Números 23:11 - La'aqtaqa Ñim Lo'onatac 'Enauacna 2013

¹¹ Nache so Balac, iviraxato'ot so Balaam, 'eeta': ¿Ta'ainco' da qonetec de'era? ¡Aỹem, 'am ñauega ne'ena da yaqto' 'auasaxalec ca qauem 'ara'aqtac na ñepa'aguenaxauapi, qaq nagui qalaq talec 'anqa'en da no'on 'ara'aqtac namayepi!

Números 23:11 Referans Kwoze

Nehemías 13:2

Cha'aye souaxat somayepi da saishet co'ollaxa da ỹami' ca aloq, qataq ca laquip so Israel le'ecpi, nacherata da isheeten so Balaam da yaqto' ỹasaxalec so qauem la'aqtac, qalaxaye Ñim Lo'onatac 'Enauacna saishet da ipaigui naqa'en se'eso qauem la'aqtac somaye nda'a't da nmeneguet naqa'en da no'on.

Números 24:10

Qaq so Balac co'ollaq hua'aqchigui de'era, nache ỹataqta dalemataỹa so Balaam, nache ivigoxoguilo naua napocna, nache iuaxana't naua lhua'q, nache 'eeta': Aỹem, 'am seỹaxana co'ollaxa da yaqto' 'auasaxalec ca qauem 'ara'aqtac na ñepa'aguenaxauapi, qaq nagui mashe ivi' tres da talec 'anqa'en da 'onaxaic 'ara'aqtac namayepi.

Números 22:17

Cha'aye aỹem ỹataqta lta'araic ñaqa'en qome ca 'ansheetenaguec, qataq so'ot qome 'enauac ca aỹem 'anem 'ara'aqtac, ỹoqo'oye ñaq aỹem 'anqouaguec da 'auanac nagui, yaqto' 'auasaxalec ca qauem 'ara'aqtac ne'ena nhuo' le'ecpi.›»

Números 22:11

da huo'o ca nhuo' le'ecpi chegoqta'ague da Egipto, qaq camayepi mashe imattalec 'enauac ye na'alhua camaye. Nache cam Balac, aỹem 'eetega da sa ñaỹaloxon da ñeqo'ona da yaqto' sasaxalec ca qauem ỹa'aqtac camayepi, yaqto' da nalaate', nache ishet da ỹo'orauec, ca'ai naqa'en ye 'alhua.

Números 23:12

Nache so Balaam, 'enapeco': Mashe 'am sa'aqtaxaateguem mque' da nachecata ca aỹem ỹanem la'aqtac Ñim Nataxala', nacheca sa'axat.