Números 22:6 - La'aqtaqa Ñim Lo'onatac 'Enauacna 2013

⁶ Ỹoqo'oye 'am ñachoxonnot da sa 'anaỹaloxon qome da 'auanac, yaqto' 'auasaxalec qome ca qauem 'ara'aqtac namayepi, cha'aye namayepi ỹataqta napacalec da qara'añaxac. Shapegueto' qom ishet da so'orauec da yaqto' ca'ai ne'ena 'alhua. Cha'aye aỹem saỹaten da huo'o ca 'auasaxalec ca no'on 'ara'aqtac, nache talec ca no'on, qaq ca 'auasaxalec ca qauem 'ara'aqtac, nache talec ca qauem.»

Números 22:6 Referans Kwoze

Números 24:9

Qaq da nmatec, qalaq 'eeta'am ca quiyoc da nqapaxaatañi, ¡Nache qaica ca ỹe'egueeta'a da nlouec naqa'en! ¡Ỹataqta talec da nchoxonnataxanaxa ca 'am ichoxoren, qaq saishet da talec da nchoxonnataguec ca 'am saichoxoren!»

Hechos 16:16

Qaq can qomi' qaltaq ñeqo'onaxauga som qouagaxaunaqa', nache ñatenaqa'aguet aso qa'añole nlata maye huo'o so netaigui saqcha'a na'añaxac leguemaxaic maye ishet da ilaviigui ca lỹa. Qaq asomaye ỹataqta qalota naqa'en añi laueque so na'aco'pi, choche qaỹauegaxaatapigui da ilaviigui ca lỹa.

Ezequiel 13:6

Na l-loxocpi qalaq saq'en, qataq nam la'aqtaxanaxacpi qalaq chochaq ashepegaxanaxacpi. Namayepi 'eetega ỹa'aqtaxanaxanecpi naxa, qalaxaye Aỹem saishet da samaq co'ollaxa namayepi. ¡Qaq ñaqaiyeta namayepi iuatta'a naxa da ipacchigui nam la'aqtaxanaxacpi!

Nehemías 13:2

Cha'aye souaxat somayepi da saishet co'ollaxa da ỹami' ca aloq, qataq ca laquip so Israel le'ecpi, nacherata da isheeten so Balaam da yaqto' ỹasaxalec so qauem la'aqtac, qalaxaye Ñim Lo'onatac 'Enauacna saishet da ipaigui naqa'en se'eso qauem la'aqtac somaye nda'a't da nmeneguet naqa'en da no'on.

1 Reyes 22:13

Nache so namaxashec maye ỹe'eguena'a co'ollaxa so Micaía, 'enapego' somaye, 'eeta': So na'aqtaxanaxanecpi, 'enauac da 'eeta'a't da la'aqtaxanaxac, da da'aqtaxaatapeguem so nta'a Ajab, da taỹa'a da no'on. Qaq ỹoqo'oye no'on taxa da nataqa'en 'am, 'ano'onaxat ca 'ara'aqtaxanaxac, yaqto' nateeteguet qome da la'aqtaxanaxac somayepi.

1 Reyes 22:8

Nache som nta'a ye Israel, ỹasateguet so Josafat, 'eeta': Aja', ñaq huo'o so lỹa, maye ishet da senataq ca 'eetec ca la'aqtac Ñim Nataxala', qaq somaye le'enaxat Micaía, som llalec so Imla. Qalaxaye ỹataqta sa sesheteguet somaye, souaxat da saishet da aỹem da'aqtaxanem ca no'on, nda'a't na qauem da ỹa'axata'a. Qalaxaye so Josafat 'enapego' somaye, 'eeta': Saishet taxa da 'anasaxauec de'era.

1 Reyes 22:6

Nache so Ajab, maye nta'a ye Israel, iỹaxaneuga so na'aqtaxanaxanecpi, maye huac da ivi' cuatrocientos ỹalleppi, nache inat somayepi, 'eeta': ¿Peta'a ishet da ñeqo'ona ye Ramot, maye huaigui ye Galaad da seloquiaxan, qalqo' saishet? Nache somayepi 'enapeco': Aja', ishet da 'anqo'ona da 'auloquiaxan, cha'aye Ñim Nataxala' 'am ỹanem da 'oxonec yemaye.

1 Samuel 17:43

Nache 'enapega somaye, 'eeta': ¿Peta'a 'aupi'itaxaatega da aỹem pioq da aỹem 'aurolec na qo'oipaq da aỹem 'auloquiaxan? Qaq nache talec naqa'en na qauem la'aqtacpi so David, irolec da le'enaxat na ne'enaqtac maye natamnaxala'pi somaye.

