Números 23:16 - La'aqtaqa Ñim Lo'onatac 'Enauacna 2013

¹⁶ Nache Ñim Lo'onatac 'Enauacna nauane' so Balaam, nache ỹanem so la'aqtac, 'eeta': 'avi'eguelaxa ye hueta'a da Balac, nache 'aua'aqtaxanem da 'am sanem ỹa'aqtaxanaxac.

Números 23:16 Referans Kwoze

Números 23:5

Nache Ñim Nataxala' ỹanem so Balaam da la'aqtac, nache 'eeta': 'avi'eguelaxa qome ye hueta'a da Balac, nache 'aua'aqtaxanem dam 'am sanem ỹa'aqtaxanaxac.

Números 24:1

Qalaxaye so Balaam co'ollaq ila'a da Ñim Nataxala' ỹaỹamaxareeta da somaye ỹasaxalec da no'on la'aqtac so Israel le'ecpi, nache somaye saishet da 'ena'am so hua'auñi ỹo'ot da ichemaxata ca la'aqtac Ñimaye, nacherata da ỹamatalec da pa'aigue ye toolec 'alhua.

Números 22:35

Qalaxaye so lamaxashec piguem le'ec Ñim Nataxala' 'enapego' so Balaam, 'eeta': Nalotañi da 'auca'ategue ne'ena shiỹaxauapi, qalaxaye ca 'am sanem ỹa'aqtac, nacheca qome ca ishet da 'aua'axat. Nache so Balaam nnaicapegue' som lamaxashecpi so Balac.

Números 22:20

Nache se'eso pe, Ñim Nataxala' nachaxana so Balaam, nache 'enapega, 'eeta': Da 'am ñe'eguena'a ne'ena shiỹaxauapi, nache no'on qome da qoñisheguem da 'auca'ategue. Qalaxaye ca 'am samaxalec, nachecata qome 'auo'ot.

Números 23:15

Huaña nache so Balaam 'enapega so Balac, 'eeta': Nache qoueta'a qome ne'ena sa qaỹapeque na 'arachetaqtaxanaxat, qaq aỹem qalaq saicra'atai' da yaqto' ñauane' Ñim Nataxala'.

Números 23:17

Nache so Balaam ỹe'eguelaxa ye hueta'a so Balac, qaq somaye ñaq nachattaua'a so lachetaqtaxanaxat, qataq nataqa'en 'enauac so lataxala'pi so Moab le'ecpi. Nache so Balac inat somaye, 'eeta': ¿Ca 'eetec ca 'am ỹanem la'aqtac Ñim Nataxala'?

Deuteronómio 18:18

Qaq Aỹem, sachegoxottoigui qome namayepi ca ỹa'aqtaxanaxanec maye 'am 'eeta'am, qaq camaye nache ỹa'axat qome ca samaxalec ỹa'aqtac da da'aqtaxanem namayepi.