha'aye 'am, qataq ca 'am chegoxoguetpi, sanem qome 'enauac ne'ena 'alhua. Qaq yaqto' sepacchigui dam sachaxanapeguem co'ollaxa so 'arta'a Abraham.

Josué 21:45

Nache Ñim Nataxala', ỹataqta saishet da chochaq 'oonolec ca sa ipaguelec da ỹo'ot 'enauac nam no'on ỹachaxanapeguem co'ollaxa so Israel le'ecpi.

1 Samuel 3:12

Qaq qom ivita que'eca na'a'q, nache ỹataqta sepacchigui qome na ỹa'aqtacpi maye talec ñaqa'en co'ollaxa ñi Elí qataq soua llalqa.

1 Reyes 14:11

Qaq cam huaña na huaqta'a't nỹecpi da ileu, qalaq chec qome ca pioxoppi, qaq ca ileuauga ca no'onaxa, qalaq chec ca maỹopi maye chegoqo'ot na piguem, cha'aye nache la'aqtac Ñim Nataxala'.›»

2 Reyes 7:2

Nache so ltaua so nta'a, ỹasategueto' so la'aqtaxanaxanec Ñim Lo'onatac 'Enauacna, 'eeta': Qaq na'aictaxa taxa da Ñim Nataxala' ỹauatoigui ca lasom na piguem, qaq nache 'ena'am saishet da huo'o de'era qonapec. Nache so Eliseo, 'enapeco': 'Am, 'auauaachigui qome de'era, qalaxaye saishet da 'avira'a da qollec.

2 Reyes 15:12

Qaq 'era da 'eetec da ipacchigui da la'aqtac Ñim Nataxala', co'ollaq 'enapega so Jehú, 'eeta': «De'era 'aro'onataxanaxac, talec qome ca 'aỹa'alec, 'arhual, qataq cam llalec ca 'arhual, qataq cam laual camaye, da ilo'ogue na Israel le'ecpi.»

Salmos 77:9

Ñim Lo'onatac 'Enauacna, ¿peta'a mashe icoua'ai da lqouagaxanaqtaic? ¿Peta'a ỹataqta dalemata Ñimaye, nache saishet da huo'o ca ichoxoren?»

Salmos 132:11

Ñim Nataxala', ỹanem co'ollaxa so David so la'aqtac, maye saishet da sa ipaguelec, 'eeta': «Ca 'oonolec ca 'aỹa'alaqpi sanagui qome da 'aro'onataxanaxac da nta'a.