Deuteronómio 23:4

Cha'aye namayepi saishet co'ollaxa da ỹauo'o ca qaraquipi, qataq ca qo'oqoi co'ollaq qaua'axasoxoñiilec ye na'alhua, co'ollaq qauachegoqoita'a ye Egipto. Nacherata da isheeten so Balaam, som llalec so Beor, maye chegoqta'a ye Petor maye huagui ye 'alhua Mesopotamia, da yaqto' qami' ỹasaxaleguete ca qauem la'aqtac.

Números 22:17

Cha'aye aỹem ỹataqta lta'araic ñaqa'en qome ca 'ansheetenaguec, qataq so'ot qome 'enauac ca aỹem 'anem 'ara'aqtac, ỹoqo'oye ñaq aỹem 'anqouaguec da 'auanac nagui, yaqto' 'auasaxalec ca qauem 'ara'aqtac ne'ena nhuo' le'ecpi.›»

Números 22:12

Nache Ñim Nataxala' 'enapega so Balaam, 'eeta': Saishet qome da 'auca'ategue namayepi, qataq saishet da 'auasaxalec ca qauem 'ara'aqtac yi'iye nhuo' le'ecpi, cha'aye yemayepi mashe sanem da no'on da llecỹaxac.

Génesis 27:29

Qataq qalota qome cam shiỹaxauapi 'am do'onataxaatacot, qataq cam ỹotta'a't shiỹaxauapi 'am ỹa'aroto qome naua l-llecte. Qataq 'aulo'ogue qome ca 'aralamaxat 'arqaỹañecpi, ¡maye 'am ỹa'aroto qome naua l-llecte! Qaq ca 'am ỹasaxalec ca qauem, qalaq talec qome cam qauem, qaq ca 'am ichoxoren, qalaq talec qome ca nchoxonnataguec.»

Génesis 12:3

Aỹem sechoxoren qome ca 'am ichoxorenpi, qaq ca 'am saichoxorenpi, qaq nataqa'en saishet da sechoxoren, qaq chegoqchigui qome 'am da 'enauac na nhuo' le'ecpi ana 'alhua da sasaxalec ca ichoxonnataxanaxa.»

Proverbios 26:2

Nache 'eeta'am ca qoỹo maye nỹec le'ec da choche taỹa'aicra' da huaỹotac, huo'otaq ca mayogotolec maye qaica ca lpata'c, qaq nache 'eetec de'era qauem da saishet da choche anac.

Salmos 109:28

Ỹoqo'oye na'aictoxo' namayepi da aỹem isheueetac, qalaxaye 'am aỹem 'auchoxoren qome. Namayepi ishet da aỹem iloquiaxan, qalaxaye huo'o qome da la'aloxo, cha'aye ne'ena 'aramaxashec huo'o qome da ntonaxac.

Josué 24:9

Huaña, nache so Balac, som llalec so Sipor, maye nta'a ye Moab, somaye anac co'ollaxa da qami' iloquiaxa'n, qataq somaye damaxasoxona so Balaam, maye llalec so Beor, da yaqto' qami' ỹasaxaleguete ca qauem la'aqtac.

Miqueas 6:5

Qami' ỹalamaxat nhuo' le'ecpi qantooñeeta'ac nagui, nam huotaique ỹo'ot co'ollaxa so Balac maye nta'a ye Moab, qataq dam la'aqtac so Balaam, som llalec so Beor co'ollaq ỹasateguet somaye. Qataq qantooñeeta'ac co'ollaq qa'aiteuga ye Sitín nache qaviyeeta'a ye Gilgal, yaqto' qauauattoñeeta da la'añaxac Ñim Nataxala'.

Números 23:13

Qalaxaye so Balac qaltaq, 'eeta': 'Aỹala qolaq, ñeqo'onaxa ye lỹa 'alhua, yem huaña da saishet da imauec da 'aula'a yi'iye shiỹaxauapi. Qaq nache huaña qome da 'auasaxalec ca qauem 'ara'aqtac yemayepi.

Números 23:27

Qaq huaña nache so Balac 'enapega somaye, 'eeta': Ñaq aỹem 'anqouaguec da ñeqo'onaxa ye lỹa 'alhua, saiuena'a da huaña yemaye da ỹaỹamaxareeta Ñim Lo'onatac 'Enauacna da 'auasaxalec ca qauem 'ara'aqtac na Israel le'ecpi.