Números 22:5 - La'aqtaqa Ñim Lo'onatac 'Enauacna 2013

⁵ qaq somaye damaxasoxona so Balaam, som llalec so Beor, maye netaña co'ollaxa ye Petor, yem saqaỹapeque ye tala Éufrates ye 'alhua Amav. Nache so Balac ỹanem da la'aqtac so lamaxashecpi, da yaqto' 'enapega so Balaam, 'eeta': «Huo'o na nhuo' le'ecpi chegoqta'ague da Egipto, qaq namayepi ỹataqta imattalec ye nalotta na ña'alhua.

Números 22:5 Referans Kwoze

Deuteronómio 23:4

Cha'aye namayepi saishet co'ollaxa da ỹauo'o ca qaraquipi, qataq ca qo'oqoi co'ollaq qaua'axasoxoñiilec ye na'alhua, co'ollaq qauachegoqoita'a ye Egipto. Nacherata da isheeten so Balaam, som llalec so Beor, maye chegoqta'a ye Petor maye huagui ye 'alhua Mesopotamia, da yaqto' qami' ỹasaxaleguete ca qauem la'aqtac.

Miqueas 6:5

Qami' ỹalamaxat nhuo' le'ecpi qantooñeeta'ac nagui, nam huotaique ỹo'ot co'ollaxa so Balac maye nta'a ye Moab, qataq dam la'aqtac so Balaam, som llalec so Beor co'ollaq ỹasateguet somaye. Qataq qantooñeeta'ac co'ollaq qa'aiteuga ye Sitín nache qaviyeeta'a ye Gilgal, yaqto' qauauattoñeeta da la'añaxac Ñim Nataxala'.

Josué 24:9

Huaña, nache so Balac, som llalec so Sipor, maye nta'a ye Moab, somaye anac co'ollaxa da qami' iloquiaxa'n, qataq somaye damaxasoxona so Balaam, maye llalec so Beor, da yaqto' qami' ỹasaxaleguete ca qauem la'aqtac.

Judas 1:11

Qaq ỹataqta ¡choxoraxaso' namayepi! Cha'aye da lataxac 'eeta'am so Caín, qataq souaxat da lyaxa da nauec aca anom, nache 'eeta'am da lataxac so Balaam. Ỹataqta ỹaguec da qauemaicpi, ỹoqo'oye da l-leuaxa 'eeta'am da l-leuaxa so Coré souaxat da npa'aguenaxac.

Apocalipsis 2:14

Qalaxaye Aỹem nache 'ena'am huo'o da sa saỹamaxaren da qoneta, cha'aye 'auaconeguet nam quetague' da qauem lataxac so Balaam. Cha'aye somaye ỹapaxaguenec co'ollaxa so Balac dam 'eetec naqa'en na Israel le'ecpi da yaqto' somayepi nache queto'ot da ỹo'ottac na qauem, qataq ỹayen da yaqto' somayepi chec nam mashe qoỹanot na ne'enaqtac nqui'ipi maye qanatameetacotpi qataq saq 'en, qataq da yaqto' sa ỹalaxaguet Ñim Lo'onatac 'Enauacna.

Josué 13:22

Nataqa'en so Israel le'ecpi ỹalauat co'ollaxa so shiỹaxaua maye ilaviigui ca lỹa maye le'enaxat da Balaam, som llalec so Beor, qataq so qalota laỹepi.

Números 23:7

Qaq huaña nache so Balaam do'onaxaataueeguelo naua la'aqtaqa, 'eeta': So Balac maye lta'a na netaña na Moab. Aỹem ỹachegoqchiguiña aye qasoxonaxapi maye pa'aigue da nala' lliguisheguem ye Aram, da aỹem nauega ne'ena 'alhua. Nache aỹem 'enapega 'eeta': Ña 'auanac qome da yaqto' 'auasaxalec ca qauem 'ara'aqtac so Jacob, qataq 'auasaxalec ca nhuaxanaguec na Israel.

Salmos 105:24

Nache Ñim Nataxala' ỹo'ot da nquictauec ye lcata som lalamaxat lauo' le'ecpi somaye, qataq napacalec naqa'en da la'añaxac so mpa'aguenaxauapi,

Génesis 13:16

Aỹem so'ot qome da ỹataqta qalota camayepi, 'eeta'am na lsoche na 'alhua. Qaq da 'eetec da saishet da qanaloqten na lsoche na 'alhua, qaq nache 'eetec qome da saishet da qanaloqten ca 'am chegoxoguetpi.

Éxodo 10:15

Cha'aye ỹataqta nlaqtelec se'eso 'alhua, ivitta'a da saishet da yo'oxolec. Nache ỹauta 'enauac ana nañiguishe qataq 'enauac ana nañiguishe ala maye lli'iỹoqte aso lache. Ỹataqta qaica ca no'onañi nam darala ye Egipto, ivira'a na no'onaxa qataq ana qo'oipaqpi.

Números 31:8

Qaq nataqa'en ỹalaua't soua cinco nta'al ye Madián, Evi, Requén, Sur, Jur qataq Reba, qataq nataqa'en ỹalauat so Balaam, som llalec so Beor.

Deuteronómio 23:5

Qalaxaye Ñim Nataxala' maye Qanatamnaxala'ai, saishet co'ollaxa da ỹoqocha'a so Balaam, souaxat da lauotaxanaqtaic da qoñiita. Nache Ñimaye chegoqchigui naqa'en de'era l-laraxanaxac somaye da qami' ỹanema da qanchoxonnataguiiqui.