Números 23:14 - La'aqtaqa Ñim Lo'onatac 'Enauacna 2013

¹⁴ Nache so Balac ỹauec so Balaam da tasheguema ye Sofim, yem huaña so pa'asheguem añi qasoxonaxa Pisga. Huaña nache qaltaq no'oxooyishegue'm soua siete nca'atoxonaxalate, nache ñi 'oonolec huaca llalec, qataq 'oonolec qagueta lhuaraic, ỹachalec añi 'oonole se'esoua nca'atoxonaxalate.

Números 23:14 Referans Kwoze

Oseas 12:11

Ye Galaad, hueta'a na ỹaqa'a atamnaxala'pi, qalaxaye namayepi nda'a't na saq 'en. Qaq ye Gilgal huaña na qoỹaategueuo nachetaqtaxanaxat huaca, ỹoqo'oye ana lca'atoxonaxalatepi dolagui qome, 'eeta'am ca logosheguem coma'pi, maye huetalec ca qanqalagoxotsheguem 'alhua.»

Isaías 46:6

Qaq huo'o na ỹachegoxotangui na lachoxonaxaqui na qalota oro, qataq naloqten na lcat plata ỹachangui ana naloqnaxanaxaqui, ime nache iỹaxana cam ỹaỹaten da do'onataxana na lcat plata da yaqto' ỹo'ot ca natamnaxala' qaq da ime nache ỹa'atto'oto naua l-llectel camaye qataq ỹo'oxoreetac.

Deuteronómio 34:1

So Moisés chegoqchiguiña co'ollaxa ye toolec 'alhua ye Moab da tasheguema añi qasoxonaxa Nebo, nache ivittasheguema na pa'asheguem añi qasoxonaxa Pisga maye nalotta ye Jericó. Qaq nache huaña co'ollaxa da Ñim Nataxala' ỹallelec naqa'en 'enauac ye 'alhua ye Galaad, ivitta'a ye na'alhua so Dan,

Deuteronómio 4:49

qataq 'enauac ye Arabá, qataq ye pa'aỹa'ague da nala' lliguisheguem so tala Jordán, nache ivitta'a aso Auaxai Leuaxai, maye huaña da pa'aguiñi añi qasoxonaxa Pisga.

Deuteronómio 3:27

Qalaxaye 'asheguema qome na pa'asheguem añi qasoxonaxa Pisga, qaq nache 'auallelec ye pa'aigue da sheu', la'añaxa, nala' lliguisheguem qataq da avit, qalaxaye saishet da 'aua'axasoxoolec qome ye tala Jordán.

Números 23:29

Nache so Balaam 'enapega so Balac, 'eeta': 'Ano'oxooyisheguem qome caua siete nca'atoxonaxalate, qataq 'auqataxanai'salo caua siete huaca llalqa, qataq caua siete qagueta lhuaraiqa.

Números 21:20

qataq chegoqchiguiña yemaye da taỹa ye ca'amapega't 'alhua ye Moab, nache ivittasheguema ye ỹoqta pa'asheguem añi qasoxonaxa Pisga, yem huaña da yo'oqotta ye toolec 'alhua.

Números 23:13

Qalaxaye so Balac qaltaq, 'eeta': 'Aỹala qolaq, ñeqo'onaxa ye lỹa 'alhua, yem huaña da saishet da imauec da 'aula'a yi'iye shiỹaxauapi. Qaq nache huaña qome da 'auasaxalec ca qauem 'ara'aqtac yemayepi.

Números 23:15

Huaña nache so Balaam 'enapega so Balac, 'eeta': Nache qoueta'a qome ne'ena sa qaỹapeque na 'arachetaqtaxanaxat, qaq aỹem qalaq saicra'atai' da yaqto' ñauane' Ñim Nataxala'.