Números 22:36 - La'aqtaqa Ñim Lo'onatac 'Enauacna 2013

³⁶ Qaq so Balac co'ollaq la'axaỹaxac da anacta so Balaam, nache huaqata'a so huaqta'a't nỹecpi ye Moab, maye naña ye sa qaỹapque so tala Arnón, maye loga't yi'iye 'alhua.

Números 22:36 Referans Kwoze

Hechos 28:15

Qaq som qarqaỹañicpi maye netaña ye Roma mashe huo'o da la'axaỹaxac da shenaqta; nache somayepi qomi' huaqata'agueta. Huo'o na nqattauga ye ntaxaỹaqa' maye le'enaxat Apio, qataq yem le'enaxat tres mataqa'ate. Qaq can ilaigui somayepi so Pablo, nache ỹanot da na'achec Ñim Lo'onatac 'Enauacna, nache ỹataqta nomteguet da la'añaxac.

Jeremías 48:20

Ye Moab huo'o da la'agaxa, qataq nlaxagui da lcolanaxa. ¡Ñaq qaualaqai, qataq qanỹeñiilec yemaye! ¡Qaua'aqtaxañim ye Arnón da ye Moab ỹataqta dolachigui!»

Isaías 16:2

Qaq na lma' ye Moab qalaq ỹa'axasoxoolec qome so tala Arnón, 'eeta'am ca qoỹo da qaỹo'oraxat, nache datauec ca'ai ca lpata'c.

Jueces 11:18

Huaña nache qaltaq qolaqtalec ye toolec 'alhua, nache qolaqto'oto naua loiguiye ye na'alhua ye edomiitapi qataq ye moabiitapi. Nache co'ollaq seviraxa yem na'alhua ye moabiitapi maye pa'aỹa'ague da nala' lliguisheguem, nache souaqa'a yemaye, yem pa'aỹa'atague da le'ego so tala Arnón. Cha'aye se'eso tala, nache loga't na na'alhua ye moabiitapi ỹoqo'oye saishet da senoxonaxaua'a yemaye.

Deuteronómio 3:8

Qaq 'era da 'eetec se'eso na'a'q da saconaxa ye na'alhuapi se'esoua dos nta'al maye ilotagueto so amorreopi maye neraña co'ollaxa ye pa'aỹa'ague da nala' lliguisheguem ye tala Arnón, qataq ivitta'a añi qasoxonaxa Hermón,

Deuteronómio 2:24

Qaq ime, nache Ñim Nataxala' qomi' 'enapegalo, 'eeta': ‹Qoqui qome, qaua'axasoxoñiilec ye tala Arnón, cha'aye qami' sanema da qoroxoñiqui ñi Amorreo le'ec Sijón, maye lta'a na netaña ye Jesbón qataq ye na'alhua. Qaq ỹoqo'oye qanoxochiỹaua'a qome ye na'alhua nache qanalaache' ñimaye.

Éxodo 18:7

Nache so Moisés jec da ca'atta'aguet so lacho'. Qaq co'ollaq ivireguet, nache ỹa'aldoto naua l-llecte somaye. Ime, nache napigoxoi'. Qaq co'ollaq ime da nquiitega't, nache tareua'a so npe'l.

Génesis 46:29

Qaq huaña nache so José damaxasoxoolec da qaỹaỹamaxaañi aso nnaigona, da yaqto' jec da huaqata'aguet so lta'a. Qaq co'ollaq ivireguet so lta'a, nache nqapale', nache nỹeetac. Qaq ỹataqta qaỹoqtec so nnoinaxac co'ollaq nqapalta'ai' so lta'a.

Génesis 18:2

nache somaye co'ollaq namatasheguem, nache soua tres shiỹaxau' nachattrañi huetra'a so saqaỹapeque somaye. Qaq co'ollaq ilaugalo, nache nqalgaqasheguem da ilo'ogueta soomaye, nache ỹa'alyiñi naua l-llecte, ivira'aguet na latap na 'alhua,

Génesis 14:17

Qaq so Abram co'ollaq mashe ñe'eguelaq co'ollaq ime da loxonec so Quedorlaomer qataq soua nta'al maye nnaictagueto somaye, nache so nta'a ye Sodoma hueqata'aguet co'ollaxa somaye huaña so ca'amegue le'enaxat Save, maye nataqa'en le'enaxat Ca'amegue maye lalamaxat so nta'a.

1 Samuel 13:10

Qaq co'ollaq ime so Saúl da ỹaneuo aso nachetaqtaxanaqtepi qaỹavigaxatta, nache ivireuo so Samuel. Nache so Saúl ca'atta'aguet somaye da nquine',

Números 22:35

Qalaxaye so lamaxashec piguem le'ec Ñim Nataxala' 'enapego' so Balaam, 'eeta': Nalotañi da 'auca'ategue ne'ena shiỹaxauapi, qalaxaye ca 'am sanem ỹa'aqtac, nacheca qome ca ishet da 'aua'axat. Nache so Balaam nnaicapegue' som lamaxashecpi so Balac.

Números 22:37

Nache so Balac 'enapega so Balaam, 'eeta': Aỹem ỹataqta she'eguelaqtalec da 'am seỹaxaatega, qalaq ¿Ta'ainco' da sa 'auanac? ¿'Aupi'itaxaatega peta'a da saishet da so'ot ca lta'araic 'ansheetenaguec?