Números 22:38 - La'aqtaqa Ñim Lo'onatac 'Enauacna 2013

³⁸ Nache so Balaam 'enapega so Balac, 'eeta': Aja', qalaxaye mashe soota'a ne'ena, aỹem 'am ñanaỹa. Qalaxaye aỹem, saishet da sa'axat ca saishet da aỹem ỹanem Ñim Lo'onatac 'Enauacna.

Números 22:38 Referans Kwoze

Proverbios 19:21

Ca shiỹaxaua qalota na iuennatega da huotaique da ỹo'ot, qalaxaye nachecata ca 'eetapeguec Ñim Nataxala' maye ishet da qaỹo'ot.

Números 22:18

Qalaxaye so Balaam, 'enapeco': Na'aictoxo' da aỹem ỹanem 'enauac ca oro, qataq ca plata, maye imattaigui ca lma' ca Balac, qalaxaye aỹem saishet da seca'ata camaye. Cha'aye aỹem sa sishet da so'ot ca lta'araic, huo'otaq ca qapio'olec, da ñapacalec ca la'aqtac Ñim Nataxala' maye Ñatamnaxala'.

Números 23:26

Nache so Balaam 'enapeco': ¿Peta'a saisheto' da 'am sheetega co'ollaxa, da nachecata ca aỹem ỹanem la'aqtac Ñim Lo'onatac 'Enauacna maye ishet da sa'axat?

Números 23:16

Nache Ñim Lo'onatac 'Enauacna nauane' so Balaam, nache ỹanem so la'aqtac, 'eeta': 'avi'eguelaxa ye hueta'a da Balac, nache 'aua'aqtaxanem da 'am sanem ỹa'aqtaxanaxac.

Isaías 47:12

Qaq nache qoqueto'ot qome da 'aye'eyaqnataxanaxac qataq dam 'araconaxanaxac maye 'anapaxagueetega co'ollaq ñaq 'am qa'añole, shapegueto' da huo'o ca naigui, qataq shapegueto' da 'auañoxot na shiỹaxauapi da 'am ñi'iỹa.

Isaías 46:10

Nachaỹem maye sa'auchiguiñi da sa'axatta'a co'ollaxa cam loga't de'era, qataq nachaỹem sa'axata'a co'ollaxa cam ñaq natauo. Qaq shenapec: Nam llapaxañepi ipacchigui qome da huo'o, qataq so'ot qome 'enauac nam maiche seuennategapi.

Isaías 44:25

Aỹem saishet da ipacchigui ñaqa'en nam ỹa'axatta'api na na'aqtaxanaxanecpi maye saq'en, qataq na ilaviigui ca lỹa so'otec da santouen. Qataq na ỹaanaxanaxaicpi so'otec da nquictañi na laỹaanecpi.

Salmos 76:10

Da lalemataic ca shiỹaxaua qalaq nmeneguet da 'año'oxonnataguec, ivira'a ca saq 'amaqtaq lalemataic qalaq ỹo'ot da 'ayo'oxoyec.

Salmos 33:10

Ñim Nataxala' saishet da ipaigui naqa'en na 'eetapeguecpi na ỹotta'a't shiỹaxauapi, qataq saipaigui naqa'en na 'eetapeguecpi na nhuo' le'ecpi.

2 Crónicas 18:13

Nache so Micaías, 'enapeco': Qaq cha'aye 'eesa da nca'altauec Ñim Nataxala', nache cam la'aqtac maye aỹem ỹanem Ñimaye, nacheca qome ca sa'axat.

1 Reyes 22:14

Nache so Micaía, 'enapeco': Qaq cha'aye 'eesa da nca'altauec Ñim Nataxala', nache cam la'aqtac maye aỹem ỹanem Ñimaye, nacheca qome ca sa'axat.

Números 24:13

da na'aictaxa da aỹem 'aỹa'anem ñi 'arma' maye nlaqchigui na oro qataq na plata, qalaxaye aỹem saishet da ñapacalec ca la'aqtac Ñim Nataxala' da yaqto' so'ot ca no'on huo'otaq ca qauem, nacherata da sa'axat ca la'aqtac Ñim Nataxala'.

Números 22:37

Nache so Balac 'enapega so Balaam, 'eeta': Aỹem ỹataqta she'eguelaqtalec da 'am seỹaxaatega, qalaq ¿Ta'ainco' da sa 'auanac? ¿'Aupi'itaxaatega peta'a da saishet da so'ot ca lta'araic 'ansheetenaguec?

Números 22:39

Ime, nache so Balaam lỹa so Balac, da nqo'oora ye Quiriat Jusot,

Números 22:8

Nache so Balaam 'enapego' somayepi, 'eeta': Ña qoviỹa'a na ima' ne'ena pe, nache aỹem qami' sa'aqtaxanema qome ca la'aqtac Ñim Nataxala'. Nache se'eso nqueroxonecpi maye Moab le'ecpi, hua'a so lma' somaye se'eso pe.

1 Reyes 22:16

Qalaxaye so nta'a 'enapeco': ¿Qaq chaq lcate' da she'eguelaxaalec da 'am shenapega, da 'aỹa'an ca 'ara'aqtac, nache aỹem 'aua'aqtaxaatem ca ỹataqta 'eesa la'aqtac Ñim Nataxala'?