Números 22:32 - La'aqtaqa Ñim Lo'onatac 'Enauacna 2013

³² Qalaxaye so lamaxashec piguem le'ec Ñim Nataxala', 'enapega somaye, 'eeta': ¿Ta'ainco' ye ỹataqta tres da 'avi'eguelaxalec da 'auaxaatac añi 'arelo 'ashena? Ye aỹem nachaỹem sootangui na 'ec da 'am ñeqanaxat, cha'aye sa saỹamaxaren da 'icỹaxac.

Números 22:32 Referans Kwoze

Hechos 13:10

nache 'enapego', 'eeta': –¡'Am tenataxanaxaic, qataq 'am 'etaxaloxoic, 'am llalec so pa'aguenataxanaxaic, qataq ỹataqta 'ampa'aguenaxaua 'enauac na ỹaỹamaqchiguiñisat, 'am saq 'aloxogui da 'auo'ottac da 'aratenataxanaxac! ¿Ta'ainco' 'am ye 'auashaxaare'c naua ỹaỹamaqchiyiñi 'eetapegueco Ñim Lo'onatac 'Enauacna?

Proverbios 28:18

Ca ỹale ỹo'oxoraic camaye ishet da nca'alec, qaq ca 'etaxaloxoic qalaq taỹa'a da lachoxoyec.

Números 22:22

Nache so Balaam ca'ategue somayepi, netalec aso lalo 'ashena, qataq nnaictagueto soua dos lamaxa'she. Qalaxaye Ñim Nataxala' ỹataqta dalemata souaxat da jec somaye, nache so lamaxashec piguem le'ec Ñim Nataxala', huaqata'ague so llec somaye da yaqto' nqanaxat.

Proverbios 28:6

Na'aictoxo' da choxoraq ca ỹale qalaxaye huo'o da llo'oxoyec, qaq saq 'ena'am ca sallaxanec qalaxaye qauema naua lhuennataxaco.

Proverbios 14:2

Ca no'oitegue da lataxac qalaq huo'o naq 'enec naqa'en Ñim Nataxala', qaq ca sa ỹaỹamaxañi da lataxac qalaq ỹo'otan Ñimaye.

Miqueas 6:5

Qami' ỹalamaxat nhuo' le'ecpi qantooñeeta'ac nagui, nam huotaique ỹo'ot co'ollaxa so Balac maye nta'a ye Moab, qataq dam la'aqtac so Balaam, som llalec so Beor co'ollaq ỹasateguet somaye. Qataq qantooñeeta'ac co'ollaq qa'aiteuga ye Sitín nache qaviyeeta'a ye Gilgal, yaqto' qauauattoñeeta da la'añaxac Ñim Nataxala'.

Jonás 4:11

Qaq ta'ainectoxo' da saq ỹactec ñaqa'en da ichoxonnataxanaxa yem 'amaqtaqaic huaqta'a't nỹecpi ye Nínive, maye hueta'a ye shiỹaxauapi maye napactelec ca ciento veinte mil ye lcata, maye saỹaỹaten ca 'eetec da yaqto' nca'alec, qataq qalota ye hueta'a shiguiỹacpi.»

Salmos 147:9

Ñimaye ỹanem da lquia'axac na shiguiỹacpi, qataq na llalaqpi na teguesanpi naxa da iỹaxanaique ca aloq.

Salmos 145:9

Ñim Nataxala', ichoxoren 'enauac nam huo'o, da lchoxonnataxanaxa huetalec 'enauac na lo'onatacpi.

Salmos 36:6

Qataq da nalochiguiñi 'arataxac, 'eeta'am ana qaỹoqotcheguemec qasoxonaxapi, qataq naua 'alapaxayiñi lataxaco 'eeta'ama aso auaxai late'erai maye qaỹoqchiguingui. Qataq ỹataqta 'antela'a na shiỹaxauapi qataq na shiguiỹacpi 'Am Nataxala'.

Deuteronómio 25:4

Saishet qome da 'auo'ot ca lmiiguishec ca nauegaxanaxala' huaca, da 'auchegoqtac aca ala ca 'añiguishec.

Deuteronómio 23:4

Cha'aye namayepi saishet co'ollaxa da ỹauo'o ca qaraquipi, qataq ca qo'oqoi co'ollaq qaua'axasoxoñiilec ye na'alhua, co'ollaq qauachegoqoita'a ye Egipto. Nacherata da isheeten so Balaam, som llalec so Beor, maye chegoqta'a ye Petor maye huagui ye 'alhua Mesopotamia, da yaqto' qami' ỹasaxaleguete ca qauem la'aqtac.

Números 22:35

Qalaxaye so lamaxashec piguem le'ec Ñim Nataxala' 'enapego' so Balaam, 'eeta': Nalotañi da 'auca'ategue ne'ena shiỹaxauapi, qalaxaye ca 'am sanem ỹa'aqtac, nacheca qome ca ishet da 'aua'axat. Nache so Balaam nnaicapegue' som lamaxashecpi so Balac.

Números 22:28

Qaq huaña, nache Ñim Nataxala' detaqa naqa'en aso 'ashena, nache 'enapega so Balaam, 'eeta': ¿Negue'to' ca 'am so'otec ye ỹataqta mashe tres, da aỹem 'avi'eguelaxalec da aỹem 'auaxaatac?

Números 22:20

Nache se'eso pe, Ñim Nataxala' nachaxana so Balaam, nache 'enapega, 'eeta': Da 'am ñe'eguena'a ne'ena shiỹaxauapi, nache no'on qome da qoñisheguem da 'auca'ategue. Qalaxaye ca 'am samaxalec, nachecata qome 'auo'ot.

Números 22:33

Qaq ana 'ashena ye aỹem ilota'a, ỹoqo'oye tres da aỹem dashelec. Qaq taxa da saishet da aỹem dashelec anamaye, nache sogote taxa da 'am salauat, qaq anamaye nachanata taxa da nca'altauec ñaqa'en.

Proverbios 16:2

Ca ỹale 'eeta'am naqa'en da 'onaxaic 'enauac na ỹo'ottacpi, qalaxaye Ñim Nataxala', nacheñi ñi nmit na nhuennataxacpi.